انا يا جماعه عايزه اتعلم اي حاجه وعندي الشغف بس اول لما افتح اليوتيوب مش عارفه اجيب اي اتعلمه ممكن لو سمحتو تقولولي على مهارات حلوه وممتعه وفي نفس الوقت تعرفوني ازاي انظم يومي
السلام عليكم، أولا ربنا يوفقك إن شاء الله تلاقي المهارات اللي تناسبك وتقدري تتعلميها وتستفيدي منها وتفيدي غيرك. ** بالنسبة للتعليم الذاتي فأهم شيء إنك تتجنبي التشتت، هتلاقي بوستات كتير وفيديوهات كتير بتتكلم عن مهارات مختلفة وهوايات كتيرة وهتلاقي نفسك مشتتة ومش عارفة تختاري أي مهارة ولو اخترتِ مهارة خلاص فهتلاقي نفسك مشتتة وحيرانة تبدئي منين وأي كورس أفضل وإيه المصادر وهكذا. فأنتِ الأول لازم تعرفي إيه المهارات اللي تناسبك وتحددي أولوياتك ما بينها. ** وخدي بالك إنك متقدريش تعملي كل حاجة في نفس الوقت ولا مطلوب منك ده أصلا، لازم أولويات. ولازم تعملي حسابك إن التعلم بياخد وقت وصبر وتطبيق واستمرارية. ****** الأول، ممكن أقترح عليكِ تعملي اختبار تحديد الشخصية، ده هيقرب لك المهارات اللي ممكن تناسب شخصيتك. ده رابط الاختبار: https://www.for9a.com/personality-test **** لو بتحبي حاجات معينة دلوقتي أو قابلتك وأثارت اهتمامك وشغفك ممكن تكتبيها كلها في ورقة ورتبيهم بعد كده حسب أهميتهم بالنسبة لك وممكن حسب إيه أكتر مهارة هتفيدك لو تعلمتها. بعد تحديد المهارة ممكن تستعيني بأي تطبيق ذكاء صناعي وتخليه يعمل لك خطة منظمة ومحددة بوقت ومصادر لتعلم المهارة دي. *** هكتب لك في التعليقات أمر هندسي ممكن تستخدميه مع الذكاء الاصطناعي عشان يعملك خطة مناسبة للمهارة اللي هتقرري تتعمليها. *** أنصحك كمان تشوفي فيديو شرح مختصر لكورس (تعلم كيف تتعلم) وده هيفيدك في التعلم الذاتي، اسمعي الشرح وسجلي النصائح وطبقيها. دي بعض الفيديوهات عنه وعن التعلم الذاتي: https://www.youtube.com/watch?v=-bqHpZ38vNE ** https://www.youtube.com/watch?v=7nmKtI7fEmU ** https://www.youtube.com/watch?v=LHD8n4o_ab8 *** https://www.m3aarf.com/certificate/15630/تعلم-كيف-تتعلم-video *** ممكن تقرأي إجابتي على السؤال ده لو عاوزة نصائح عن الاستفادة من الكورسات أو فيديوهات التعلم https://www.fedni.net/q/93498332/ما-أفضل-الطرق-والأساليب-لتبسيط-وتلخيص *** فيه مهارات كتيرة جدا ممكن تختاري بينها لكن ده هيرجع للي يناسبك أنتِ بس لو هرشح لك مهارة مهمة، هرشح لك تعلم لغة جديدة. جربي تخليها مهارة أساسية وأضيفي عليها أي مهارة تانية وقسمي الوقت بينهم. *** طولت عليكِ بس حاولت أفيدك قدر الإمكان. بالتوفيق إن شاء الله.
تم النشر الأحد، ٦ سبتمبر ٢٠٢٦
التعلم الصحيح يا صديقتي هو اللي يكون موجه ومنظم، مش مجرد تصفح عشوائي. يعني تبدئي بتحديد هدف واضح، حتى لو صغير، وتتعلمي خطوة بخطوة مع التطبيق العملي، عشان الشغف ما يتحولش لإحباط. الإسلام بيحثنا على طلب العلم، فكل خطوة بتعمليها في التعلم هي عبادة لو نويتيها للنفع والتطور. بالنسبة للمهارات الحلوة والممتعة اللي ممكن تبدئي بيها، جربي حاجات زي تعلم الرسم الرقمي أو التصوير الفوتوغرافي، لأنها بتطلع الإبداع وبتكون ممتعة جداً ونتيجتها فورية. أو تعلم الطبخ الصحي والوصفات الجديدة، أو حتى مهارة الكتابة الإبداعية زي كتابة يوميات أو قصص قصيرة. لو بتحبي اللغات، ابدئي بلغة زي الإنجليزي أو الفرنساوي من خلال فيديوهات تفاعلية. اختاري مهارة تناسب اهتماماتك الشخصية عشان الشغف يستمر. عشان تنظمي يومك، ابدئي بتقسيم اليوم لفترات قصيرة: مثلاً حددي ساعة واحدة كل يوم في وقت ثابت (زي بعد الفجر أو قبل النوم) للتعلم، واكتبي جدول بسيط على ورقة أو في مذكرة. ابدئي بـ15-20 دقيقة بس في البداية عشان ما تتعبيش، وبعدين زدي تدريجياً. كل أسبوع راجعي تقدمك وعدلي الجدول لو لزم الأمر. لو حسيتي بالتشتت على يوتيوب، حددي قائمة تشغيل محددة مسبقاً واتبعيها. جربي تبحثي عن أسئلة مشابهة على فدني عشان تشوفي تجارب بنات تانيين. أنتِ قادرة، وكل خطوة صغيرة هتوصلك لنتيجة كبيرة!
تم النشر الجمعة، ٤ سبتمبر ٢٠٢٦
اقترح تتعلمي برمجة وتسويق المنتجات.
تم النشر الاثنين، ٧ سبتمبر ٢٠٢٦
اللي ينفعك في الزمن دا برمجه ومونتاج وذكاء اصطناعي ولغات
تم النشر السبت، ٥ سبتمبر ٢٠٢٦
لغة
تم النشر السبت، ٥ سبتمبر ٢٠٢٦
أنتِ ميّاله لمهارات زي اي لازم تبقي عارفه..يعني بتحبي حاجات زي الهاند ميد و الكروشيه و الكلام دا ولا مثلا الالكترونيات و البرمجه و الشغل د؟ ولا مثلا بتحبي القراءة ولا الكتابه ولا الرسم وهكذا يعني كل دي مهارات هتفيدك عموما بس المهم تشوفي أنتِ ميّاله لايه اكتر...انا لو هقولك ف شوفي برمجه او ادوات الذكاء الاصطناعي و كد..د لو أنتِ مستواكي ف الإنجليزي حلو اما لو مش احسن حاجه ف ابدأي تطوري الإنجليزي اهم.لو عندك وقت كمان ف شوفي لغة الاشاره ممتعه جدا.بالنسبة لتنظيم اليوم ف أنتِ ادري اكتر باللي بيحصل ف يومك و اللي بتعمليه ف مش عارفه اقول اي 🙂.
تم النشر الجمعة، ٤ سبتمبر ٢٠٢٦
افهمي انتي عاوزه. اي الاول
تم النشر الاثنين، ٧ سبتمبر ٢٠٢٦
الفكره اني بحس اني عايزه اتعلم اي حاجه وكل حاجه فا ببقي متشتته
تم النشر السبت، ٥ سبتمبر ٢٠٢٦
لعرض السؤال في فدني اضغط هنا