هو حرام أحب أخت صاحبي
هي سنها 14سنة وأنا 23
وعاوز اتجوزها رسمي
اعمل أي وهل القرار ده مناسب
تحبها بمعنى إيه؟ مشاعر وخلاص هتكتمها لحد ما تكبر ويجي الوقت المناسب عشان تخطبها ولا ناوي تكلمها وتتعرف عليها وتعرفها إنك بتحبها وترتبط بها سواء رسميًا أو غير رسمي وهي في السن ده؟ يعني المشاعر مقدرش أحاسبك عليها رغم إني شايفة سنها صغير قوي بس أي خطوة بعد كده لازم تاخد بالك منها. مينفعش تكلمها ولا تقرب منهأ أو تلمح لها بمشاعر خاصة في سنها الحرج ده، ولا ينفع حتى تخون صاحبك بنظراتك لها مهما كانت مشاعرك ناحيتها قوية. وعامة، عمرها ده المشاعر فيه متقلبة ومتطايرة وممكن هي تنجذب لك فترة ومع مرور السنين مشاعرها تنضج وتتغير ونظرتها لك ممكن تتبدل وممكن جدًا في النهاية تحب شخص تاني. جنب نفسك التعب والتعلق، ركز حاليًا في حياتك ومستقبلك وتكوين نفسك، والله بعد كده هي كبرت وبقت في سن مناسب للزواج وكنت أنت جاهز ولسه شايفها البنت اللي تستحق تكون شريكة حياتك، كلم أخوها واتقدم لأهلها رسمي، غير كده هي دلوقتي صغيرة جدًا ومش شايفاه قرار مناسب إنك تفاتح أخوها حتى في ارتباطك بها أو تحاول تلمح لها بأي طريقة.
تم النشر الخميس، ١٨ سبتمبر ٢٠٢٥
الحب مش حرام اللي حرام لو انت بصيتلها بصه وحشه حطيتها في مكان وحشه فهو ده الحرام اما اي حاجه تبع حلال ربنا فده حلال ودي حاجه كويسه واللي انت هتاخده خطوه كويسه اهم حاجه قبل ما تاخذ اي خطوه اطمن زياده اطمئنان ليك ان انت مش هتترفض. علشان برده ما تخسرش نفسك قدام نفسك وما تخسرش صاحبك فحاول باي طريقه تنميل يعني لو عندك اخت تكلمها عندك اكلم اي حد مهم ان انت تحاول توصل لها ولو هي تمام فخد الخطوه واي حاجه في حلال ربنا فدي حاجه كويسه مش وحشه.
تم النشر الأحد، ٢٨ سبتمبر ٢٠٢٥
وَلَا جُنَاحَ عَلَيْكُمْ فِيمَا عَرَّضْتُمْ بِهِ مِنْ خِطْبَةِ النِّسَاءِ أَوْ أَكْنَنْتُمْ فِي أَنْفُسِكُمْ عَلِمَ اللَّهُ أَنَّكُمْ سَتَذْكُرُونَهُنَّ وَلَكِنْ لَا تُوَاعِدُوهُنَّ سِرًّا إِلَّا أَنْ تَقُولُوا قَوْلًا مَعْرُوفًا وَلَا تَعْزِمُوا عُقْدَةَ النِّكَاحِ حَتَّى يَبْلُغَ الْكِتَابُ أَجَلَهُ وَاعْلَمُوا أَنَّ اللَّهَ يَعْلَمُ مَا فِي أَنْفُسِكُمْ فَاحْذَرُوهُ وَاعْلَمُوا أَنَّ اللَّهَ غَفُورٌ حَلِيمٌ. السلام عليكم ورحمه الله وبركاته القران الكريم انه يعني ربنا عارف ان انت من جواك كده هتبقى بتحب حد وهتبقى عاوز تخطبه ولكن طالما الوقت مش مناسب يعني ان كانت صغيره في السن او ان كان الظروف غير مناسبه ان انا دلوقتي اروح اطلب خطاباتها ايا كانت الظروف فانا محتاج ان انا اخلي الكلام ده جوه نفسي وبس وما احاولش ان انا اقابل اا البنت دي في السر او اتكلم معاها في السر قبل ما اصرح بالخطوبه او اروح اخطبها ده افضل شيء تعمله الحب مش حرام وشنا اخت صاحبك فانت كده عملت حاجه لا يعني عادي جدا انت شفتها وااا حبيتها خلاص خلي ده جواك في نفسك ااا وبعد ما يكون في وقت مناسب للخطوبه هي سنها يكون مناسب لو لقيت لسه عندك نفس النيه وانت عاوز تروح تخطبها خلاص توكل على الله كلم صاحبك واتفق مع اهله وروح اخطب خلاص كده ده افضل شيء ومش محتاج تعمل اكتر من كده ولكن خلي بالك علشان الشيطان ما يجيش في اي مره يقول لك بس انت عايز تحجزها بس لاحسن بتخاطب لحد ثاني فكلمها فعرفها. فسرح لها ما تعملش اي حاجه من دي خالص والتزم بالقران الكريم وضحهمنا في المساله دي.
تم النشر السبت، ٢٠ سبتمبر ٢٠٢٥
صدقني يا صاحبي انك تحبها مفيش مشكلة وعايز تطلبها بالحلال وتخطبها دي تبقي مئة كويسة . بس احذر البنت لسه صغيرة لسه متعرفش يعني ايه خطوبة وجواز وبيت ومسئولية غير مثلا لو هي بتبادلك نفسه الشعور ممكن جدا يتغير من ناحيتها لأنها لسه مقابلتش ولا عرفت حد ولسه في بداية دنيتها ولسه عقلها وتفكيرها علي قدها و كمان لسه صغيرة علي الخطوبة وكمان ٤ سنين خطوبة كتير جدا وداخل وطالع ع البنت مينفعش حاول انك تبعد شوية أو استني شوية وممكن تلمح لصاحبك أن لو حد جالها في نية الخطوبة دلوقتي ولا لا . لو لقيت في نية صارحه وقوله بكده لو وافق هيكون في صفك وعلي الأقل تستني سنه كمان أو اكتر وبعدين تخطبها
تم النشر الجمعة، ١٩ سبتمبر ٢٠٢٥
لا مش حرام وكلم صاحبك وخش البيت من بابه لو انت ناوي خير
تم النشر السبت، ٢٠ سبتمبر ٢٠٢٥
تحب حلال لأنه القلب مش بإيدك ولكن الحرام هو إطلاق البصر او انك تكلمها وزي الحاجات دي
تم النشر الجمعة، ١٩ سبتمبر ٢٠٢٥
كلم أبو صاحبك مش صاحبك عشان هتتخانقو و يظن فيك ظن السوء ... مش هيزعل لو دخلت البيت من بابه ... بس لو حاسس انك ممكن تترفض بنسبة كبيرة بلاش عشان علاقتكم متتاثرش
تم النشر الأحد، ٢١ سبتمبر ٢٠٢٥
لعرض السؤال في فدني اضغط هنا