انا عندى مشكله فى حوار الجواز وانى مش عارفه اصلا اى مواصفات الشخص اللي عايزاه واهلى بيضغطوا عليا وانا خايفه اخد اى خطوه فى الحوار دا لانه مش لعبه ومش عارفه اعمل ايه
عشان تعرفى اللى يناسبك ضرورى تكونى عارفه نفسك انتى الاول اللى يناسبك هيكون شخص ماشى فى نفس اتجاه هدفك فى الحياه ( لو معندكيش هدف وعارفاه بردوا ضرورى تعرفى ) المواصفات اللى تدورى عليها هتكون دين واخلاق و اصول اجتماعيات مقاربة للى اتربيتى عليه المواصفات لازم تكون خاليه من الحاجات اللى موضه وخلاص وتخليكى فى الحاجات اللى بتقول دى الاصول والشرع السليم
تم النشر الاثنين، ١٢ فبراير ٢٠٢٤
بصي يروحي الاول بس علشان تكوني عارفه ،كل الي انتي فيه دا طبيعي عادي جدا تبقي مش عارفه طيب وايه العمل بقي العمل ياستي انك تقعدي مع نفسك وتفكري وتشوفي ايه موصفات الشخص الي لو كانت في حياتك او هتكمل معاكي باقي حياتك هتبقي عيزاها فيه زي انه يكون عارف ربنا، انه يكون بيصلي ،انه يكون شكله وسيم مثلا طبعا ب اختلاف بقي الي انتي شيفاه حلو انتي فاهمه اقصد ايه يعني انتي لازم تقعدي مع نفسك وتفكري وورقه وقلم عادي مش عيب يعني ولا حرام وتكتبي كل حاجه وايه هي اكتر نوصفات لو في شخص هتكرهيه مثلا زي ، الكدب، البخل،النرجسيه،القلب الغليظ ،وهكذا والاهم ان لو فيه شخص اتقدملك وانتي مش عارفه تقرري اول حاجه شوفي هل انتي تقبلتي شكبه؟؟ تاني حاجه هل طريقة كلامه تمام؟؟ تالت حاجه معملته عامله ازاي. واستايل لبسه وبعد كده تصلي استخاره لو ارتاحتي ماشي لو مرتحتيش خلاص وهكذا وان شاء الله يروحي ربنا يكون كاتبلك كل خير ❤️
تم النشر الثلاثاء، ١٣ فبراير ٢٠٢٤
انا مش عارفه انا عايزة اى اصلا وخايفه اكون بضيع وقت
تم النشر الاثنين، ١٢ فبراير ٢٠٢٤
اهم حاجه الدين والأخلاق بس كده غير كده والله العظيم شكليات
تم النشر الخميس، ١٥ فبراير ٢٠٢٤
مشكلتى ان معظم عيله علاقتها فشلت وانا خايفه افشل زيهم خايفه اختار غلط
تم النشر الاثنين، ١٢ فبراير ٢٠٢٤
طيب اقعدي مع نفسك ورتبي اولوياتك وشوفي انتي جايه الدنيا ليه؟
تم النشر الاثنين، ١٢ فبراير ٢٠٢٤
متخديش أي حد أنتي مجبوره عليه
تم النشر الاثنين، ١٢ فبراير ٢٠٢٤
لعرض السؤال في فدني اضغط هنا