السلام عليكم..
اول حاجة كان من فترة انفصلت عن صديق و نزلت بوست قبل كدة عنه و أن الحمدلله عرفت أنه حرام بعد فترة و قطعت تماما عن اصدقاء السوء الخ...
بس حصل بعدها حاجات غريبة المهم أن الشخص دة كان بيجيلي ف احلامي كتير أنه بيبعتلي رسائل ف ورق مكتوب فيها انا اسف
بعدين حلمت أنه ارتبط ببنت انا عرفاها و فعلا طلعوا ارتبطوا ف الحقيقة
و هو خلى البنت دي تيجي تقولي في الحقيقة أن هي و هو على علاقة دلوقتي و أنه كان شايفني زي أخته مش اكتر ..
ف حلم تاني كان كاتب انه بيحبني
و مرة تالته كان كاتب انه مش مرتاح مع البنت اللي معاه حاليا و أنه مش بيحبها بس عمل كدة غصب عنه
و بعدها حلمت أنهم انفصلوا ..بعدها عرفت أنهم انفصلوا بالفعل
و بعد فترة حلمت اني داخله محل كباب حلمي و دة مطعم مشهور ف مصر و انا داخلة اذاكر ف لقيته مستنيني ف أنا بصيت بقرف و دخلت اقعد لوحدي و اخلص اللي ورايا
و لحد النهاردة أو الفترة دي بقا بيطلعلي في الاحلام ف صمت و احنا الاتنين دائما متجاهلين بعض تماما و معرفش سبب انه بيجيلي ف احلامي رغم اني بنام و أنا مرهقة ف بنام من التعب على طول حتى من غير تفكير
انتي في الحلم ممكن تتحكمي في نفسك عادي فممكن تقوليلوا انك مش عايزاه وكمان ممكن تسبيه هوا انا عارفه ان مش في كل الأوقات ممكن احنا اللي نتحكم في الحلم بس انتي ممكن تفكري في حاجه قبل النوم وكدا هتحلمي بالحاجة دي وادعي ربنا كتير انو يبعدوا عندك حتي لو كان حلم ادعي انو انتي متشوفيهوش
تم النشر الاثنين، ٨ أبريل ٢٠٢٤
فيه حاجه اسمها تخاطر، ربما هو بيستعين بيها، لان تكرر الموضوع بالشكل ده نسبة صغيرة اوي انه يكون صدفة! اللي تقدري تعمليه، ياريت تتجاهلي اي أمر ومتفكريش فيه، واثبتي على موقفك. وحافظي على اذكار الصباح والمساء.
تم النشر الاثنين، ٨ أبريل ٢٠٢٤
العقل الباطن بيفكر في الأمر و تصادف الأحداث ما هي الإ صدفه على حد إعتقادي وحتى لو مش صدفه مش لازم تركزي فيها لإنها علاقه محرمه من البداية وهو لو بيحبك فعلا فهو كدا عرف قيمتك ولو حاول يرجعلك عرفيه قيمتك بجد وقوليله يتواصل مع الأهل ويتقدملك وتكون علاقه حلال وأرفضي الرجوع للعلاقه المحرمه ولو فعلا مش بيتسلى ( رغم أن شخص عمال يرتبط ويبعد عن البنات ففترات صغيره شخص غير جاد إطلاقا ) وطلع جاد وقتها هيتقدملك غير كدا متفكريش فيه ولا في الأحلام ومتحطيهاش في بالك
تم النشر الاثنين، ٨ أبريل ٢٠٢٤
لعرض السؤال في فدني اضغط هنا