السلام عليكم
أنا فى تالته ثانوي ووزنى 80 كيلو ودا مضايقنى جدا ومسببلى مشاكل مش عارفه البس زى صحابى ودايما بتعرض للتنمر والسخريه على شكلى بعد اذنكم عاوزه حل لو حد يعرف انزل وزنى ازاى من غير ما اروح الجيم
وعليكم السلام ورحمه الله وبركاته بصي أول حاجة لازم تعرفيها إن قيمتك مش في رقم على ميزان، وشكلك ده مش هو اللي بيحدد إنتي مين. التنمر ده مشكلة اللي بيتنمروا مش مشكلتك إنتي، هما اللي محتاجين يصلحوا نفسهم. بما إنك في تالتة ثانوي، أهم حاجة دلوقتي مذاكرتك ونفسيتك، ومن غير جيم ولا حاجه ، تقدري تعملي خطوات بسيطة قللي السكر والنشويات مش لازم تقطعي، بس خففي العيش والمكرونة والحلويات والبيبسي. واشربي مياه كتير قبل كل وجبة اشربي كوبايتين مياه، بتسد النفس وبتحرق. والبروتين والخضار شبعي نفسك بالسلطة والبروتين (بيض، فول، فراخ، ...الخ) عشان تركز في المذاكرة وما تجوعيش بسرعة. ومش لازم جيم، المشي نص ساعة كل يوم كفاية تغير مودك ويحرق دهون. لو مفيش وقت للخروج، ممكن تشغلي Workout بسيط على يوتيوب في أوضتك لمدة 15 دقيقة تفصلي بيهم بين المواد. ونامي كويس 7-8 ساعات، لأن السهر والتوتر بيخلوا الجسم يخزن دهون ويفتح الشهية. حبي نفسك دلوقتي عشان تعرفي تغيريها للأحسن، مش عشان كارهة شكلك. وافتكرى إنتي بتعملي ده عشان صحتك وعشان تحسي بالراحة، مش عشان ترضي حد. بكرة تخلصي ثانوية وتدخلي الكلية وإنتي في أحسن صورة وشايفة نجاحك في إيدك.وجد والله ربنا يحفظك ويسعدك 😊وتحققي كل اللي نفسك فيه
تم النشر الاثنين، ٢ مارس ٢٠٢٦
السلام عليكم ورحمة الله وبركاته بصي يا جميله بما انك في تالته ثانوي ودراسه وكدا فـ اكيد محتاجه مذاكره اكتر يعني ما تركزيش على وزنك خالص ومش قصدي انك تكوني مهملة في حق نفسك ولكن بصي تالته ثانوي ضغط كتير وحرفيا جري كتير ومذاكرة كتير ودروس كتييييير بالمعني دي حاجة خارج ارادتك فـ طبيعي وزنك هيزيد بسبب الاكل ما هو طبيعي هتأكلي كتير ما انتي بتعملي مجهود ومحتاجه باور فـ بتاخديه عن طريق الاكل ودا كلنا كدا ركزيزدلوقت على مستقبلك ودراستك فكك من كلامهم اهم حاجة تحبي نفسك انتي جميله في كل الحالات كلها شهرين هتخلصي تالته ووقتها بجد تحسي ان كل حاجة مظبوطه سواء اكلك ونومك يعني اللي عايزه اوصلهولك ان لو وزنك زاد اوي فـ معظم الناس وزنهم بيعتمد على حالتهم النفسيه والضغط ممكن تبقي مش بتأكلي وتلاقي نفسك فجأه تخنتي فاهماني فـ انتي تالته ثانوي فـ طبيعي والله وممكن يكون دا بسبب الزهق او الضغظ
تم النشر الاثنين، ٢ مارس ٢٠٢٦
أنا مشكلتي مثلك ولكن بشكل عكسي في الثالث الثانوي، ولكن وزني لا يتغير منذ سنوات، دائمًا ما يتراوح بين 41 إلى 43 كيلوغرامًا، لا أتذكر أني زدت عن هذا الرقم، قبل 6 سنوات كنت 33، والآن 42 كيلوغرامًا، ولكن على الأقل إن كنت أاني من الوزن الزائد فأستطيع أن أنقص ولكن أنا وزني ناقص ولا أزيد أبدًا، كان الله في عوننا جميعًا، وإن أردتِ نصيحتي يجب عليكِ التقليل من السعرات الحرارية، تناول أطعمة غنية بالألياف والبروتين لزيادة الشبع، والإكثار من شرب الماء، والالتزام بتمارين رياضية منتظمة، خاصة المشي السريع، وقللي من السكريات والدهون المشبعة، وتناولي وجبات متوازنة ومقسمة، وتجنبِ الأكل المتأخر، وفي النهاية مهما كان وزنكِ قليلًا أو كثيرًا فهو لا يمثل شخصيتك بشيء أنتِ جميلة بجوهرك المكنون💎
