انا كا اي مسلم عايزه افضل محفظه ع علقتي بربنا فا عايزه طريقه مضمونه مليون ف الميه عشان انتظم ف صلاتي و حفاظي ع قرئه القران و احافظ ع الاذكار و ابعد عن معظم الحجات الحرام ال منها العلاقات المحرمه و يكون عندي عدم اهتمام ب ائمور الدنيا ووكل دا هل في اي حل وضروري عشان حرفيا تعبت
الصلاة محتاجة صدق ومحتاجة تعرفي عن قيمة فروض ٥ وان صلاة دي عمود الدين وحاجات دي عشان تعرفيها لازم جهاد نفس ولازم صدق ٥ فروض مفيهاش هزار ادعي لربنا وقولي انا فقيرة إليك يارب لا حول بي ولا قوة إلا بك ومتيأسيش من إنك تتغيري خلي عندك صدق وجاهدي نفسك علي طول انك عايز تتغيري وعايزة تقربي من ربنا وتقلعي عن ذنوب ده كلو عايز جهاد ... إن الله لا يغير ما بقوم حتي يغيروا ما بأنفسهم انت دلوقتي عايزة تقربي من ربنا واستعنتي بالله ودعيتي فعلا يبقا لازم تجاهدي نفسك لازم تتحركي عندك مشكلة مثلا في صلاة شوفي ليها حل واسئلي كتير صلاة محتاجة صدق محتاجة جهاد ومحتاجة صحبة صالحة يعني انا عشان التزم في صلاة كنت بصلي في مسجد علي طول عشان بيكون فيه التزام فكنت بغصب علي نفسي اني اول ما اسمع الأذان الحق اتوضي عشان اصلي قبل إقامة وبالنسبة للذنوب لازم ٥ فروض وصحبة صالحة بتعين جدا جدا وهتلاقيها في بيئات إيمان زي أكاديمية قرآن مثلا وبرضو شوفي ايه الي بيخليكي تعملي الذنب ده ما اكيد انتي بتفتحي الباب انك تعملي الذنب يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ اوعي شيطان يضحك عليكي ويأسك انك مش هتعرفي تقربي من ربنا واوعي تتحججي بالظروف وجاهدي نفسك علي طول وربنا هيهديكي وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ والزمي الدعاء في سجود أو قبل سلام
تم النشر الثلاثاء، ١٦ أبريل ٢٠٢٤
عدم الاهتمام بأمور الدنيا أساس فكرة عدم ارتكاب الذنوب وتنفيذ الأوامر وأبدي بالتدريج ان مش كل حاجة عايزاها تعمليها بالنسبة لفكرة العلاقات المحرمة فلو انتي معندكيش الثبات الديني القوي اللي يمنعك فتعاملي مع الموضوع بطريقة علمية وتعرفي السبب اللي يخليكي تعملي كدة سواء احتياج عاطفي ، حب اي حاجة واتعملي معاه افتكري دايما عظمة الله قبل الصلاة بطريقة تخليكي متفكريش في الدنيا تماما في صلاة لأن الخواطر اللي في صلاة دي بتفسدها ممكن تستشعري عظمة الله بالقراءة لكتب الصالحين ، وتستشعري لطفة في مواقف كتير ساعتها هتنتظمي في الصلاة اهم حاجة في صلاة الخشوع وممكن متبدائيش مع المحافظة علي صلاة قراءة القرآن وتتقني صلاتك احسن ولما تثبتي انتقلي لخطوة تانية حال المؤمن بيبقي بين خوف ورجاء وحب اجمعي تلاته دول في قلبك قبل بداية اي خطوة اوصيكي بالقراءة لي محي الدين بن عربي ، الإمام الغزالي ، الشيخ عبد القادر الجيلاني
تم النشر الاثنين، ١٥ أبريل ٢٠٢٤
عن تجربة ابد فى انتظام باصلاة الفجر والعشاء وربنا يهدنا جميعا وطل ما النفسة تمام الرغبة هكون فى العبادة اكتر
تم النشر الاثنين، ١٥ أبريل ٢٠٢٤
هذه اسئلة مرتبطة بسؤالك اتمنى ان تفيدك بعض الاجابات https://www.fedni.net/q/10260422/الكسل-عن-الصلاه https://www.fedni.net/q/72324678/مشكله-فى-الالتزام-بالصلاه https://www.fedni.net/q/40820508/كيف-ألتزم-في-الصلاة https://www.fedni.net/q/28347458/التقرب-من-الله
تم النشر الاثنين، ١٥ أبريل ٢٠٢٤
لعرض السؤال في فدني اضغط هنا