انا عندي ١٨ سنه ف ٣ث من ساعة مشاكل بين ماما وبابا فضلت ٣ شهور وكنا مش مستقريين قبل ٣ث
بقيت بنسى كتير اوي وتايهه بجد ف الدنيا كده اللي هو فجأة احنا فين وف شهر اي وأيام اسبوع اي وازاي السبت كان امبارح ولي الايام بتبعد بالنسبالي وكل م انام كل م الزمن بيبعد
حاجه تكون حاصله امبارح أو انهارده الصبح بمجرد م انام او من غير م انام بحس ان الموضوع بقاله كتيير اوي بجد بنسى كتيرر جداااا ممكن ونا بتوضى مثلا بمجرد م اسرح وارجع اكمل وضوء أنسى وصلت لفين
الموضوع بشع بشكل لا يوصف كل شويه بعيط اني مش فاكره اي حاجه بحس ان عندي زهايمر بجد ودايما عندي خمول ف دماغي مش جسمي يكون جسمي طاقة عاليه ودماغي تقيله هموت وانام بنام كتير اوي بجد
دا غير اني متشخصه ب انفصام وجداني
ودايما دايمًا متوتره قلقانه طول الوقت واه عندي اضطرابات نطق وكلام
في واحده اسمو ناصر العقيلي على يوتيوب بيقدم برنامج اسمو دوبا ميكافين هو بيجيب كتب علميه وبيشرح محتوها المهم ان في سلسله نزلها بيشرح فيها كتاب اسمو لماذا ننام تقريا ٨ او ٩ حلقات السلسله دي لازم لازم لازم تسمعيها جدا ضروري جدا والله هي الي ليها الفضل بعد ربنا اني افهم اصل المشكله فين، حاولي ترتبي حياتك ويومك وتعيشي ف هدوء شويه خلي بالك انا حتى بعد ما عرفت الحل مكنتش عارفه اعمل شيئ لان اصلا الاوضاع مش مستقره نهائيا ومحدش فاهم اني عايزه انام واصحى بدري ولحد اللحظه الي انا بكتبلك فيها وانا مصدعه والله 😂 بس زي ما قتلتك حاولي على قد ما تقدري تنظمي يوك ونومك وتنظمي افكارك وتكزي ف الثانوي ومتضغطيش على نفسك ابدا ف التفكير وحاولي تقوي علاقتك بربنا وترمي كل حاجه وراكي لان بجد احنا في الاخر هنموت ومش هناخد حاجه من الدنيا والحل للمشاكل لو كان بايدنا كان فادنا التفكير الزياده دا لكن احنا مش هنقدر نغير الظروف مهما حصل فاالحل ان احنا ندعي ربنا، ربنا بيدبر حياة النمله الصغيره الي احنا ما نشوفها ويدبر يومها ورزقها مش هيدبرلنا حياتنا احنا ويحل مشاكلنا لازم ندعي ونتضرع ونقرب ليه لما نرمي مشاكلنا ورا ضهرنا ونقرب لربنا هنتلهي عن المشاكل دي وهنحس باحسس الامان الي افتقدنا من اهلنا ومن صحابنا وهنحس بالتركيز والوضوح الذهني وهنفهم احنا عايزين اي ونوبات التشتت هتقل بشكل ملحوظ لان احنا بقا لينا هدف واضح وهو القرب من ربنا وبس كل الدنيا دي ولا تسوى حاجه بعد كده الخلاصه هي النوم-القرب من ربنا-عدم التفكير
تم النشر الاثنين، ٢٦ مايو ٢٠٢٥
يا أخت سبب ده كله ملكيش فيه ذنب .. كان حقك الطبيعي الأمان والقبول والحب من الوالدين .. ومش بنلقي عليهم اللوم ولكن لفهم الإشكال .. لما فقدتي قبول النفس كرهتي نفسك فمفيش اي حافزية للحياة بسبب كره النفس فبدأ عندك المشاعر السلبية ومن هنا البداية .. مشاعرك السلبية خلتك شخص تاني مش مركز عنده خمول وانفصال وجداني وتوتر وحزن فبدأتي تشوفي نفسك كشخص مريض فكرهتي نفسك اكثر .. فده كله من مشاعر سلبية .. فهنركز على الآن أنتي شخص فاقد الأمان والقبول = مشاعر سلبية = نظرة سيئة للنفس ... فالحل من جذر المشكلة وهو القبول .. تقبلي نفسك كما هي وابدأي طبقي روتين معين يحسن نظرتك لنفسك رياضة ، صلاة ، قرآن ، تأمل ، كتابة مشاعر ... وبالتوفيق
تم النشر الاثنين، ٢٦ مايو ٢٠٢٥
السلام عليكم ورحمه الله وبركاته ربنا يقويك يا سميه إن شاء الله بالنجاح ثالثه ثانوي باذن الله تحققي مجموع كويس خلينا نشوف كده انه التشخيص اللي انت بتقولي انت لو من الطبيب النفسي فده جزء من الموضوع التشخيص ده لو اتشخصيه من ساعه المشاكل اللي حصلت ما بين ماما وبابا فيبقى الموضوع مرتبط بالشق النفسي اكتر من الشق العضوي فوارد جدا ان يكون المشاعر السلبيه اللي موجوده عندك ومتراكمه داخليا من وقت المشاكل هي المؤثره عليك كل التاثير ده أنتِ ما عبرتيش عنها ممكن بشكل كافي فلذلك مخلياكي في حاله من التوهان والنسيان وعدم الانتباه لكل الامور الحاليه في الواقع لانك المشاعر مسيطره عليك لو الوضع كده زي ما انا وصفته لك عرفيني لو لا ده مش ده اللي حاصل معاكي ممكن برده تعرفيني علشان يعني بحاول أساعدك مني الشق اللي انا لي خبرة فيه.