تم النشر الخميس، ٥ مارس ٢٠٢٦
وعليكم السلام ورحمة الله وبركاته يا قمر! 💕 أول حاجة، أنا فخورة بيكي إنك عارفة هدفك وبتسعي له، خاصة وأنتِ في ثالثة ثانوي وده وقت دراسة كتير. وزنك مش مشكلة في حد ذاته، أنتِ بنت جميلة وقوية، والتنمر ده بيجي من ناس ضعاف مش عارفين قيمة نفسهم. بس خلينا نركز على هدفك: نزول وزن صحي بدون جيم، خطوة بخطوة عملية وسهلة تناسب جدولك. 1. الأكل الذكي (الأهم 80% من النتيجة) : قللي السعرات تدريجياً : هدفك 1500-1800 سعرة يومياً (حسب طولك، لو حوالي 160سم هيكون مناسب). استخدمي تطبيق زي "MyFitnessPal" عشان تحسبي. وجبات يومية سهلة : | الوجبة | اقتراح | | فطار | بيضة مسلوقة + خيار + شريحة توست بني | | غداء | صدر فراخ مشوي + سلطة خضراء + شوفان | | عشاء | زبادي قليل الدسم + فاكهة (تفاحة) | | سناك | حفنة لوز (10 حبات) أو جزر | قواعد ذهبية : اشربي 3 لتر ماء يومياً، قولي "لا" للمشروبات الغازية والحلويات (استبدلي بفواكه)، وكلي ببطء عشان تشبعي سريع. لو صايمة، استغلي الصيام ده هدية إلهية للتنظيم! 2. حركة يومية بدون تعب (20-30 دقيقة بس) : مشي سريع في البيت أو الشارع بعد المذاكرة (هدف 8000 خطوة يومياً، استخدمي ساعة موبايلك). صعود سلالم المدرسة بدل الأسانسير، أو رقص على أغاني مفضلة في أوضتك (حركي الجسم واستمتعي!). تمارين منزلية بسيطة: 3 جولات × 10 squats + 10 push-ups على الركب + plank 20 ثانية (شوفي فيديوهات يوتيوب "تمارين منزلية للمبتدئين"). 3. نصائح نفسية وروتين : نامي 7-8 ساعات يومياً (النوم يحرق دهون!). تابعي وزنك مرة أسبوعياً، وركزي على الإحساس بالملابس اللي بقت أوسع. للتنمر: ابتسمي وقولي "شكراً على رأيك" وامشي، ثقتك هي سلاحك. صلي وادعي ربنا يقويكِ. ابدئي النهارده، وخدي صورة "قبل" عشان تشوفي الفرق بعد شهر (هتنزلي 4-6 كيلو لو ملتزمة). لو عايزة نصائح أكتر، ابحثي في فدني عن "فقدان الوزن" هتلاقي إجابات كتير، أو شوفي الخبراء في https://www.fedni.net/experts – في خبراء تغذية هيساعدوكِ شخصياً. أنتِ قادرة يا بنتي، خطوة صغيرة كل يوم وهتشوفي الفرق! لو سؤال تاني، أنا هنا. 🌟 ربنا يوفقك في الثانوية العامة كمان! 😊 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ٢ مارس ٢٠٢٦
حبي نفسك
تم النشر الأربعاء، ٤ مارس ٢٠٢٦
كل اكل نضيف يعني ابعد عن المقالي والسمنه البلدي والزيوت وحجات الدكان
تم النشر الثلاثاء، ٣ مارس ٢٠٢٦
الحل سهل جدا وقفي سكر نهائي وقللي اكتر خليها وجبتين بس
تم النشر الاثنين، ٢ مارس ٢٠٢٦
قلل اكل وسكريات وزود شرب المياه ، لأنها بتحلل الدهون وتفتتها
تم النشر الخميس، ٥ مارس ٢٠٢٦
لعرض السؤال في فدني اضغط هنا