السلام عليكم ورحمة الله وبركاته
عساكم بخير أتمنى من أي حد يشوف رسالتي يقرأها كلها لأني محتاجه المساعده جدا هي الرساله طويله شويه معلش
أنا في مرحلة الابتدائي والاعدادي كنت بنت عاديه تروح دروسها تذاكر تقعد مع أهلها وتخرج مع صحابها وفي الاعدادى كنت شاطره وجبت ٩٠ في الميه وكنت ناقصه ٢٨ درجه وكنت مبسوطه جدا أنا وأهلي لحد ما دخلت الثانوي وحالي اتشقلب
مبقتش اعرف اذاكر بس مش طول الوقت وتعرضت لخذلان من اقرب صاحبه ليا و تعرضت من كلام قاسي من صديقتي الأخرى لحد ما تأقلمت وفي تانيه ثانوي بدأت أرجع لحياتي وكنت طموحه جدا وبحب النجاح وكنت بخطط اني أدخل صيدله ويبقا عندي شركات ادويه واحلام تانيه كتير
كنت بحب النجاح اوي لحد ما دخلت تالته ثانوي
ومن أول يوم في السنه و انا كنت بذاكر وبنسى وبعدين مبقتش عارفه اذاكر ولا أصلي و صحابي بعدو عني كلهم من غير سبب وبقيت لوحدي وكان بيجيلي انهيار عصبي كتير ورحت لناس كتيره وقالو انه دي عين وحاولت ارجع لحياتي الطبيعيه معرفتش وطلبت من أهلي اني أأجل السنه وماوفقوش ودخلت الامتحانات وكانت النتيجه راسب
ومن بعدها وانا مغيبه عن الدنيا وبسمع كلام سيء وجالي تلبد في المشاعر وحاولت ابدأ كتير مش عارفه انا مش عارفه اعمل ايه انا اهلي مش موافقين اروح عند دكتور نفسي وانا مفيش اي حد معايا يساعدني أطلع من اللي انا فيه و ارجع لحياتي وتعبت اوي وحاسة نفسي قليله وأهملت الاهتمام بنفسي و شكلي
اللي انا عايزاه اني انسى الماضي كله بكل اللي فيه وأبدأ حياه جديده بس مش عارفه ابدأ منين ولا ازاي ومشتته جدا وتايهه
وعليكم السلام اختي فى الله💙 بصي يا جميله انتى لازم قبل ايه حاجه تكتفي بنفسك يعني حد معاكي تمام صحبه معاكي تمام مفيش أصحاب تمام برضو اكون مكتفيه بنفسى . وهدفك و كلية الصيدلة اللى بتحلمي بيها صدقينى مش صعبه انك توصلي لها خالص ومش معنى انك رسبتي فى سنه دراسيه انك فاشله ولا مش هتوصلي انتى بس ارجعي للصلاه تاني و ذاكري كويس و خلي دايماً هدفك قدام عينك علشان تثبتي للناس اللى ضايقوكي انك ناجحه خلي كلامهم يحفزك مش يديكى طاقه سلبيه انتى بس خلي عندك يقين انك هتوصلي و قولي لنفسك دائماً انك هتوصلي و عليكى بالمذاكره وقيام الليل والله ثم والله انا ما وصلت لحلمي اللي هو كلية الصيدلة إلا بفضل قيام الليل و دعواتي فيه ثم مذاكرتي و زي ما قولتلك اكتفى بنفسك و بلاش كلام الناس يأثر على نفسيتك وانا اختك لو احتاجتينى فى ايه حاجه انا موجوده وربنا معاكي يا جميله ربنا يوفقك 💙💙
تم النشر الثلاثاء، ٢٨ أكتوبر ٢٠٢٥
طيب أنا محتاجه اعرف ابدأ منين عايزه اعرف طريق البداية، أنا بقول مثلا اخد السنه دي ارجع فيها شغفي وحبي للنجاح وطموحي تاني واذاكر واجتهد علشان ربنا يكرمني وبفكر ادخل كلية علوم التغذيه و اقوي علاقتي بنفسي وبأهلي وأكون صداقات ولو معرفتش اكتفي بنفسي .واتخلص من الاكتئاب وكل المشاكل النفسيه واختار لغتين ادرسهم و مهاره أنا عايزه ادرسها و مهاره بتجيب فلوس بحيث لو حبيت اعمل بزنس و أمارس هوايه أنا بحبها واخد كورسات في التغذيه العلاجيه واهتم بها جدا لو دخلت كلية علوم التغذيه كويس مادخلتهاش يبقا معايا شهاده من الكورسات .ممكن رأيكم
