انا عندي ١٨ سنة ف تالتة ثانوى وحرفيا ب معنى الكلمة جربت كل حاجة عشان اتخن ماما جبتلى كل حاجة وانا معنديش مشكلة صحية والصراحة مش باكل كويس قد كدا ولما بهتم برجع اوقف وبفقد الشغف ومش بكسر ال ٤٥ وطولى ١٥٨
السلام عليكم، هو طبيعي طالما مش بتاكلي كويس أو مش بتزودي عن السعرات الحرارية المطلوبة يوميا وزنك مش هيزيد. أنتِ بتقولي مش عندك مشاكل صحية؟ هل كشفتِ وتأكدتِ بفحوصات وتحاليل ولا عشان مش بتشتكي فرضتِ إن مفيش مشاكل؟ *** بالنسبة للوزن سواء زيادة أو نقص فبيتأثر بالنفسية كمان، متركزيش على فكرة إن لازم تزيدي وتحوليها لمشكلة وهوس عشان ده بيعمل نتيجة عكسية. وبلاش كمان تعتمدي على الشغف في أي حاجة، المفروض تحولي نظام الأكل بتاعك لعادة وروتين يومي، يعني تحددي مواعيد وجباتك وتظبطي منبه وتقومي تاكلي. *** فقدان الشغف اللي بتقولي عيله جاي من إنك بتتعاملي مع النظام على إنه حاجة مؤقتة مش نظام حياة، يعني بتعامليه كنظام مؤقت وقت ما يجيب نتيجة هتوقفيه، ولما بيمر وقت ومش بتلاقي النتيجة اللي عاوزاها بتملي وتحسي بيأس فتوقفي. ** عاملي نظامك الغذائي إنه نظام حياتك وعادات يومية بتعمليها بانتظام واستمرارية. *** لو صعب عليكِ تبدئي لوحدك فحاولي تتابعي مع طبيبة تغذية تتأكد الأول إن مفيش مشاكل صحية مزودة الحرق أو مانعة امتصاص الغذاء بشكل جيد وتوصف لك بعدها النظام اللي تمشي عليه من أكل وتمارين. ** خدي بالك برضه، لو في ثانوية عامة وفيه توتر وضغط ده ممكن يزود الحرق ويؤثر على أكلك ووزنك بالتالي. *** أهم حاجة زي ما قلت، حسني نفسيتك وحاولي متقلقيش من مسألة الوزن أو تحوليها لهوس. وربنا يرزقك الصحة والعافية.💚💚
تم النشر الأربعاء، ٧ أكتوبر ٢٠٢٦
أولاً، أقدر شعورك يا عزة، وأنتِ بتحاولي تكسبي وزن من فترة طويلة وبتحسي بالإحباط لما النتيجة ما بتظهرش. عمرك ١٨ سنة وطولك ١٥٨ سم ووزنك تحت ٤٥ كيلو ده بيخليكِ تحت الوزن المثالي شوية، لكن الخبر السار إن مفيش مشاكل صحية، يعني الفرصة موجودة إنكِ تزودي وزنك بطريقة صحية ومستدامة. السبب الرئيسي اللي بيخليكِ ترجعي للورا هو إن الاهتمام بالأكل بيحصل بشكل متقطع، فالجسم مش بياخد الطاقة الكافية بانتظام. عشان تكسري حاجز الـ٤٥ كيلو، ركزي على زيادة السعرات بشكل تدريجي من خلال وجبات صغيرة ومتكررة (٥-٦ وجبات يومياً) بدل ما تحاولي تاكلي كميات كبيرة مرة واحدة. اختاري أطعمة غنية بالسعرات زي المكسرات (لوز وجوز وفول سوداني)، الزبادي كامل الدسم مع عسل، الأفوكادو، الزبدة الفول السوداني على التوست، واللبن المضاف له شوية زيت جوز الهند أو عسل. كمان حاولي تضيفي بروتين في كل وجبة زي البيض أو الجبن أو الدجاج عشان الجسم يبني عضلات مع الوزن. عشان تحافظي على الشغف، حددي هدف صغير كل أسبوعين (مثلاً تزودي ٥٠٠ سعرة يومياً) وسجلي وزنك مرة واحدة في الأسبوع مش يومياً عشان ما تتعبيش نفسك. استغلي فترة الثانوية دي في عمل روتين بسيط يناسب جدولك الدراسي، زي تحضير وجبات خفيفة جاهزة في الصباح. لو حسيتِ بالملل، غيري الأصناف كل فترة وخلي الأكل ممتع بإضافة توابل أو صوصات تحبيها. الاستمرارية هي المفتاح، وأنتِ قادرة عليها لأنكِ جربتِ كتير قبل كده. لو عايزة أفكار أكتر عن وصفات أو خطة أسبوعية، ابحثي عن أسئلة مشابهة على فدني عشان تشوفي تجارب بنات في نفس السن. أنا هنا لو عايزة تتابعي معايا خطوة بخطوة. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ٦ أكتوبر ٢٠٢٦
لازم تكشفي عشان ممكن يكون عندك زياده غيره طبيعيه في حرق الدهون والدكتوره هتديكِ ادويه وهتكتبلك مشروب أو خليط تشربيه كل يوم هيزود وزنك، اتمني توصلي للقوام الي برضيكِ
تم النشر الخميس، ٨ أكتوبر ٢٠٢٦
لعرض السؤال في فدني اضغط هنا