انا في ٣ ثانوي أزهري وامتحاناتي يوم ٦/٦ وحرفيا ٤/٣المواد لسه متفتحش لظروف معينه ودلوقتي مش عارفة أعمل إيه مش فاضل حاجة على الامتحانات وكمان عايزة اعرف هل لو حليت امتحانات سنوات سابقة ده يكفي مثلا ولا ايه لو حد يملك خبرة في الموضوع ده يرد عليا
السَلام عَليكُم وَرحمَة اللهِ وبَركَاته أنا أيضًا ٣ ثانوي _ ولكن قسم أدبي أنصحكِ أن تستمعي إلى معسكرات و مكثفات لتجمعي المنهج حتى لو لم تتقنيه تمامًا، لا بأس.. و تحلي كثييرًا من الإمتحانات التجريبية و إمتحانات السنين السابقة، وإن شاء الله يوفقكِ الله ويوفقنا جميعًا، لا تنسي دعائكِ من يوم عرفة🌧🌿
تم النشر الأحد، ٢٤ مايو ٢٠٢٦
من وجهة نظري انك تسمعي شرح علشان مش هتعرفي تحلى غير وانت فاهمه كويس الشرح اصل لو الماده نسياها كنت هقولك اه حلى امتحانات شامله لكن لسه مبدأتيش يبقى هتحلى ازاى ؟! اللى بينصح حد ويقوله حل سنين سابقه دا قصده على الشخص اللى فنش المنهج لكن انت ابدأى تسمعى شرح لفصل فصل وبجد معظم الفصول مترابطه مع بعضها فا هتلميها بسرعه ولو بردو مش عارفه تجيبي الباب من مرة واحده اسمعيه تانى وركزى جامد وابدأي ذاكريه كويس اوى بالقلم والورقه و حلى اسئلة عادية مش امتحانات علشان دماغك ماتعملش ايرور وتاخد صدمة صعوبة الاسئله وبعدين اعلى بالمستوى وخدى اسئله الامتحانات السابقه حاولى تسمعى المدرسين اللى شارحين الفصول فى وقت قليل علشان يكون فى وقت للحل والشرح فى نفس الوقت
تم النشر الاثنين، ٢٥ مايو ٢٠٢٦
يا صديقي، أولاً أقدر ضغطك وقلقك، ده موقف صعب لكن ممكن تتعامل معاه بتركيز وخطة عملية. ابدأ بتقسيم المواد الأربعة حسب الأهمية والصعوبة، وركز على المواضيع اللي بتتكرر في الامتحانات. حل امتحانات السنوات السابقة مفيد جداً وكافٍ جزئياً لو ركزت على فهم الأخطاء ومراجعة النقاط الضعيفة، لكن اجمعها مع مراجعة سريعة للمنهج الأساسي عشان ما تتعثرش. خصص وقت يومي ثابت لكل مادة، ابدأ بالأسهل عشان تكسب ثقة، واستخدم تقنية "المراجعة السريعة" قبل النوم. لو محتاج دعم إضافي، شوف خبراء التعليم على https://www.fedni.net/experts، وابحث عن أسئلة مشابهة في فدني لتجارب أكثر. ربنا يوفقك ويسهل أمرك!
تم النشر الأحد، ٢٤ مايو ٢٠٢٦
شكرا جدا
تم النشر الأحد، ٢٤ مايو ٢٠٢٦
انا ممكن اسمع شر ح مراجعات واحل امتحانات السنوات السابقة واذاكر الامتحانات نفسها او الاجزاء الصعبة
تم النشر الأحد، ٢٤ مايو ٢٠٢٦
لا مش هيكفى لان فى حاجات جديدة بتيجى فى الامتحانات وحتى لو ذاكراى الامتحانات هتستوعبى لازم تبقى مذاكرة
تم النشر الثلاثاء، ٢٦ مايو ٢٠٢٦
ذاكر النماذج الاسترشادية كويس جدا و هقولك كام نصيحة حولي تصحي في وقت الفجر و معظم الدروس تبقي اون لاين عشان الوقت و تذكري ساعة و تريحي ربع ساعة و تبعدي عن الموبيل خالص و لما تحلي امتحان استفادي من الغلطاط الي عندك و طبعا صلي و ادعي كتير و انتي لسة قدامك وقت و ربنا يوفقنا
تم النشر الثلاثاء، ٢٦ مايو ٢٠٢٦
حاولي تسمعي مراجعات نهائيه علي سرعه 1.5 علشان تعدي عل كل جزء وحلي كتير وحل اساله سنين سابقه وحلي النماذج الاسترشاديه كلها
تم النشر الاثنين، ٢٥ مايو ٢٠٢٦
اللهم امين يارب شكرا جدا
تم النشر الأحد، ٢٤ مايو ٢٠٢٦
بص انا السنه اللي فاتت ركزت أوي علي حل امتحانات السابقه وعاوز اقولك الفكره هي هي بس تغير السؤال، والكلام دا في الأحياء والكيميا والفيزيا . ربنا يوفقك يارب وتعدي منها علي خير
تم النشر الأحد، ٢٤ مايو ٢٠٢٦
العفو .. لو احتجت اي حاجه ابعت هنا واعملي منشن وان شاء الله لو عرفت أفيدك مش هتاخر .. موفق باذن الله 🌷
تم النشر الأحد، ٢٤ مايو ٢٠٢٦
هيجي باذن الله بس شد حيلك .. ومحتاج مجهود منك وربنا يوفقك
تم النشر الأحد، ٢٤ مايو ٢٠٢٦
يعني ده هيفرق معايا هيجيب نتيجه ولا لا
تم النشر الأحد، ٢٤ مايو ٢٠٢٦
طيب تمام توكل على الله ومتضيعش منك دقيقه الموضع عايز شويه عزيمه وانتظام وربنا يوفقك ويكرمك... ومتقارنش نفسك بحد ..
تم النشر الأحد، ٢٤ مايو ٢٠٢٦
هو افضل شئ دلوقتي تحلى امتحانات سابقه ..بس هل هتستوعب الحاجات اللي مذكرتهاش....
تم النشر الأحد، ٢٤ مايو ٢٠٢٦
لعرض السؤال في فدني اضغط هنا