انا مش انانيه والله انا بنت من طبقه متوسطه الحال انا نادراً ما بطلب من عيلتي حاجه بعتمد علي كل محتيجاتي من مصروفي عشان متقلش عليهم ومحسسهمش بحاجه المهم اني انا شايله تيليفون كان بتاع بابا يجي من ٩ ولا ٦ سنين مثلا وكمان قديم اوي فانا رضيت بيه في تالته لان بابا كان مانع بنت تمسك تيليفون بس لما اقنعته اني محتاجاه في دراستي اداني فون حرفيا ميت لدرجه انه من أقل وقعه ممكن يجيب شاشه وفعلا هو كان مع ماما واتكسر مرتين ولما كان معايا اتكسر مرتين برضو لانو كل ما بيتصلح مش بيتركب ليه اسكرينه ده غير انه مش حديث كفايه
المهم طلبت منه كذا مره وكان كل مره يقعد يقولي انتي مش حاسه بيا انتي متدلعه انتي واانتي وفعلا انا محتاجه فون جديد منه عشان اكمل دراستي بيه يعني انا داخله علي تانيه ثانوي وده غير تالته المهم الي زعلني ان اخويا دفعلي مقدم لفون جديد بس اكتشفت ان بابا كان بيقعد يقولي ده الراجل الي بيتأخر وعرفت ان بابا خد الفلوس دي ودفع بيهم بقيت قسط فونه بس قلت خلاص كبري دماغك اصبري وهيجيلك الاحسن بس حصلت حاجه زعلتني اوي ان اخويا عايز تليفون جديد غير فونه (اخويا معاه ايفون)
فبابا عرف مترددش لحظه وقاله ارنلك علي الراجل عشان الفون بس هيكون اندرويد اخويا اتبطر وقاله لا عايز ايفون كل ده قدامي حسيت اني بجد قليله وزعلت اوي بس بعد كده نسيت الفكره هنا مش الفون انما الموقف نفسه زعلني اوي وبقيت اتمني اكون مكان اخويا والله هل انا فعلا انانيه ومدلعه ومبحسش بيهم؟ مع اني ولله مجتهده في دراستي مش مقصره في حاجه ورافعه راسهم وكمان مش بغير من اخويا ولا حاجه ولله بالعكس بحبه اكتر من نفسي وبتمني ليه كل خير
ربنا يحفظك .. واضح انك طيبة وقلبك نضيف .. وفعلا الموضوع مش حلو .. فكرة انك تحسي إن باباكي مفضل اخوكي عليكي .. بس دا ممكن يكون في هدف تاني من معاملة الاب.. الاب ليه طريقته ف التربية .. هو ممكن يكون عايز يحسسك ب المسؤولية .. أو مش عايزك تحسي إن كل حاجة سهلة ومتوفرة خصوصا ف السن اللي انتي فيه دا .. وكمان والله التليفونات نقمة اكتر من انها مفيده .. يمكن ربنا بيبعد عنك أذى اكبر .. وكون انك متفوقة ف دراستك ف دا دليل ع إن مش التليفون اللي هيخليكي تنجحي .. بالعكس ممكن يشتتك مش هيفيدك ابدا والله .. انتي اللي محتجاه بس الواتساب واليوتيوب .. غير كدا مش محتاجة .. خلينا منطقيين .. كل دي وساوس شيطان علشان يخليكي تكرهي اخوكي وتحسب إن في تفرقة ف طريقة باباكي ليكي .. بس دا دليل ع إن باباكي بيحبك وخايف عليكي .. الدنيا ملياااانة فتن .. والتليفون دا اكبر فتنه ممكن تحصلك بالذات ف وقت زي اللي انتي فيه دا .. حاولي تركزي ع مستقبلك و خليكي متأكدة انك مش محتاجة اكتر من اللي ف ايدك .. واللي يدل ع إن باباكي بيحبك هو انك بتقولي كسرتي شاشة الفون مرتين وبيصلحه .. اب غيره والله مكنش صلحهولك .. في حاجات مش هقدر نعرف معناها ولا وجهة نظر اهلنا فيها غير لما نبقى امهات وابهات .. هتعرف وقتها معنى وحكمة كل تصرف منهم .. وتأكدي أن اهلك بيحبوكي وتأكدي إن ربنا بيحميكي وهتفهمي كلامي بعدين .. ابقي افتكري كلامي لما تكبري .. ❤️❤️🌹
