السلام عليكم
انا السنادي ثانوية عامة هو انا لازم اعمل جدول للمذاكرة امشي عليه ولا اذاكر علي حسب ميعاد الدرس او المحاضرة و خلاص ، و كمان هو من المفروض اسجل اللي المدرس بشرحه في المحاضرة ولا اسمع منه بتركيز و خلاص
السلام عليكم، الجدول مهم عشان هيخلي فيه روتين ونظام وهتبقي عارفة المطلوب منك خلال اليوم والأسبوع بدل ما تمشي بعشوائية. الموضوع زي ما لو بدأتِ يومك من غير ما تكوني محددة المطلوب منك فاليوم بيبقى عشوائي والوقت بيضيع من دون ما تعملي حاجة. لكن طبعا لازم تراعي طاقتك وأوقات تركيزك واحتمال حدوث أي ظرف فيكون الجدول مرن. *** ممكن الجدول يكون متماشي مع مواعيد الدروس، ونصيحة عن تجربة... لو هتعملي جدول خليه متوافق مع مواعيد الصلاة، ده هيخلي فيه بركة ونظام اكتر في وقتك وكمان هيمنحك أوقات راحة وفواصل عن المذاكرة. *** ممكن تستعيني بالذكاء الاصطناعي في عمل الجدول، اكتبي له أمر هندسي تطلبي منه يعمل لك جدول مرن وواقعي. هكتب لك في التعليقات أمر هندسي، انسخيه واعطيه لأي تطبيق ذكاء اصطناعي وإن شاء الله يعمل لك جدول مناسب وعدلي فيه براحتك. *** تسجيل الشرح ده أمر يرجع لك، أنتِ ممكن تسجلي (لو مسموح) وفي نفس الوقت تكوني بتسمعي بتركيز عادي، بحيث لما ترجعي البيت ممكن تبقي تسمعي المحاضرة تاني (حتى لو هتزودي السرعة) فمن ناحية تثبتي الفهم وتشوفي لو حاجة فاتتك. وممكن لو مش هتسجلي، تسمعي بتركيز لكن هيكون معك كشكول الدرس تكتبي فيه الملاحظات المهمة ورا الأستاذ. فشوفي الطريقة الأفضل بالنسبة لك واعمليها. في الحالتين متسمعيش بتركيز وخلاص، عقلك ممكن يسرح في أي لحظة وتسجيل الملاحظات بيساعدك تركزي أكتر وبيثبت فهمك للمعلومات وبيخلي مراجعتك أسهل بعد كده لما ترجعي للملاحظات اللي كتبتِها. *** نصيحة أخيرة، أهم حاجة في الثانوية العامة تبعدي عن التوتر والضغوطات ومتفكريش غير إنك تعملي اللي عليكِ واهتمي بالمراجعة بانتظام وحل أسئلة امتحانات. وبالتوفيق إن شاء الله.💚💚
تم النشر الثلاثاء، ١٥ سبتمبر ٢٠٢٦
وعليكم السلام يا بسمة! 😊 نعم، الالتزام بجدول مذاكرة ثابت في الثانوية العامة هو الأفضل بكثير، لأنه بيخلق روتين يساعدكِ على التركيز وتقليل التشتت، خاصة مع ضغط الامتحانات. لكن الجدول لازم يكون واقعي ومرن شوية، يعني حددي أوقات ثابتة لكل مادة حسب صعوبتها ومواعيد دروسكِ، مع ترك فترات راحة قصيرة بينها عشان متتعبيش. لو المحاضرة جاية في وقت معين، حاولي تخصصي وقت للمراجعة بعدها مباشرة عشان المعلومات تثبت. بالنسبة لتدوين الملاحظات والاستماع بتركيز، الأفضل إنكِ تركزي أولاً على الاستماع النشط، وتكتبي النقاط الرئيسية فقط (مثل العناوين الفرعية والأمثلة المهمة) بدل ما تسجلي كل كلمة. جربي طريقة "الكلمات المفتاحية"، يعني تسمعي بتركيز وتكتبي كلمات أو جمل قصيرة تساعدكِ تتذكري بعدين. لو حسيتِ إن التدوين بيشتتكِ، ابدئي بالاستماع الكامل في أول محاضرة ثم راجعي الملاحظات بعدين. أنتِ قادرة على التوازن ده، وكل ما تطبقيه تدريجياً هتحسي بالفرق. لو عايزة نصائح إضافية عن تنظيم وقتكِ، قوليلي! 💪
تم النشر الثلاثاء، ١٥ سبتمبر ٢٠٢٦
عليكم السلام ورحمة الله و بركاته........ أولا كده مفيش حاجة اسمها هو أنا لازم اعمل كذه ولا كذه.... في حاجة اسمها أنا إى انسب ليا و أفضل...... كل واحد لهو طريقتة المناسبة في كل امورة، زي ما في حد بيحب ياكل السمك مشوي في غيره بيحب ياكل السمك مقلي عادي........ غلطة غلطها كل زمايلي في اثناء الثانوية ألا و هيا سابوا ودنهم مفتوحة للناس كل واحد يضيف اللي نفسه فيه و يقول اللي يحبه و هما ياغدوه و يعملوه بيه عادي....... كل واحد فينا عارف هو مين و واقف فين و بيعمل إى و مفيش حد صريح تجاه نفسك غير نفسك.....د فشوفي الانسب ليكي و اغلطي مره و اتنين و ألف أهم حاجة وقت اللحظة الحاسمة"امتحان آخر السنة" تحاولي على قد ما تقدري متغلطيش... وربنا يوفقك متنسيش ديه سنة زي إى سنة اتعاملي معاها بكل هدوء عادي مش لازم توتر و حرق دم... رفهي عن نفسك عادي و اخرجي عادي حتى لو الامتحان بكره (بس تكوني مخلصة اللي عليكي طبعا الأول 😅) و تاجري بالخير مع زمايلك، فالتجارة دي بتعدي على الله من اول نيتك قبل ما توصل للمشتري.
تم النشر الأربعاء، ١٦ سبتمبر ٢٠٢٦
لا مش لازم تعملي جدول، ممكن تذاكري عادي بدون أي حاجة، ممكن يكون تأثيره سلبي أصلا، يكفي أنك تكوني عارفة اللي هتذاكريه، وكلامي مش لازم ينطبق عليك ممكن الجدول يساعدك فعلا، لكن الفكرة أنه مش شيء لابد منه وأنه لازم يتعمل..... مشكلة التسجيل أنك ممكن تعتمدي عليه وما تركزيش في المحاضرة وكمان تكسلي تسمعيها تاني فأنا مش عارف الأفضل ليك.
تم النشر الأربعاء، ١٦ سبتمبر ٢٠٢٦
لعرض السؤال في فدني اضغط هنا