تم النشر الأربعاء، ٢٩ أكتوبر ٢٠٢٥
وعليكم السلام ورحمة الله وبركاته ، تدخل في الموضوع على طول ، يا أختى الثانوية مش نهاية المطاف الثانية جزء من حياتك مش حياتك ، كل واحد فينا مكتوب رزقه ومستقبلو من قبل العالم ما يتوجد ، استعيذى بالله من الشيطان الرجيم وحصنى نفسك بالأذكار وأرقى نفسك واللى بيدخل فى طريق الله مبيرجعش خائب ابدا ،اقرأى قران صلى قيام الله ، تانى حاجه خدى كورسات فى مجال البرمجة مثلا او اى حاجه يعنى ،وخلى اللى حصلك دا قوة دافعة ليكى انك تجتهدى اكتر متخلهوش عائق قدامك ،واخيرا ربنا يوفقك ويصلح حالك ويبعد عنك أصحاب السوء ويرفع عنك الهم والبلاء والخزن ويدخل على قلبك السرور والفرح والسعادة اللهم آمين 🤲 🤎
تم النشر الأربعاء، ٢٩ أكتوبر ٢٠٢٥
وعليكم السلام ورحمة الله وبركاته يا ولاء، شكراً لك على ثقتك في مشاركة مشاعرك وهمومك بكل صراحة، وهذا بحد ذاته خطوة كبيرة وشجاعة. قد يكون الشعور بالتعب النفسي وفقدان الحماس صعب جداً، وأنا هنا معك لأساعدك وأدعمك بإذن الله. أولاً، دعيني أقول لك أنك لست وحدك في هذا، فالكثير من الناس يمرون بفترات يشعرون فيها بالضياع والضغط النفسي، ولا بأس بأن تطلبي المساعدة وتبحثي عن سبيل للخروج من هذه الحالة. لنقسم الأمر إلى نقاط تسهل عليك التفكير: قبول المشاعر والتصالح مع الذات: لا تلومي نفسك على ما حدث أو على المشاعر التي تمرين بها. أنت إنسانة طبيعية مررت بصعوبات ليست بالهينة، وهذا لا يقلل من قيمتك أبداً. ابدئي بمحاولة تقبّل نفسك بعيوبها ومميزاتها. التخلص من الماضي سلبي: نسيان الماضي كما تطلبينه ليس بمعناه أن تنسي كل شيء دفعة واحدة، ولكن المقصود هو أن لا تسمحي لتجاربك السيئة بأن تتحكم في حاضرِك ومستقبلك. ابدئي بالتفكير بالتجارب التي علمتك دروساً حتى لو كانت موجعة، وركزي على ما ترغبين في تحقيقه الآن. الخطوة الأولى للعودة للحياة: حاولي تحديد ما تريدين فعلاً الآن: هل هو النجاح الدراسي؟ تطوير مهارات جديدة؟ بناء علاقات صحية؟ نظمي وقتك بطريقة بسيطة، ابدئي بأمور صغيرة: مثل الصلاة، ترتيب مكان دراستك، كتابة أهداف يومية قصيرة. تقديم الرعاية النفسية لنفسك: بالرغم من اعتراض أهلك على زيارة طبيب نفسي، يمكنك البدء بالخطوات التي تهيئك نفسيًا وعاطفيًا، مثل: قراءة كتب أو مقالات تنمي الفكر الإيجابي. التحدث مع نفسك بلطف وحنان. تدوين مشاعرك وأفكارك في يوميات. التواصل مع الدعم: قد يكون من الصعب في بعض الأحيان أن تجدي من يفهمك، لكن لا تيأسي. ممكن أن تستخدمي منصات مثل فدني لتسألي وتطلبي النصيحة من خبراء نفسيين مختصين لديهم خبرة ويتفهمون حالتك. إعادة بناء الثقة بالنفس: ابدئي بشيء تحبينه أو كنتِ تبرعين فيه (كالدرجات العالية أو الهوايات). تذكري أن النجاح ليس دائماً بأداء عالي في الامتحان فقط، بل بالاستمرارية والرغبة في التحسن. وأخيراً يا ولاء، لا تنسي الدعاء والصبر، فهما مفتاح الأمل والراحة في حياتنا ألهمك الله تقواك وقوتك، وحفظك وأراك الخير في أيامك القادمة. لو تحبي، أنا موجودة هنا دائماً لأي دعم أو توجيه، وأيضاً أنصحك بزيارة صفحة الخبراء في فدني https://www.fedni.net/experts حيث بإمكانك الحصول على استشارات متخصصة أكثر تساعدك أكثر. أتمنى لك بداية جديدة مشرقة يا ولاء، وكل خطوة صغيرة تؤدي لنجاح كبير بإذن الله. لو حابة، شاركيني ماذا هي أول خطوة تشعرين أنك قادرة على القيام بها؟
