صباح الخير.
محتاجه اتكلم ف حاجه مهمه جدا بالنسبه ليا.
انا حاليا داخله 2 كليه نظم ومعلومات باقي 3 سنين واخلص كنت ف مناسبه ما وشافني شخص وأعجب بيا واتقدم وانا مش رفضاه قعدت معاه مره وفي بينا قبول
اتكلمت معاه وهو للحقيقه شخص لطيف ويعتمد عليه انا دلوقت 19 سنه وهو 25 سنه مُدرس، بس أهلي لما عرفوا قالوا براحتك واللي انتٍ عايزاه واختي كل ماتشوفني تقولي متوافقيش هتوافقي ليه وهتتجوزي من دلوقت ليه انتِ لسه صغيره مع العلم اني لو اتخطبت له هو قدامه سنه جيش وسنه سفر واتفقت معاه هتخطب ف رابعه ونتجوز بعد الفاينل هو قال مستعد بستني اكتر لو انا عايزه.
بس دلوقت اختي اكبر مني قالت لي هتعيشي ف قريه مع العلم اننا كمان ف قريه ومش عايزاني أوافق بأي طريقه ومش عارفه اعمل اي كل ما ابقى موافقه هي بتغير رأيي تاني بحجة ان الجواز مسؤليه وانا مش هقدر وحمل واطفال وغيره.
وانا كمان الحقيقه المنطقه مش عجباني خالص ولا البيت، شكله مُتهالك والمكان قديم والشوارع ضيقه جدا، بس هو كشخص كويس وأسلوب وتعامل كويس.
فعلا محتاره أوافق ولا اعمل اي.
بصي اولا عايزه اقول لك حاجه لازم انت تكوني صاحبه القرار مش اي حد ثاني لا أختك ولا اهلك ولا اصحابك ولا المجتمع ولا البيئه المحيطه بيكي ولا ظروف القريه ولا لا لا انت صاحبه قرارك انت اللي تقدري تحددي هل انت مستعده ان انت ترتبطي ببني ادم دلوقتي وتبقي ملتزمه معاه هل انت قد الالتزام ده؟ انت عندك 19 سنه انت لسه صغيره والحقيقه قدامك كتير طب هل انت هتقدري تتجوزي وانت في الجامعه تفتحي بيت وتبقي مسؤوله عن راجل وربنا يكرمك وتحملي وتخلفي؟ هل هتقدري على كل دوت؟ انا شايفه انك ما تستعجليش الحياه لسه قدامها كتير الحياه لسه انت هتتفرجي وتشتغلي وتبني نفسك انا مش عايزاك تظلمي نفسك ولا تظلميه هو كمان لان انت بتشكري فيه وبتقولي عليه انسان كويس مش عايزاك تندمي في يوم من الايام وتقولي يا ريتني لا انا استعجلت بلاش ادي لنفسك فرصه اتفرجي او ادي لنفسك فرصه لما تخشي في العشرينات دماغك وتفكيرك هيتغير رؤيتك للامور حتوضح اكثر غير كمان ان انت بتقولي ان المنطقه مش عاجباكي والبيت متهالك يبقى ما تجيش على نفسك وتتنازلي عشان حاجه هي يعني التنازل ما لوش لازمه لا هو يتنازل ولا انت بتتنازلي على فكره اللي الطرفين لازم يقدروا ظروف بعض اه يتفاهموا يعرفوا كل واحد امكانياته. اه لكن ما نتنازلش منجيش على نفسنا.
تم النشر الاثنين، ٢١ يوليو ٢٠٢٥
صباح النور اذا شخص منيح وملتزم، وخلقه طيب... لي ما توافقي؟ مع احترامي لاختك بس اذا رفضتيه وما اجاكي شخص بمثل مواصفته المنيحة، اختك ما رح تفيدك باشي صدقيني! حياتها رح تعيشها عادي وزيادة! اذا في قبول وناوي يستنى، لي ما توافقي؟ بالنسبة للمعيشة عادي وانت من قرية وحتى لو من مدينة القرية بتخوفش يعني! انا من مدينة وولا مرة كان عندي مشكلة اتجوز لقرية!، كنت اقول طبعا فيهن ناس خير وبركة! بالنسبة للمعيشة احنا علينا نسعى ورزقنا بيجي لعنا، ولما نسعى ونكثر من الاستغفار كمان ربنا برزقنا اكثر واكثر... انا رأيي انك تعطيه فرصة وما تسمعي لكلام اختك، يعني عنجد ما بعرف شو قوة القلب الي بتخلي الانسان يتدخل بحياة انسان ثاني بشكل كبير وبموضوع مصيري مثل هيك! انت استخيري، واقعد مرة ومرتين وتلاتة معو، واسالي ربنا يهديكي للطريق الصح..
