لما براجع قرآن صوتي بيعلى تلقائي وبتفاجئ إن حد في الشارع سامع صوتي وخصوصًا إني بنت في المرحله الثانويه، مش حابه أفتن أحد بصوتي
أنا مش عارفه أتخلص من الموضوع ده
أختي العزيزة، الله يبارك فيكِ على حرصكِ على تلاوة القرآن وعدم الوقوع في الفتنة، ده شعور جميل ودليل على إيمانكِ القوي 💕. مشكلتكِ شائعة خاصة في سن المراهقة لما الصوت بيطلع تلقائيًا من الحماس. هنا نصائح عملية تساعدكِ تتحكمي فيها: 1. اختاري مكان مناسب داخل المنزل : اقرئي في غرفة داخلية بعيدة عن النوافذ أو الشارع، زي غرفة النوم أو المطبخ. أغلقي النوافذ والستائر أثناء المراجعة. 2. مارسي السيطرة على الصوت تدريجيًا : ابدئي بتلاوة بصوت هامس (همس خفيف) لمدة 5 دقائق يوميًا، ثم زيدي شوية شوية. استخدمي تطبيقات تسجيل صوت على موبايلكِ عشان تسمعي نفسكِ وتعدلي. قولي لنفسكِ قبل البدء: "هقرأ بهدوء وخشوع"، ده بيساعد الدماغ يتحكم. 3. استخدمي أدوات مساعدة : حطي سماعات في أذنيكِ (سماعات عازلة للصوت) واستمعي لتلاوة مشاهير زي الشيخ الحصري مع تكراركِ بصوت منخفض. اقرئي في أوقات هادئة زي الفجر أو بعد الإفطار، مش وقت الذروة في الشارع. 4. نصيحة إسلامية سريعة : الرسول ﷺ قال: "القرآن يأتي يوم القيامة شفيعًا لأهله"، فلا تتركيه أبدًا، بس بالحرص على الستر. إذا حسيتِ الفتنة قريبة، قفلي واستأنفي بعدين. جربي دول يومين وهتشوفي فرق كبير! لو عايزة نصائح أكتر ابحثي عن أسئلة مشابهة في فدني هتلاقي إجابات كتيرة. أنتِ قدها، استمري يا بطلة 🌟
تم النشر الثلاثاء، ٢٧ يناير ٢٠٢٦
الفتنه مش بالصوت الفتنه لما صوتك في ترقيق وتليين اما لو صوتك عادي فمش حرام بإذن الله،وتجنبا للفتنه حاولي لو انتي في البيت تقفلي الشباك ولو في الشارع حاولي تستني اما تروحي او تقرأين في مكان هادي بعيد عن الناس وشكلك قصدك بكلمه ثانويه انك مستنيه ميعاد دروسك فممكن تشوفي مسجد قريب للسيدات اقرأي فيه كما اردتي انا كنت بعمل كدا وشيء جميل جدا وجزاك الله خيرا كل الخير بإذن الله علي هذا العمل وثبتك الله
تم النشر الثلاثاء، ٢٧ يناير ٢٠٢٦
شوفي مكان خصصيه للحفظ والمراجعة يكون بعيد عن الشارع في الاول وبعد كدا ركزي على على درجه صوتك وانتى بتقرائي وكل مثلاً 10 دقائق شوفي صوتك على ولا لا وكل ما يعلى يعلى صوتك قلليه وبعدين ده طبيعي مفيش مشكله فيه الافضل حاولى انك تخصصي مكان وربنا يسعدك واوعى توقفي حفظ أو مراجعه لأن الشيطان ممكن يكون حسسك بكدا علشان يبعدك عن القرآن لو قدرتي توطي صوتك تمام مقدرتيش كملى زي ما انتى 😊 وجد ربنا يحفظك
تم النشر الثلاثاء، ٢٧ يناير ٢٠٢٦
السلام عليكم، طالما عارفة إن عندك مشكلة وفيه صعوبة تتحكمي في صوتك وبتنسي نفسك مع المراجعة يبقى الأفضل تقتصري المراجعة في البيت أو في المسجد، لو مشتركة مثلا مع معلمة أو في مقرأة يبقى ممكن قبل الموعد تروحي المسجد بدري شوية وتراجعي هناك. المواصلات والشارع بلاش خالص ما دام مش بتتحكمي في الموضوع، خلي مراجعتك في المواصلات مقتصرة على الاستماع للقرآن على موبايلك وحاولي تراجعي الآيات بذهنك من غير صوت، لو برضه فيه صعوبة ولقيتِ شفايفك بتتحرك يبقى البسي كمامة على الأقل تفكرك إن المفروض متتكلميش أو تخفض صوتك شوية لو نسيتِ نفسك. المواصلات والشارع ممكن كمان تستغلي وقتهم في مذاكرتك عادي مش حرام (بما إنك في ثانوية عامة) طالما أخلصتِ النية من المذاكرة لوجه الله، وممكن تستغليهم في سماع محاضرات دينية... مش لازم قراءة قرآن. وبالتوفيق.
تم النشر الثلاثاء، ٢٧ يناير ٢٠٢٦
أنا كمان عندي نفس المشكلة والسبب اتضح لي إني بحفظ بالسمع ، ممكن حضرتك تجربي تسجلي لنفسك إن كانت القراءة صحيحة في العموم وتشغلي التسجيلات دي في السماعة ومتتكلميش وتوقعي الآية أو الكلمة القادمة ، والباقي في البيت بقا الأولى البيت كده كده لإن إسرار العمل ده كبير عند ربنا
تم النشر الثلاثاء، ٢٧ يناير ٢٠٢٦
اقفلي الشباك واقعدي بعيد عنه
تم النشر الثلاثاء، ٢٧ يناير ٢٠٢٦
لعرض السؤال في فدني اضغط هنا