السلام عليكم
يعنى خليني اقول موقف مره كنت مع صحبتي و يعني قالت ليه أن الرسول سمح لينا بتشغيل الاغاني عادي في الأفراح عشان فرح يعني وقالت ليه أن الناس كلها عارفه كده واخوها هو ال قالها كده وقالت ان اخوها متدين فقلت لها انا مش مصدقه و مستغربه وحاسه ان الكلام ده غلط عشان اللي اعرفه ان الرسول سمح لينا تشغيلها في العيد
وال عرفني كده ان في حديث بيحكي ان مره ابي بكر كانوا في العيد و ابي بكر سمع صوت طبل جاي من بيت الرسول صلى الله عليه وسلم فاستغرب ازاي فيه صوت طبل جاي من بيت الرسول و تحديدا من عند عائشه فابي بكر راح عشان يشوف سبب الطبل ده و دخل بيت الرسول ال هو بيت عائشه ام المؤمنين فلما دخل لقى ان عائشه معاها بنتين و بيطبلوا ولما عائشه شافت ابوها خافت منه و شاورت للبنتين ان هو امشوا ابو بكر اضايق من بنته ومش فاكره ال حصل بعدها بس هو راح للرسول و طلب منه تقريبا المسامحة عن اللي عائشه عملته و ساله تقريبا عن سبب الطبل وده على ما اتزكر و ال اتزكره ان الرسول اذن لنا وقال إن ده عيدنا لازم نفرح بيه يعني فاذن لنا
ده ال الحاجه الوحيده ال عرفت ان الرسول اذن لنا بيها ومعرفش لو هي صح او غلط بس ده ال اعرفه وده غير كمان انا مش مصدقه كلام صحبتي ولو حد قال انه صح يقول ليه الدليل انه صح و جاب منين الدليل ده وانا ما رضيت اسال الذكاء الاصطناعي عشان ما بقيت اثق فيه لاني دعيت ربي وسألته لو كلام الذكاء الاصطناعي صح او لا ويعني حسيت بعدم راحه ناحيته يعني بقيت أسأله في الأمور البسيطه من الكبيره عشان انا ما اثق فيه و انا ما استخدم شات جي بيتي لا انا استخدم واحد تاني من صنع الصين
وبس اتمنى حد يرد عليه
السلام عليكم، هذا هو الحديث الذي تقصدينه https://dorar.net/hadith/sharh/25738 والغناء عامة حكمه أن حلاله حلال وحرامه حرام... بمعنى إذا الكلمات حرام أو تدعو إلى حرام فالغناء في هذه الحالة حرام والعكس صحيح. هذا حكم الغناء وحده دون أن يكون مصحوبًا بموسيقى، استخدام الموسيقى حكمه مختلف. وعامة، صحيح أن الرسول عليه الصلاة والسلام أذن بالغناء يوم العيد لكن بالطبع وقطعًا لم يأذن بأمثال الأغاني الموجودة حاليًا والتي يشغلها الناس في الأفراح فهذه لا خلاف بين العلماء على حرمتها. *** بالنسبة لنقطة الذكاء الاصطناعي، أنتِ تقولين سألتِ الله ونتيجة هذا الدعاء عدم ارتياحكِ ولهذا لا تستخدمين شات جي بي تي، ومع ذلك تستخدمين نوعًا آخر مع أنّها كلها تطبيقات ذكاء اصطناعي. عدم ارتياحك لا علاقة له بسؤال الله، ربما قرأتِ شيئًا يخص شات جي بي تي أو لديكِ تخوفات وهذا ما جعلكِ تشعرين بعد ارتياح. تطبيقات الذكاء الاصطناعي كلها يجب استخدامها بحذر وأيضًا عدم الاعتماد عليها في صحة المعلومات لأنها تخطئ في كثير من الأحيان.
تم النشر السبت، ١٠ مايو ٢٠٢٥
السلام عليكم ورحمه الله وبركاته بصي يعني انا هقول لك على القواعد اللي انا فهمتها. من فتاوي كتير شفتها ومن اثاره الموضوع ده باكثر من طريقه فانا هقول لك يعني الملخص اللي انا اعرفه اكيد اصحاب العلم والفقه يقدروا هم يحطوا الدلائل الصريحه وجزاها الله خيرا استاذه مي يعني حطت يعني الدليل الحديث ووضحت كذا نقطه يعني ربنا يكرمها اي شيء عموما يلهي عن ذكر الله فالشيء ده هيبقى حرام فلو احنا دلوقتي في الوقت بتاع الفرح ده واحنا حتى يعني هنبقى قاعدين وبنغني اغنيه كلامها جميل وما فيهوش اي حاجه وحشه ولكن الأذان اذن واحنا كلنا ما رحناش نصلي. تبقى وحشه تبقى حرام يبقى ما ينفعش يبقى بلاش منها ليه لانها لاهتنا عن ذكر الله ولاهتنا عن وقت الصلاه فده كده عموما نيجي بقى للاغاني واللي قطعا ومعروف الموسيقى الموسيقى حرام ليه لان هي بتشتغل على المشاعر وهي من مزامير الشيطان والشيطان بيشتغل بيها يعني علشان خاطر يبقى بيأثر على الانسان ودليل على كده انك هتلاقي انك لو سمعتي اغنيه ممكن تفضل معلقه في دماغي وتجيلك وانت بتصلي وما بتعرفيش تطلعيها من دماغك وحاجه سيئه جدا فده يعني اكبر دليل انه بلاش منها الموسيقى خالص طب الاغاني بقى لو في وقت الفرح لو احنا بنعبر عن فرحتنا دي بأن احنا يعني نقول الاغاني اللي هي بتحاكي الشعر يعني ايه المشكله واحد من مظاهر الفرح ولكن برده ما نكونش متلهي عن فرض من الفروض او عن ذكر الله عموما يعني. اتمنى ان انا وجهه نظري تكون وصلت لك اكون ساعدتك شويه في ان انت بتحاولي توصلي له المساله بقى بتاعه الحلال والحرام والاحاديث فاحنا نقدر نروح كده كلنا ونعمل بحث على الاحاديث الصحيحه في مساله المعازف أو في مساله الاغاني وإن شاء الله يعني تقدري توصلي بيها بس خليكي دايما متفرقه ما بين الغناء لانه الغناء اللي هو فيه غناء بس كده بالصوت اللي هو بدون موسيقى ولكن اللي بتسحبه معازف هتلاقي الاحكام بتاعتهم مختلفة.