تم النشر الثلاثاء، ٢٧ مايو ٢٠٢٥
ممكن تتجهى للجانب الطبى وتشوفى دكتور مخ وأعصاب وتعملى تحاليل واكيد هايكتبلك حاجه للنسيان وكل ده وانا بعانى من نفس المشكله واكتر حاجه جابت معايا نتيجه كانت أوميجا3 بصراحه كانت ممتازه ومفيش مانع من زياره دكتور نفسى او متابعة فيديوهات على النت لأن كل حاجه بقت موجوده اونلاين وناس شاطره جدا بتقدم محتوى هادف ومفيد وربنا يوفقك ويحققلك اللى بتتمنيه ويمنحك حياه هاديه ومستقره
تم النشر الثلاثاء، ٢٧ مايو ٢٠٢٥
السلام عليكم انا زيك بالظبط نفس ظروفي أهلي تطلقو من من شهرين وحياتنا كلها مشاكل احس نفس اعراضك من ٣ سنين انا بكره هخلص اخر امتحان ف تانيه ثانوي من اول ما دخلت ثانوي وانا مفتحتش كتاب بسبب الاعراض دي والمشكله انها مش اعراض واضحه ممكن افهمها واحكيها ولكن الحمد لله بعد سنتين من التعب والضغط الذهني ونفس اعراضك بالظبط روحت لدكتور وشخصني بالصداع الشقيقه والصداع التوتري مش عارفه انت بتحسي بيه ولا لا هو كان بيبقا دوخه ف الاول وعدم تركيز وتشتت دايم واحساس بالخنقه وتحسي كده بتعيشي ايامك بدون اي ادراك وكنت عايشه بالصداع كنت بنام وبصحى بيه وكانت نوبة الصداع الواحده بتمتدت ل١٥ يوم متواصل وفوق دا كلو مكنتش بشتكي او اقول حاجه لاني انا مش عارفه انا فياا اي اصلا انا بحكيلك كده ليه عشان انت حكيتي نفس الاعراض بالظبط وعشان متحسيش ان انت لوحدك لان فعلا انت عرفتي تحكي الي مكنتش عارفه احكيه ليا سنتين ان مشكلتك فعلا ليها حل الخلاصه بعد سنتين تدوير عن الحلول الحل بجد هو انك تنامي نوم منتظم من العشا للفجر والله دي اهم حاجه النوم ثم النوم ثم النوم لما تنامي وتصحي بدري هتنظمي يوم دا غير ان السهر والحده بيجبرك ان تفكري ف الاوضاع وان الدنيا هتمشي ازاي وهعمل اب وتفكير ملوش اول من اخر وتشيلي اي حاجه من ذهنك وتبطلي تفكير احنا الحمد لله مسلمين وعندنا رب بيدبر كل حاجه ف تفكيرنا الزايد دا مش هيعمل اي حاجه ولا هغير الظروف لان احنا مش بايدنا حاجه فعلا التفكير الزايد والسهر ولخبطة النوم علمياً بيعمل اعراض جسديه خطيره ودا الي انا اكتشفته متاخر للاسف لما روحت للدكتور وشخصني قالي انت حالتك بتاعة ناس ٣٠ و٤٠ سنه حالتك دي بسبب التفكير الزائد
تم النشر الاثنين، ٢٦ مايو ٢٠٢٥
مرحبًا يا سمية، أنا ذكية، وسعيدة أنك شاركتيني ما تمرين به لأن هذا أول خطوة مهمة جدًا نحو التحسن. من خلال وصفك ألاحظ أن هناك أمور كثيرة متداخلة تؤثر على حالتك النفسية والجسدية، ومن الطبيعي أن تؤثر المشاكل الأسرية مثل ما حصل بين والدتك ووالدك على نفسيتك بشكل كبير، خاصة وأنتِ في سن المراهقة التي تكون حساسة للتغيرات العاطفية والاجتماعية. لنقسم الأمر لعدة نقاط ونناقشها معًا: مشاكل النسيان وعدم التركيز من الطبيعي أن التوتر والقلق يؤثروا على الذاكرة والتركيز، ويجعلوا العقل يشعر بالخمول وكأنك في ضباب ذهني. السهر والنوم المفرط في أوقات غير مناسبة قد يزيدوا من هذه الحالة. النوم مهم لكن يجب أن يكون