تم النشر الأحد، ٢٥ مايو ٢٠٢٥
🎤 إجابة صوتية
تم النشر الأربعاء، ٢٨ مايو ٢٠٢٥
لا مش انانيه خالص بس احنا مجتمع صعب و ناس كتيره للاسف بتشوف ان الولد اعلى من البنت انا لو مكانك هفضل ازن عليه و اقوله حقي زي ما جبت هنا تجيب هنا مصاريف البيت مش مشكلتي انا و اني محتاجاه فا حقك تتضايقي لان التمييز ده بيعمل مشاكل بعد كده بينكم اصلا
تم النشر الأحد، ٢٥ مايو ٢٠٢٥
مرحبًا عزيزتي، أنا ذكية وأشكرك على ثقتك بمشاركة مشاعرك وتجربتك بكل صراحة. موضوعك مهم جداً، وسأحاول أساعدك تفهمي الوضع بشكل أفضل وتحصلي على راحة نفسية. أولاً، من الواضح أنك بنت بتحاولي تكوني مسؤولة وتعتمدي على نفسك من غير ما تثقلي على أهلك، وهذا شيء جميل جداً وفخر ليكي، خاصة أنك محاطة بظروف في البيت تخلي الموضوع صعب. ثانياً، بالنسبة لموقف الفون وتعامل والدك وأخوك، هو بالفعل ممكن يكون محبط، خصوصاً لما تكوني محتاجة الأداة دي للدراسة وإنجازك في الثانوية، والتجاهل اللي حسيتِ بيه من ناحية دعم طلبك يوجع أكيد. بس خليني أوضح لك بعض النقاط تساعدك تفهمي الموقف بشكل أوسع: الاهتمام بظروف والدك : أحياناً الأهل بيكون عندهم قلق أو ضغوط مالية أو حتى قلة تواصل فبيظهروا بشكل مختلف عن اللي إحنا بنحتاجه، يمكن والدك خايف أو متوتر على مصروف البيت ومش قاصر في حبه ليكي، لكن التعبير عن الحب بشكل عملي وبحماية مالية. شعورك بالإهمال والظلم : طبيعي جداً تحسي بالظلم لما تشوفي أخوك بيحصل على شيء أفضل بسهولة، خصوصاً لما تكوني أنتِ محتاجة وتعبك في دراستك ظاهر. هذا شعور إنساني ما فيش داعي تحملي عليه تعب أو ذنب. هل أنتِ أنانية أو مدلعة؟ : أنا أؤكد لكِ أبداً مش أنانية، بالعكس، تكريمك لذاتك وتحملك مسؤولياتك دليل نضج. أحياناً نفسنا تتحطم لما نشوف الظلم، وهذا مش كلام عن شخصية، هو تعبير عن ألم ومشاعر. كيف تتعاملي مع الموقف؟ حاولي تواصلي مع والدك بلطف وأريحيه بمشاعرك : أحياناً الأهل بيحتاجوا يسمعوا كلامنا من غير لوم أو عتاب، فقط توضيح احتياجاتك ودعمك لهم. ابحثي عن حلول عملية : مثلاً هل يمكن تجميع مبلغ معادله من مصروفك أو البحث عن فون مستعمل بحالة جيدة أو اتفاق على تأجيل الشراء شويّة؟ احكي لأخوك عن مشاعرك وإنك تقدري فرحه واحتياجاته لكنك محتاجة دعم مماثل ، ممكن يكون مش مدرك. تذكري أن كل إنسان في الأسرة له ظروفه وتحديات ، وأحياناً الحكم على الأمور من منظور واحد فقط قد يكون مجحف. رحمة الله والتفاهم هم مفتاح الوصول للهدايا الحقيقية اللي هي المحبة والتعاون. إذا حبيتي، يمكن تستفيدي أيضاً من استشارة خبراء في الأسرة أو مدرب حياة لمساعدتك بشكل أعمق. على فدني يمكنكِ زيارة صفحة الخبراء للعثور على من يدعمك. ولا تنسي، مهما صار، أنتِ ناجحة بتفكيرك الناضج وحرصك على دراستك وحرصك على عائلتك بطريقة رائعة، وربنا معاكِ دائمًا. هل تحبي أن أساعدك أفكر في خطوات ممكن تبدأيها الآن للتواصل مع والدك وأخوك بشكل أفضل؟
تم النشر الجمعة، ٢٣ مايو ٢٠٢٥
لعرض السؤال في فدني اضغط هنا