انا اتعرفت على واحدة فلسطينية مسيحية وانا مصرى مسلم فى بداية العلاقة كان فى انجذاب شديد جداا وكنا نتكلم طول الوقت بالرغم انها متزوجة وعندها ولد ولكن زوجها يعاملها بقسوة شديدة ولا يقربها جنسيا بالرغم انها شديدة الجمال واتفقت انا وهى على الزواج والعيش معى فى مصر او دبى ولكن بعد فترة من العلاقة حصل برود بينا وانا صارحتها بعلاقاتى النسائية نشرت مرة صورة لى انا وحبيبتى السابقة من ايطاليا وبعد ما هى شاهدت الصورة اسلوبها تغير معى وبقت تقولى احنا خوات وعمرى ما انجذبت ليك وكل ما اقطع معاها هى اللى تيجي تصالحنى بالرغم انى احيانا بقولها كلام جارح وبعد كدا بقت تحكيلى على اشخاص دخلو حياتها وتحبهم ويحبوها وتنتهى العلاقة و تجيب سيرة شخص تانى وتقولى فركشنا هى بتثير غيرتى انا عارف لكن كل ما ابوح لها بحبى واقولها قطعت علاقاتى مع الحريم برضو تقولى انت اخ وصديق ... انا مش فاهم اية اللى فى دماغها حد يفيدني
إِنَّ اللَّهَ لَا يُحِبُّ الْخَائِنِينَ، الخيانة كبيرة من الكبائر (على علاقتك مع واحدة متجوزة) وعلاقتها بجوزها مش مبرر تماما لأي حاجة هي بتعملها هي تقدر تطلق حتى لو معندهمش في دينهم طلاق بس في الف حل غير الخيانة اللي انتو بتعملوها لَّا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَن ظُلِمَ، والحديث اللي بيقول كل أُمتي معافى الا المجاهرون (على الستوري اللي نزلتها مع الاكس بتاعتك) مش هقدر اقولك غير انك تتوب وتدعي ربنا يتوب عليك
تم النشر السبت، ٢٧ سبتمبر ٢٠٢٥
بص هو فى حاجة اسمها خباب اللى بيكلم واحده متزوجه أو العكس بص العقاب فى الدين (قال رسول الله صلى الله عليه وسلم ليس منا من خبب امرأة على زوجها. أخرجه أحمد وابن حبان) انت مفروض تترك هذا المرأة ولا تكلمها يعنى ومتخدش من كلام الستات يعنى تقولك دا بيعذبنى وبيهنى وهو معاملتها احسن معامله عادى ممكن تبقا انت اسوء فى المعاملة من زوجها دا
تم النشر السبت، ٢٧ سبتمبر ٢٠٢٥
كل القصة غير منطقية ومتأسسة على خيانة، على امور محرمة . لذلك جميع الردود والنهايات السيئة والموجعة عليك ان تحتملها، واما حلها هو الابتعاد عن كل هذا والتوبة. غير ذلك ليس هناك حلّ بل عليك ان تتحمل نتائج افعالك واصرارك عليها. هداك الله
تم النشر الاثنين، ٢٢ سبتمبر ٢٠٢٥
بتكلم واحدة متزوجة ؟ أنت مش محتاج حد يجاوبك أنت محتاج حد يفوقك من اللي أنت فيه قبل ما تفوق قدام ملك الموت - بس للأسف ساعتها الوقت هيكون تأخر جدا!
تم النشر الاثنين، ٢٢ سبتمبر ٢٠٢٥
كلام عادي ايه يا مغفل؟ اللي انت بتحكيه دة في سؤالك دة كلام عادي؟ أنت لو هترضى واحد يتكلم كدة مع زوجتك تبقى ديوث
تم النشر الاثنين، ٢٢ سبتمبر ٢٠٢٥
كلام عادى يا بية مش كلام قلة ادب واتعرفنا بسبب شغل ياحج ولما اتعرفنا على بعض حكت كل حاجة بكل ادب واحترام .. ولا عشان بكلم متزوجة يبقى فى قلة ادب ... اية العقول المريضة دى
تم النشر الاثنين، ٢٢ سبتمبر ٢٠٢٥
لعرض السؤال في فدني اضغط هنا