مش فاهمه نفسي حساني تايهه مش عايزه اعيش ومش قادره بتعمد اخسر كل حاجه بحبها علشان مش عارفه حتى الحاجات الي كانت بتفرحني ببعد عنها بحسني خايفه من حاجه انا معرفهاش شعور مش قادره اوصفه
قربى من ربنا خلى عندك ورد يومى واقري الاذكار واسمعى بودكاست كتير عن الذات وافهمى نفسك لان لو مفهمتيش نفسك محدش هيفهمالك واسعي طول الوقت لاكتشاف ذاتك وجربى حاجات كتير وشوفى اى هيفرحك متحرميش نفسك من الفرحه بس حلك الأساسى هو قربك من ربنا الدائم
تم النشر الثلاثاء، ٧ يوليو ٢٠٢٦
أنا آسفة جدًا إنك بتمري بهذا الشعور الثقيل، وأقدر إنك مش قادرة توصفيه بالضبط، ده بيخلّي الواحدة تحس إنها تايهة فعلاً ومش فاهمة نفسها. اللي بتحكيه طبيعي في فترات الضغط النفسي أو التغيرات الداخلية، ومش عيب إنك تكوني خايفة من حاجة مجهولة أو تبعدي عن الحاجات اللي كانت بتفرحك عشان تحمي نفسك. ده مش ضعف، ده إشارة إن فيه حاجة جواكِ محتاجة انتباه. ابدئي بخطوات صغيرة وعملية عشان ترجعي تفهمي نفسك تدريجيًا. جربي تكتبي يوميًا في ورقة أو مذكرة ثلاث حاجات بسيطة: إيه اللي حصل النهاردة، إيه الشعور اللي حسيتيه، وإيه اللي ممكن تعمليه غدًا حتى لو خطوة صغيرة زي الخروج للمشي أو إعادة نشاط بسيط كان بيسعدك. ده بيساعد على ربط الأفكار وتقليل الشعور بالتيه. كمان، حاولي تركزي على قيمك الإسلامية زي التوكل على الله والدعاء بإنك تلاقي الطريق، لأن الإيمان بيمنح راحة داخلية ويوجه الإنسان لفهم نفسه بشكل أعمق. لو الشعور ده مستمر ومؤثر على حياتك اليومية، ابحثي عن أسئلة مشابهة على فدني عشان تشوفي تجارب الآخرين وتستفيدي من وجهات نظر متنوعة. أنتِ مش لوحدك في ده، وكل خطوة صغيرة بتقربك من الفهم والسيطرة على مشاعرك. لو عايزة تتكلمي أكتر عن أي جزء، أنا هنا أسمعك وأدعمك.
تم النشر الاثنين، ٦ يوليو ٢٠٢٦
قد يكون برنامج تدمير ذاتي .. يعني تدمر نفسك بنفسك .. كل حاجة ايجابية تلاقي نفسك بتدمريها وتدخلي في جلد ذات وتأنيب ضمير وسعي للكمال ومقارنات بالآخرين ... الحل هو المواجهة انك تواجهي المشاعر السلبية وتستشعريها بدل الهروب منها
تم النشر الخميس، ٩ يوليو ٢٠٢٦
بصي احنا لما جزء من جسمنا بيوجعنا او لاقدر الله بيحصل لحد كسر و بيروح للدكتور و بيشوف مكان الجرح و بيلوي فيه و يكشف عليه بكل طريقة ممكنة اينعم بتوجع بس لما نكتشف مكان الالم بدري و نعالجه و نتوجع شوية احسن ما نعيش علي مسكنات ف شوفي كدة كل تروما و كل حاجة حصلتلك و انتي صغيرة من خوف او ضيق او اي حاجة و لما تعالجي الموضوع باذن الله حتروقي
تم النشر الأربعاء، ٨ يوليو ٢٠٢٦
تقريباً كلنا محتاجين نفهم نفسينا
تم النشر الأربعاء، ٨ يوليو ٢٠٢٦
انا فهماكي جدا جدا عشان أنا كمان كدا وطول الوقت خايفة لكن لازم تتكلمي مع نفسك خدي وقت لنفسك اتكلمي معاها حاولي تفهمي انتي عايزة ايه وخائفة من ايه ايه مصدر خوفك حاولي تحلي الموضوع متهربيش منه لو حد قريب منك اتكلمي معاه فضفضي اخرجي اعملي حاجة جديدة بس متضعطيش نفسك عشان بما انك مرهقه طاقتك هتخلص بسرعة وهتحسي بيأس ف اختاري حاجة بسيطة ف الاول انزلي مثلا اتمشي شوية أخرجي مع شخصية بتحبيها أو حتي لوحدك لو هتبقي مرتاحة حاولي تعملي حاجة تفرحك وكمان اهم حاجه تصلي وتتكلمي مع ربنا وادعي أنه بنزل السَكينة علي قلبك
تم النشر الثلاثاء، ٧ يوليو ٢٠٢٦
لعرض السؤال في فدني اضغط هنا