السلام عليكم ورحمه الله وبركاته
كنت حابه اسال انا ابني رايح رابعه أزهر بس مش عارفين نجيب حفظ المنهج بتاع القرآن. وبياخد صعوبه في الحفظ وانا كمان تعبت بيهرب مني كثير مش بيحب يكون موجود معايا ابدا عشان ما اقولوش تعال نحفظ تعالى نراجع.
بقيت دايما عصبيه عليه عشان ما بيقعدش يحفظ ولا بيسمع الكلام. فاللي هو بقيت حاسه ان احنا بنقعد على المصحف بالعافيه وهو كاره القاعده فانا بفكر اني احول له مش عارفه ده صح ولا لا انا شايفه قرار صعب. لاني كنت حاباه يكمل. يعني الاحسن احول من دلوقتي وهو لسه رايح رابعه ولا استنى حتى يكمل الابتدائي وانا باخد الدوسيه ونروح مدرسه للاعدادي اروح اعدادي عام. بس في منهج واحنا مش جايبينه خالص ومتأخرين في اللي فات كمان. فمش عارفه والله اعمل ايه؟
وعليكم السلام ورحمة الله وبركاته، يا أختي. أول حاجة أحب أقولها لك إن شعورك بالإرهاق والعصبية طبيعي جدًا، وأنتِ بتحاولي تعملي الأفضل لابنك، وده بيظهر إنك أم مهتمة وبتفكري في مستقبله بجد. الضغط اللي بيحصل دلوقتي مش هيستمر كده لو غيرنا الطريقة شوية، وده مش فشل منك ولا منه، ده مجرد إشارة إن الطريقة الحالية محتاجة تعديل. بالنسبة لقرار التحويل، أنا شايفة إن الأفضل تبدئي بتعديلات عملية دلوقتي قبل ما تاخدي قرار كبير زي التحويل، لأن التحويل في الوقت ده ممكن يزود الضغط عليكم الاتنين، خاصة إنكم متأخرين في المنهج. جربي تخلي جلسات الحفظ أقصر وأمتع، زي 15-20 دقيقة بس كل يوم مع مكافآت بسيطة أو ألعاب مرتبطة بالآيات، وخلّي أبوه أو حد تاني يشارك عشان ما تبقيش أنتِ اللي بتضغطي دايمًا. كمان، لو بيهرب منك، ده غالبًا بسبب الإحساس بالإجبار، فحاولي تربطي الحفظ بحاجات يحبها زي قصص أو أناشيد، وده هيساعد يقلل الكره تدريجيًا. لو استمر الرفض الشديد بعد شهرين من التعديلات دي، ساعتها التحويل لمدرسة عامة ممكن يكون خيار أفضل عشان صحته النفسية، لأن الإسلام بيحثنا على التيسير مش التعسير، والقرآن مش هيستفيد منه لو بقى مصدر توتر دائم. لو قررتِ التحويل، استني لحد ما يكمل الابتدائي عشان ما يحسش بتغيير مفاجئ كبير، وابدئي دلوقتي تجهزي الدوسيه وتسألي عن المدارس المناسبة. أنتِ قادرة تاخدي القرار الصح، وكل أم بتمر بمراحل زي كده. لو عايزة أفكار أكتر عن طرق حفظ ممتعة أو كيف تتعاملي مع عصبيتك، قوليلي. ربنا ييسر لكم الأمر ويبارك في ابنك.
تم النشر الأربعاء، ٢٤ يونيو ٢٠٢٦
اللهم آمين يارب تسلمي يا رب جزاكي الله خيرا
تم النشر السبت، ٢٧ يونيو ٢٠٢٦
السلام عليكم ورحمة الله وبركاتة..... هتندمي لو خرجتيه من الازهر انا بشوف نماذج بين الازهر والتربية والتعليم عندنا فرق شاسع بجد الا من رحم ربي بنسبه كبيرة ال في التربية والتعليم مش بيكون عنده علم بالدين بتاعنا وبيبقي مش فاهم ومش بيكون محترم بردو الا من رحم ربي انما الازهر ماشاءالله حاجة مشرفه بجد.... وكل حاجة فيها الحلو وفيها الوحش ومتخافيش حاولي معاه اوومثلا شجعبه وكافئيه لو حفظنا هعملك حاجة بتحبها فاهماني؟ لحد م يكبر ويدخل الاعدادي علي الاقل ويشوف زمايله بيحفظوا وبيتعلمو اكيد هيتغير هوا بس عشان لسه صغير.... وعشان تطمني مثلا اسئلي الشيخ ال بيحفظه هل دماغه كويسه ويجي منها في الازهر ولا لا؟؟........ الازهر بنسبه كبيرة ناس كويسه ومحترمه بمعني الكلمه وبيخافو ربنا وبيتقو الله في اهلهم وبردو فييه الوحش بس قليل جدا جدا كمان انما التربيه والتعليم العكس اتمني تكوني فهمتي رسالتي وربنا يهديه يارب وينور طريقه
تم النشر السبت، ٢٧ يونيو ٢٠٢٦
بصي هو الاطفال يببقوا صعب في الحفظ عندي اخويا كان كدا بس لما دخل اعدادي وثانوي عام بجد والدتي ندمت جدا إنها حولته من الازهر رغم ان الازهر مواده كتير لكن إمتحاناته أسهل من العام وفي المستقبل هيستفيد جدا من الازهر فا نصحتي بلاش انا بردو كنت بكره الحفظ وانا صغيرة وكنت بعمل زي ابنك بس إما كبرت بدأت اعتمد علي نفسي واحفظ لوحدي
تم النشر الخميس، ٢٥ يونيو ٢٠٢٦
هو فى سن محتاج شغل ومجهود تأسيس .. شوية تعب منك وشويه من الشيخ لحد ما يستقيم ويبقى كويس .. الفكرة كلها ان مش الحل يبقى نسيب المشكله ونهرب خصوصا كمان انها قران ودين يعنى هينفع فى اخرته قبل دنيته .. هل لو حول وراح مكان وفيه ماده عمل نفس المشكلة فيها هيبقى ايه الحل ؟
تم النشر الأربعاء، ٢٤ يونيو ٢٠٢٦
شيخ يحفظه افضل وهيتلزم معاه سواء حد جنبكم او اونلاين
تم النشر الأربعاء، ٢٤ يونيو ٢٠٢٦
ياريت يبقي كده الله المستعان
تم النشر الخميس، ٢٥ يونيو ٢٠٢٦
اللهم آمين يارب
تم النشر الأربعاء، ٢٤ يونيو ٢٠٢٦
أيوه فعلاً وخصوصاً المتشابهات في أوائل السور
تم النشر الأربعاء، ٢٤ يونيو ٢٠٢٦
وثالثة ابتدائي اصعب
تم النشر الأربعاء، ٢٤ يونيو ٢٠٢٦
انا عندي مكتب تحفيظ.... وده اكبر مشكلة عندي المنهج كبيير والأولاد والقرءاة متواضعة.... ربنا يصلح الحال
تم النشر الأربعاء، ٢٤ يونيو ٢٠٢٦
ماهو فعلاً مع شيخ بس الشيخ مش هيحفظ الحفظ بيكون في البيت
تم النشر الأربعاء، ٢٤ يونيو ٢٠٢٦
لعرض السؤال في فدني اضغط هنا