السلام عليكم
انا في لسه في بداية حياتي ١٨ سنة عندي طموحات كتير جدا وكبيره والبيئة اللي انا فيها مش مساعداني نوعا ما ولكي اوصل لازم جهد وبذل كبير جدا بجانب دا موخر حبيت واحده قريبه من سني حب عفيف لمده طويلة حوالي سنه لا أقول لها ولا اكلمها بس كان في كلام بينا قليل في مناسبة، ... يعني وعلشان اخد الخطوة دي واقولها يبقي لازم ادخل الباب من بابه وبشكل رسمي وهي دلوقتي في واحد راح يتقدم ليها وهي رافضه الجواز بدري ودا في مصلحتي بس أهلها رافضيين وخلاص هتنخطب بعد كام اسبوع وانا محتار مش عارف اعمل اه ، انا عارف سكوتي هو ممكن يكون سبب نمو حبي ليها بس ليس في يدي حيله ، حاولت بعد واقول لنفسي اكيد مش هتلحق دا انت عاوز وعاوز وعلشان تتقدم بس قدامك كام سنه قدام بس تاني يوم مش بتطلع من دماغي حتي في الأول لما أسمعت عن قرايته فاتحتها كنت بحسبها انخطبت قولت لنفسي خلاص ادفن الموضوع تاني يوم كنت بفكر في سنريوهات انقذ بيها الموقف
بقول لنفسي عادي عديها وحقق احلامك ويمكن يكون ربنا كاتبلك الاحسن وانت هتنسي اكيد والحب هتديه لحد تاني احسن استمتع بحياتك في الفتره دي لأنها مش هتتقرر واحلامك مفيش حد هيحققهالك
ومن ناحية تانيه بقول بس دا اللي حبيتها وهي طيبه ومناسبه خد الخطوه وهي هتكون معين ليك في طموحاتك ، صحيح هتعوز تبذل بدل الجهد اتنين علشان تجهز نفسك بس مش هتكون خسرتها (وخايف مش اكون علي قدر المسووليه لتعاظم الأمور ساعتها بس برضو عندي تفائل بالامل)
مش عارف اعمل آه، ممكن حد يفيدني باي حاجه في التناقض الكبير
وعليكم السلام ورحمة الله وبركاته. أولاً، أحييك على صراحتك ووعيك بهذا التناقض الداخلي في سن مبكرة زي ١٨ سنة. ده دليل على نضجك، ومش كل الشباب بيقدر يشوف الصورة كاملة كده. السؤال اللي بتسأله مش سهل، لأنه بيجمع بين طموحك الشخصي وبين شعورك بالحب. لكن خلينا نفكر فيه بواقعية ومن منظور إسلامي وعملي في نفس الوقت: ١. عمرك دلوقتي في ١٨ سنة، أنت لسه في بداية الطريق. الطموحات اللي بتتكلم عنها محتاجة جهد ووقت وتركيز، وده مش هيحصل لو دخلت في علاقة رسمية (جواز) وأنت مش مستعد ماديًا ونفسيًا. الجواز مش بس "حب"، ده مسؤولية كبيرة، وأنت بنفسك قلت إنك خايف متكونش على قدرها. الخوف ده مش ضعف، ده وعي. ٢. الحب مش هيختفي لو أجلته اللي بتحسه دلوقتي حقيقي، بس الحب في السن ده غالبًا بيكون مرتبط بالمثالية والخيال أكتر من الواقع. لو أجلت الخطوة دلوقتي وركزت على نفسك، هتكتشف إن قدرتك على الحب هتكبر وتنضج، وهتقدر تقدم للبنت المناسبة (سواء هي أو غيرها) حاجة أقوى. أما لو اندفعت دلوقتي، ممكن تلاقي نفسك بتضحي بطموحاتك وأنت مش قادر توفر الاستقرار اللي هي محتاجاه، وده ممكن يولد إحباط عندكم الاتنين. ٣. التوازن مش مستحيل مش لازم تختار بين "أضحي بطموحاتي مؤقتًا" أو "أضحي بحبي دائمًا". في خيار تالت: تركز دلوقتي على بناء نفسك (دراسة، شغل، مهارات) وبعد سنتين أو تلاتة تكون في وضع أفضل تقدر تتقدم فيه بثقة. لو كان نصيبك فيها، ربنا هيسهل الأمور. ولو مش نصيبك، هتكون وفرت على نفسك سنين من الندم. نصيحتي العملية: ركز على نفسك دلوقتي ، ده أفضل استثمار ممكن تعمله في عمرك. ادعي ربنا كتير بالخيرة، واستخدم صلاة الاستخارة لو قررت تاخد خطوة. لو حاسس إن الموضوع بيأثر على تركيزك، حاول تقلل التفكير في السيناريوهات وتملأ وقتك بأنشطة مفيدة. ابحث عن أسئلة مشابهة على فدني، هتلاقي تجارب كتير لشباب مرّوا بنفس الصراع ده. أنت مش لوحدك في الشعور ده، وكتير من الشباب في سنك بيمرّوا بنفس التناقض. اللي هيفرق هو قرارك دلوقتي: هتختار تبني نفسك وتثق إن الخير جاي، ولا هتندفع وأنت لسه مش جاهز؟ ربنا يوفقك ويشرح صدرك للأفضل. لو عايز تتكلم أكتر عن الجانب ده، أنا هنا.
تم النشر الاثنين، ١٥ يونيو ٢٠٢٦
اه مع اخد الخطوه لانك لو ماخدتهاش دلوقتي لو اتخطبت أو اتزوجت هتفضل تلوم في نفسك انا ليه معملتش متكلمتش ..ولو كنت اتكلمت.. فيافضل شئ انك تشوف نفسك لو هتستناك امين مش هتستني ..يبقى تركز على مستقبلك وتطلع الحوار ده كله من دماغك ...وربما يرزقك الافضل ويرزقها الافضل باذن الله .. 🌷
تم النشر الاثنين، ١٥ يونيو ٢٠٢٦
انت كده اكدتلي علي فالدماغي تمام شكرا ، انت مع اخد الخطوة دي في سن ذي دا ولا لا وليه ؟
تم النشر الاثنين، ١٥ يونيو ٢٠٢٦
طيب طالما الدنيا تمام اتكلم مع اهلها .. وخلص الموضوع .. متقلقشي والله هتلاقي الدنيا تمام باذن الله .. ولو في اي ولو رفضوك تبقى عرفت انت رايح فين وجاي من فين ..
تم النشر الاثنين، ١٥ يونيو ٢٠٢٦
لا مفيش مشاكل بالعكس
تم النشر الاثنين، ١٥ يونيو ٢٠٢٦
اي علاقتك بأهلها ؟؟ .. يعني بيحبوك في مشاكل بينكم كدا ؟
تم النشر الاثنين، ١٥ يونيو ٢٠٢٦
ايوا في صلة قرابة
تم النشر الاثنين، ١٥ يونيو ٢٠٢٦
وعليكم السلام ورحمه الله وبركاته...واضح أن في صلت قرابة بينكم .. ممكن اعرف اي علاقتك بأهلها ؟
تم النشر الاثنين، ١٥ يونيو ٢٠٢٦
لعرض السؤال في فدني اضغط هنا