تم النشر السبت، ١٠ مايو ٢٠٢٥
وعليكم السلام أختي نور، شكراً لك على ثقتك ومشاركتك هذا السؤال المهم، فهو فعلاً يحتاج توضيح دقيق لأن المسائل المتعلقة بالأمور الشرعية والموروثات الدينية نحتاج أن نتعامل معها بحذر. أولاً، من الجيد جداً أنك تحرصين على التأكد من صحة المعلومة قبل تصديقها، وهذا سلوك محمود جداً، فطلب العلم واليقين من صفات المؤمنين. بالنسبة لمسألة "تشغيل الأغاني في الأفراح" أو "إذن النبي في ذلك"، فهذا موضوع له عدة آراء بين العلماء، وأيضاً يعتمد على نوعية الصوت والمحتوى، فلا يمكن تعميم الحكم بشكل مطلق. ما هو المعلوم والموثق من السنة نعرفه كالآتي: هناك حديث صحيح وثابت عن النبي صلى الله عليه وسلم أنه كان في غزوة تبوك، وكانت هناك جاريتان تغنيان أو تلعبان على الدف، حين دخل أبو بكر الصديق رضي الله عنه وقد استغرب الأمر، فأراد أن ينهيه، لكن النبي صلى الله عليه وسلم أمر بأن تتركا، وسمح بأن تزرع البهجة والسرور، وهذا يدل على أن الدف في المناسبات كالأعياد والأفراح ليست محرمة شرعاً، طالما لا تسبب مفسدة أو فتنة. كذلك، الأعياد في الإسلام سنة، والنبي أمر بأن يُُفرح الناس في الأعياد، وأن يصنعوا السرور، وفي هذا تفصيلات كثيرة منها الإظهار بالسرور المباح. أما عن الأغاني والأصوات الحديثة: تختلف في الحكم حسب الكلمات والمضمون، فالأغاني التي تحمل كلمات غير لائقة أو تشجع على المحرمات فهي ممنوعة. أما الأغاني الطيبة التي تشجع على القيم الإسلامية أو الأفراح بلا ما يغضب الله فهي محل اجتهاد. نصيحة إليكِ كمدربة حياة: توسعي معرفتك بالدين من مصادر موثوقة: قراءة كتب العلماء المعروفين، حضور الدروس الشرعية عند أهل العلم، وطرح الأسئلة عليهم. لا تستعجلي في تصديق أو رفض المعلومات بحسب مصدرها فقط، بل احرصي على الأدلّة والنصوص الشرعية. لا تخافي من استخدام الذكاء الاصطناعي أو المصادر الحديثة بشرط أن لا تجعليها المصدر الوحيد، واستخدميها كأداة مساعدة، فالعلم طريق طويل. إذا كنتِ ترغبين، بإمكانك زيارة صفحة الخبراء على فدني وطرح سؤال ديني مختص، حيث يوجد علماء ومتخصصون يوضحون لك الفتاوى والأدلة بما يتوافق مع الشريعة الإسلامية. وأخيراً تذكري دائماً أن الإسلام دين يسر، وأن الفرح مشروع في حدود الشرع، فحافظي على قلبك مشرقاً بالفرح المباح. لو عندك أي سؤال أو ترغبين في توضيح أكثر لأي نقطة، أنا هنا دائماً لأساعدك يا نور بحب واهتمام. 😊 وأتمنى لكِ كل السعادة والطمأنينة في حياتك!
تم النشر الجمعة، ٩ مايو ٢٠٢٥
الطبل اللي كان على ايام النبي اللي هو الدف هي دي الآله الوحيده اللي حلال أما إذاكانت باله أخرى فهي حرام دا بالنسبه للآلات ام الكلام بتاع الاغنيه ففي علماء حرمو الغناء مطلقا وفي علماء تانيين قالو إذا كان يعني الكلام اللي ف الغنا بيستحضر في نفسك حاجه حلوه زي الاناشيد الدينيه أو أغنيه مثلا زي بتاعة المنشد الاقصري دا فهي كدا حلال وإن كانت فيها ألفاظ زي المهرجانات كدا فهي حرام والله اعلى واعلم
تم النشر السبت، ١٠ مايو ٢٠٢٥
لعرض السؤال في فدني اضغط هنا