حاليا انة حاسه اني تعبانه ومجهدة ذهنيا وجسديا بطريقة اوڤر مش عارفة اذاكر امتحاناتي كمان يومين وفعلا مش عارفة اجمع حاجه وده تعابني لاني عارفة المادة كلها متاخدش مني كمية الوقت اللي باخده ده فيها وحقيقي تعبت ومش فاهمه ليه مرهقة ذهنيا كده لدرجة اني مش عارفة اجمع خالص وانا متشخصة باكتئاب شبه حاد وبالرغم من كده بحاول وبجتهد ولكن فعلا اجهدت جامد وانا مجتهده صعب عليا اقعد قدام الحاجه بلا تحصيل وحاليا عندي امتحان قرآن انا حافظة منهجي ونصفة متثبت ونصف الثاني محتاج مراجعة بتركيز وانا مش قادرة اركز حتى اراجع المتثبت ومش لاقية حلول خالص وفعلا تعبت وصعبان عليا اجيب تقدير وحش ف القرآن بالذات وصعبان عليا اكتر اني مش قادرة اركز فيه ولا عارفة احفظ مع اني بحب القرآن جدا وبحب اسمعه اويي ولكن معرفش ايه حصلي وليه بيحصلي كده
السلام عليكم ورحمه الله وبركاته. احنا محتاجين نفصل ضروري جدا جدا لأن لو أنا في حالة ذهنية كويسة ممكن نص ساعة تعمل معايا نتيجه كويسه جدا احسن نكون مطلقه واقضي بقى ساعتين. ثلاثه وما وصلش لنفس النتيجه احنا محتاجين نفصل اعملي اي حاجه غير الدراسه سي دي مكان اللي انت بتقعدي تذاكري فيه ده خالص انزلي اتمشي كلي ايس كريم اشربي عصير هواء حلو لازم تغيري تماما روحي مسجد يكون بترتاحي تقعدي فيه القرٱن افصلي تماما من المده المذاكره والمراجعه والحفظ كل الكلام ده. وارجعي نامي كويس حتى ولو كانوا ساعتين وبعد كده ارجعي تاني هتحسي انك اخذتي نفسك ضروري جدا جدا جدا في الحاله اللي انت فيها دي لان فعلا ده ارهاق ذهني محتاجه ان انا اخد شحنه كده قبل ما ارجع ثاني استخدم ذهني مره تانية.
تم النشر الأربعاء، ٣ يونيو ٢٠٢٦
السلام عليكم، هل متقدريش تاخدي نصف يوم على الأقل تبعدي فيه عن جو المذاكرة وتفصلي عقلك تماما عنها؟ الاحتراق والإرهاق اللي أنتِ فيه محتاج فاصل تعيدي شحن نفسك وعقلك فيه بدل ما تضيعي اليوم اللي قبل الامتحان أو تروحي الامتحان مش فايقة أو مرهقة نفسيا وذهنيا. جربي كده تنعزلي في مكان هادي أو تنزلي تتمشي في مكان هادئ قريب من بيتك، شوفي خضرة لو متاح جنبك وشمي هوا نضيف، غيري جو شوية هيفرق معك. لو مش هتقدري تنزلي اقعدي في بلكونة وارسمي أو حتى شخبطي أو غمضي عينيك واسرحي في أي حاجة غير المذاكرة، متكونش أفكار مرهقة أو سلبية. بعدها ارجعي وابدئي، خلي مذاكرتك على فترات قصيرة تفصلي بينها بكم دقيقة راحة عشان تمنعي الإرهاق. ومتقلقيش اعملي اللي عليك وادعي ربنا كتير وأكثري من الاستغفار وإن شاء الله ربنا يوفقك.💚💚
تم النشر الأحد، ٣١ مايو ٢٠٢٦
أنتِ مش لوحدك في اللي بتمرّي بيه، الإرهاق الذهني مع الاكتئاب شبه الحاد بيخلي التركيز صعب جدًا حتى لو المادة محفوظة. ركزي على اللي تقدري عليه دلوقتي بدون ضغط زيادة. ابدئي بجلسات قصيرة جدًا (10-15 دقيقة كحد أقصى) على الجزء المتثبت من القرآن فقط، وراجعيه بصوت عالي أو بسماع تسجيلك السابق. لو حسيتِ بالإجهاد، غيري النشاط لشيء بسيط زي قراءة آية واحدة أو تكرارها. قسمي المنهج لأجزاء صغيرة وابدئي بالأهم، واستخدمي طريقة "المراجعة السريعة" بدون محاولة الحفظ الجديد. تذكري إن جهدك محسوب عند الله، وإنك بتحبي القرآن ده هيساعدك تتجاوزي الفترة دي. لو الإرهاق مستمر، ابحثي عن أسئلة مشابهة في فدني لتجارب أخرى، أو استشيري متخصصًا من صفحة الخبراء: https://www.fedni.net/experts . أنتِ قادرة، وكل محاولة بتُحسب.
تم النشر الأحد، ٣١ مايو ٢٠٢٦
لعرض السؤال في فدني اضغط هنا