تم النشر الاثنين، ٢١ يوليو ٢٠٢٥
لو هو شخص متدين ومناسب وفيه قبول بينكم وبين بعض حرام تضيعيه فرصة انك تلاقي حد كدة في زماننا ده قليلة اوي حاولي تصلي استخارة وتقعدي معاه وتناقشيه بكل الي جواكي وكمان تقوليله علي ان المكان مش عاجبك ممكن يوافق أنه يغيره وسيبك من انك لسة صغيرة والكلام الفاضي ده عادي تتخطبوا دلوقتي وتتجوزي لما تخلصي عادي علي الاقل متضيعيش شخص كويس من ايدك وربنا يوفقك يارب ويقدملك الي فيه الخير إن شاء الله
تم النشر الاثنين، ٢١ يوليو ٢٠٢٥
صباح الخير يا عزيزتي، أشكرك على ثقتك ومشاركتك هذا الموضوع المهم جداً في حياتك. فعلاً، قرار الزواج خطوة كبيرة ومسؤلية عظيمة، ولازم تفكري فيه بكل هدوء وبعناية. خليني أساعدك نفرق بعض النقاط المهمة ونوضح خياراتك: اختلاف وجهات النظر بينك وبين أهلك وأختك: من الطبيعي أن أهلك وأختك يقلقوا من سنك الصغير ويحاولوا يحموك، خاصةً وأنك في مرحلة دراسية مهمة. في نفس الوقت، وجود شخص يعتمد عليه ويعاملك بلطف هو أمر مريح، لكن لازم تنتبهي مش بس للشخص، لكن للظروف المحيطة كمان. الحياة في القرية والبيئة المحيطة: إذا المنطقة لا تعجبك والأسرة أو البيت وحالة المكان ما تناسبك، هذا عامل مهم جداً لا يُتجاهل. الحياة في مكان لا تشعرين فيه بالراحة قد تؤثر على سعادتك واستقرارك النفسي والاجتماعي. الوظيفة والدراسة: أنتِ في كلية نظم ومعلومات وهذا مجال مهم وفرصه واعدة، ففكري كيف سيؤثر الزواج وعيادة مكان بعيد عن الجامعة على دراستك ومستقبلك. وجود سنة جيش وسنة سفر لديه قد يكون فرصة لترتيب أمور الزواج لاحقاً بشكل أفضل. المسؤوليات وحياتك الشخصية: الزواج مسؤولية كبيرة، لكن يمكن تنظيم الوقت والدراسة والبيت بطريقة تساعدك تتغلبين عليها. من المهم جداً أن تكوني انتِ مرتاحة نفسياً وأن يكون هناك تفاهم واضح مع زوجك حول الأمور المستقبلية كالحمل والأطفال. ماذا يمكنكِ فعله الآن؟ تحاوري مع زوجك المحتمل بوضوح وصراحة. ناقشي مخاوفك عن المكان والاستقرار وحياتك الدراسية. حاولي تتكلمي مع أهلك وأختك بطريقة هادئة وتوضحي لهم وجهة نظرك. خدي وقتك واطلبي من أي منهم يسمعك بدون حكم مسبق. فكري في إمكانية تأجيل الزواج حتى تنجزي دراسة أو حتى تتغير الظروف. خصوصاً أن العريس مستعد ينتظر. لا تضغطي نفسك على قرار فوري. خدي وقتك لفهم مشاعرك وأولوياتك، وذكري نفسك أن الزواج مبني على تفاهم وحب واحترام مش مجرد مرحلة أو ضغط اجتماعي. إذا شعرتِ أنك بحاجة لمساعدة في توضيح أفكارك أو تنظيم قراراتك بشكل أفضل، أنصحك تستشيري أحد الخبراء في العلاقات أو مرشدي الحياة على منصة فدني. هم قادرين يساعدوك بمشورة شخصية تناسب ظروفك وقيمك. وأخيراً، تذكري أن القرار الأخير هو لكِ وحدكِ، والرزق بيد الله، فاستعيني بالله دائماً، وهو معينك. أنا هنا لأي سؤال أو دعم تحتاجينه، لا تترددي بالتواصل معي مرة أخرى. دمتِ بخير وسعادة يا غالية.
تم النشر الاثنين، ٢١ يوليو ٢٠٢٥
فرق المؤهل مزعج الصوت الضعيف بيقول اي
تم النشر السبت، ٩ أغسطس ٢٠٢٥
لعرض السؤال في فدني اضغط هنا