تم النشر الثلاثاء، ٢٨ أكتوبر ٢٠٢٥
تمام شكرا جدا و ربنا يوفقنا للطريق الصواب ولما يحب و يرضى
تم النشر الأربعاء، ٢٩ أكتوبر ٢٠٢٥
كل الحاجات والطموحات والنجاحات مش بتجي بسرعة ولكن عاوزة عمر كامل لتحقيق كل هذا وكل اللي مريتي انا مريت بشبه منه في حياتي ولحد دلوقتي باعاني بس هحاول اتخطي كله ده واعيش علي مبادئ لحياتي تكون صح عشان مخسرش واكون ندمان وهحاول اعمل الصح وهحاول ارجع علاقتي بربنا لأنها اقوي علاقة كله مصيره الي الفناء بشر غير كل حاجة لن انا اللي هتحاسب علي نفسي وعلي تصرفاتي فإن شخص مكلف ومسئول وهادعي اني اكون علي الطريق الصحيح وهتقبل اي حاجة وهبطل افكر بسلبية واحاول امنع وساويس الشيطان واحاول اكون شخص مرن نفسيا وعاطفيا واكون عند برود وصبر واتخطي الماضي ومش هجبر نفسي هتصالح معها هيكون صعب وهفشل اكتر من كام مرة بس انا حي اررزق ده ممكن يكون انسان في ضلال طلوع عمره وتيجي عليه فترة من الزمان قصيرة يرجع بصدق الي ربنا ويغفر له ويدخله الجنة رغم أنه مذنبا وهيتحاسب بس فيه ذرة ايمان فيه في بينجي بيها هنخاول مرة ونقع مرات ولكن هنحاول اكيد في نهاية لكل حاجة حتي ولو فيش في الدنيا في الآخرة اهم حاجة لو يائس ارجع ربنا مرة وعشرة وسبحان أن ربنا كاتب اقدار انت لا تقدر تتخطاه وهتحصل ولو خدت كل التدابير وحاجة دي بتمحي من عندك الخوف من عدم الحصول على الفرصة وان كل حاجة راحت ولكن السعي وأن ليس للإنسان الا ما سعي ،وبس فحاول مع كل حاجة فشلك خوفك نجاحك كل حاجة كل حاجة واهم حاجة المبادئ اللي هتكمل بيها حطها لنفسك لأن مهما تشبهنا نزال مختلفين
تم النشر الأربعاء، ٢٩ أكتوبر ٢٠٢٥
شكرا جدا أخي و جزاك الله خير الجزاء
تم النشر الأربعاء، ٢٩ أكتوبر ٢٠٢٥
ادعي كتير في كل صلاة وسجود وليل حافظي على اذكار الصباح والمساء وحافظي على سماع سورة البقرة كل يوم ولو قرتيها بنفسك يكون احسن لو كنتي بتسمعي اغاني ومسلسلات قاطعيها فورا ولو مواقع التواصل بتشتتك ومقاطع الريلز قرري الاستغناء عنها ولو اضطربت تشتري موبايل زراير شوفي انتي عاوزة ايه بعد خمس سنين بإذن الله تعالى وابدئي تشتغلي عليه، النبي صلى الله عليه وسلم بيقول اصدق الله يصدقك، خليكي صادقة مع ربنا وربنا مش هيردك باذن الله
تم النشر الأربعاء، ٢٩ أكتوبر ٢٠٢٥
طيب أنا محتاجه اعرف ابدأ منين عايزه اعرف طريق البداية، أنا بقول مثلا اخد السنه دي ارجع فيها شغفي وخبي للنجاح وطموحي تاني واذاكر واجتهد علشان ربنا يكرمني وبفكر ادخل كلية علوم التغذيه و اقوي علاقتي بنفسي وبأهلي وأكون صداقات ولو معرفتش اكتفي بنفسي .واتخلص من الاكتئاب وكل المشاكل النفسيه واختار لغتين ادرسهم و مهاره أنا عايزه ادرسها و مهاره بتجيب فلوس بحيث لو حبيت اعمل بزنس و أمارس هوايه أنا بحبها واخد كورسات في التغذيه العلاجيه واهتم بها جدا لو دخلت كلية علوم التغذيه كويس مادخلتهاش يبقا معايا شهاده من الكورسات .ممكن رأيكم.
تم النشر الأربعاء، ٢٩ أكتوبر ٢٠٢٥
لعرض السؤال في فدني اضغط هنا