كيفية التعامل مع زوجة صوت عالى
من منظور ديني طبعا ربنا نهى عن إن الزوجة ترفع صوتها أو تصرخ في كل المواقف و المفروض أي خلافات بينكم تتحل بالحوار والكلام بصوت هادي و يكون في صبر واحترام متبادل لكن من منظور عملي غالبا الزوجة دي في حاجه مأثره عليها او مزعلاها او تراكمات كتير ودا مخليها غضبانه طول الوقت و على أصغر حاجه بتنفعل وتزعق و لو بصيت للموقف من بعيد ممكن تحس تصرفاتها كإنها بدون وعي منها في الحاله دي أنصحك تحافظ على هدوءك حتى وقت غضبها واتكلم برضو بصوت هادي وهديها قولها إهدي ونتكلم بالراحه ونتفاهم خد نفس كبير قبل ما ترد على أي حاجه بتقولها عشان تهدي نفسك ومتنفعلش وحاول تفهم مشاعرها وسبب غضبها دا ممكن تكون مشكله من 2010 لسه واجعاها او مأثره على علاقتكم ببعض قولها إنك عايز تسمعها و وصلها إنك مهتم بمشاعرها و إنك هتسمع وجهه نظرها كلمها فوقت هي هاديه فيه وناقشها بهدوء في الموضوع دا وقولها انك عايز تعرف سبب غضبها وليه بتتعصب من أقل حاجه و قولها وجهه نظرك بإسلوب محترم وهادي ( من غير لوم وعتاب ) وعرفها إن حياتكم هتكون أحسن لو كل مشكله قابلتوها اتناقشتوا فيها واتكلمتوا بدل الزعيق عالفاضي .. خلي عندك صبر و تسامح وحاول تبدأ من جديد وإتوقع إنك لو مشيت عالكلام دا هيحصل تغيير كبير في سلوكها مع مرور الوقت لو عملت كل دا ومجابش نتيجه .. ممكن تطلب المساعده من حد فالعيله يكون قريب منها وممكن يساعدك اكتر زي والدتها او حد من افراد العيله و في حاجات كدا لو عملتها هي من نفسها لو اتعصبت وهي شخصيتها بتعلي صوتها إحترامك ليها هيجبرها تعاملك بالمثل إظهرلها حبك و تقديرك على طول و خلي في وقت ف اليوم إتكلم معاها عن مشاعرك و أفكارك و بتحس بإيه ومبتحبش إيه .. متقعدش مكشر في البيت مثلا إضحكلها عاملها حلو نفسيتها هتكون أحسن بالتالي هتأثر على معاملها مع مرور الوقت إسلوبها هيتغير وخليك فاكر إن الهدف من الجواز إنكم تعيشوا حياة سعيدة سوا مش إنك تكسب في خناقة أو نقاش أو مين هيعلي صوته عالتاني أكتر
تم النشر الثلاثاء، ٢٧ فبراير ٢٠٢٤
اولا دعنا نتذكر هذه القصه من الاثر جاء رجل إلى عمر بن الخطاب –رضي الله عنه- يشكو إليه خلق زوجته، فوقف ببابه ينتظره، فسمع امرأته تستطيل عليه بلسانها وهو ساكت لا يرد عليها، فانصرف الرجل قائلا: إذا كان هذا حال أمير المؤمنين عمر بن الخطاب فكيف حالي، فخرج عمر فرآه موليا، فناداه ما حاجتك يا أخي، فقال يا أمير المؤمنين: أشكو إليك خلق زوجتي واستطالتها علي فسمعت زوجتك كذلك فرجعت وقلت إذا كان هذا حال أمير المؤمنين مع زوجته فكيف حالي، فقال له عمر: إنما تحملتها لحقوق لها علي إنها: طباخة لطعامي، خبازة لخبزي، غسالة لثيابي، رضاعة لولدي، وليس ذلك بواجب عليها، ويسكن قلبي بها عن الحرام. ثانيا دعنا ننظر الى ضعفها وانها لا تستطيع او تقوى على شىء اكثر من صوتها ...فلتنظر الى المواقف التى يكون فيه الصوت عاليا وابدأ باعطائها رد فعل حنون اكثر من اى شىء اخر وان شاء الله مع الوقت تجدها تخجل من ان يعلو صوتها امام حنانك مره اخرى وستراقب هى ىنفسها اما اذا كان بشكل عام هى تملك نبرة صوت عاليه ولا علاقة لصوتها بالموقف او بالعصبيه مثلا ..فهذا يعتبر عيب فطرى وصعب ان تدركه هى فى الاساس فهى اعتادت على صوتها هكذا دون ان تقصد منه شيئا ثالثا والاهم ..ادعو الله ان يهديها ويجعلها من الصالحين
تم النشر الثلاثاء، ٢٧ فبراير ٢٠٢٤
لعرض السؤال في فدني اضغط هنا