منتظم وفي أوقات صحية وليس طول النهار، لأن ذلك يشوش على قدرة الدماغ على تخزين المعلومات واستعادتها. فكرة أنك تمسكي وضوءك ثم تنسي أين وصلتِ تعبر عن تأثير كبير للتوتر والقلق على التركيز. النسيان والتشتت الزمني شعورك بأن الأيام تتداخل والوقت أصبح مشوشًا لديك مرتبط بالقلق والضغط النفسي. هذه الحالة ليست "زهايمر" ولا تخافي من هذا، بل هو أثر طبيعي من تأثير القلق. يمكن محاولة تنظيم جدول يومي بسيط مع كتابة المواعيد والمهمات لتساعدك على حفظ تفاصيل يومك. الحالة النفسية (الانفصام الوجداني، التوتر، القلق) معرفتك بتشخيص الانفصام الوجداني تعني أنكِ بحاجة إلى متابعة منتظمة مع طبيب نفسي مختص. التوتر والقلق المزمن يؤثرون على قدرة الدماغ على العمل بشكل طبيعي، لذلك ضبط الحالة النفسية أمر أساسي لتحسين الأعراض. النوم الكثيف والخمول الذهني رغم النشاط الجسدي أحيانًا الجسم يظل نشيط حتى لو كان العقل متعب، وهذا قد يكون علامة على مشاكل في تنظيم الطاقة النفسية والمعرفية. النوم الكثير في أوقات غير مناسبة يضعف النشاط الذهني، ومهم تناول الطعام الصحي وشرب الماء بانتظام. نصائح عملية تساعدك: حاولي الالتزام بمواعيد نوم واستيقاظ ثابتة قدر الإمكان، اجعلي وقت النوم من 6 إلى 8 ساعات متواصلة كل ليلة. قومي بكتابة يومياتك، أي شيء يمر بك خلال اليوم أو أي شعور أو حركة ذهنية تقلقك. هذا يساعد على تنظيم الأفكار ويخفف من التوتر. عندما تشعرين بالتشتت أو النسيان، خذي نفسًا عميقًا (حتى بدون تمارين معينة فقط التنفس الطبيعي بانتباه) وعودي إلى المهمة التي كنتِ تقومين بها خطوة بخطوة. لا تترددي في مشاركة مشاعرك مع شخص تثقين به أو الاستعانة بمختص نفسي عبر تطبيق فدني، حيث يمكنك التواصل مع خبراء نفسيين لديهم خبرة بالتعامل مع مثل هذه الحالات. تذكري أن الدعاء والتوكل على الله يساعدان على تقوية القلب والسكينة، حاولي قراءة آيات من القرآن والأذكار التي تعطي طمأنينة للنفس مثل سورة الفاتحة، وآية الكرسي، والمعوذتين. أنتِ تمرين بوقت صعب لكن المهم أنك واعية لحالتك وتطلبين المساعدة وهذا قوة كبيرة بحد ذاته. لا تترددي في سؤال أي متخصص من خبراء فدني الذين يمكنهم مساعدتك بشكل أعمق ومباشر عبر استشارات خاصة. وأخيرًا، ممكن تتابعي على تطبيق فدني أسئلة مشابهة للاستفادة من تجارب الآخرين، وأنا هنا دائمًا لو حبيتي تشاركي أكثر أو تحتاجي دعم! فلا تيأسي — خطوة بخطوة، بإذن الله تتحسن حالتك. 💖✨
تم النشر الاثنين، ٢٦ مايو ٢٠٢٥
جميعا
تم النشر الثلاثاء، ٢٧ مايو ٢٠٢٥
اه فهمت، جزاك الله خيرًا
تم النشر الثلاثاء، ٢٧ مايو ٢٠٢٥
صحيح لأن الأفكار السلبية بتشوه منظورك عن نفسك والحياة
تم النشر الثلاثاء، ٢٧ مايو ٢٠٢٥
ربنا يشفينا بجد😂، هعمل سيرش عنه واسمعله تسلميلي
تم النشر الاثنين، ٢٦ مايو ٢٠٢٥
حضرتك تقصد أن كل حاجه بتبتدي لما اتقبل نفسي داخليًا،واعالج الأفكار السلبيه صح كده
تم النشر الاثنين، ٢٦ مايو ٢٠٢٥
لعرض السؤال في فدني اضغط هنا