خطيبي مش بيقول كلام حلو .. بيتكلم كويس و كل حاجة لكن المكالمات بينا بتقفل رسمية جدا
و انا دايما بحس ان في حاجة ناقصة
مهما عاتبت هو بيكون فاكر ان المشكلة في الشغل
لكن ممكن تعدي فترة بينا طويلة الكلام يكون رسمي من غير كلمة حلوة و دا بيأثر عليا
اخر مرة اتكلمت معاه فيها موصلناش لحل
سكت
و اتكلمنا بعدها عادي كأن مفيش حاجة حصلت و دا مدايقني اكتر
اعمل ايه معاه انا بحبه و هو كويس
ايه المشكلة ؟ ، الراجل حاطت حدود في العلاقة لإنها خطوبة و بالتالي ليس من المفترض تواجد المشاعر و لا الكلام اللي معترضة على عدم وجوده ، في الأول و الأخير الهدف منها هو انكم تعرفوا بعض ولو مناسبين بتكملوا ،مش مناسبين بتبعدوا ، هتعرفوا ده بقى إزاي لما يبقى بينكم مشاعر و حب و كلام من ده ، و كمان لو طلعتوا مش مناسبين و انتهت العلاقة ، ليه يسببلك اءى بوجود مشاعر ، انتي مخطوبة لراجل محترم بيفهم في الأصول كويس أوي ، فحافظي عليه و شيلي الأفكار دي من عندك ، علشان العلاقة دي لو باظت هيبقى طريقة تفكيرك دي هي السبب و هتخسري وقتها شخص من الصعب جدا تعويضه ، و بالتوفيق 😊
تم النشر الجمعة، ٢٠ مارس ٢٠٢٦
في رأيي لو المشكله في الكلام الحلو بس وهو اكيد مهم بس مش دلوقتي لأنه يمكن بيتقي الله وبيحاول يخلي حدود لحد ما تتجوزو ان شاء الله ودي حاجه تحترم جدا وتحسسك بالأمان انما لو المشكله في التواصل نفسه فدي حاجه تانيه يعني لو حابه تتكلمي معاه مثلا عن مشكله او تاخدي رأيه في حاجه وهو مش مهتم او مش بتتشاركو حياتكم فدي مشكله وممكن تتكلمي معاه وتفهمي ليه ده وتحاولو تتواصلو احسن، لكن في رأيي لو انتي شايفه تصرفاته معاكي كويسه وبيعرف يقف جنبك وأفعاله بتدل على محبه حتى لو كلامه مفيهوش كلام حلو ف دي حاجه تحترم جدا لأنه نادرا حد يكون محترم في الزمان ده وبيحافظ على نفسه واللي قدامه بالطريقه دي، بس انتي اللي تقدري تحددي اذا كان ده احترام ولكنه بيوصلك الحب بأفعاله ولا هو عنده مشكله في التواصل فعلا
تم النشر الجمعة، ٢٠ مارس ٢٠٢٦
يابنتي افهمي إن الولد ده ممكن يكون بيتقي الله فيكي وفي نفسه وعارف إن فترة الخطوبة دي مجرد وعد بالجواز مش جواز رسمي فبيحاول يفرمل مشاعره وكلامه عشان يفضل محتفظ بهيبتك في نظره ويحافظ على بركة العلاقة وما يفتحش باب للشيطان يدخل منه بكلام حلو ممكن يجر لحاجات تانية تغضب ربنا فهو بيتعامل برسمية من باب الورع والحفاظ على حدود الله لحد ما يجمعكم الحلال وساعتها يطلع كل اللي جواه في وقته الصح وبالحلال الصرف فبدل ما تضايقي منه المفروض تكبري فيه إنه راجل تقيل وخايف عليكي وبيحترم العهد اللي بينكم وعايز يدخل البيت من بابه وهو قلبه أبيض ومطمن إن ربنا مبارك في كل خطوة بتخدوها سوا وصدقيني الراجل اللي بيصون لسانه في الحرام هو أكتر واحد هيصونك ويغرقك كلام حلو لما تبقى مراته قدام ربنا والناس كلها فاصبري عليه واحتسبي ده عند ربنا وشوفي فعله ورجولته أهم من مجرد كلام ممكن أي حد غيره يقوله وهو مش قاصده
تم النشر الجمعة، ٢٠ مارس ٢٠٢٦
حبيبتي، أنا فاهمة تمامًا إحساسك ده، وده طبيعي جدًا في الخطوبة إن التواصل يبقى رسمي شوية، خاصة لو هو مشغول أو شخصيته كده. بس إنك تحسي بنقص وده يأثر عليكِ، ده يستاهل يتعالج بلطف عشان علاقتكم تبقى أقوى. اعملي كده خطوة بخطوة: اختاري وقت هادئ مش في عز الشغل أو التعب : قوليله "حبيبي، نفسي نتكلم شوية عن حاجة مهمة ليا، متى يناسبك؟" وخلي الحديث بعيد عن العتاب. عبري عن مشاعرك بطريقة إيجابية : قولي "أنا بحب كلامك معايا، بس نفسي أسمع كلمات حلوة زي 'وحشتيني' أو 'بحبك'، ده بيفرحني جدًا ويخليني أحس إننا أقرب." (استخدمي "أنا بحس" مش "أنت مش بتعمل"). اقترحي حاجات صغيرة ممتعة : زي إنكم تلعبوا لعبة أسئلة يومية (مثل "إيه أحلى حاجة حصلت النهاردة؟") أو تشاركوا صور مضحكة، عشان الكلام يبقى أخف وأحلى تدريجيًا. ادعي ربنا يلين قلبه : قولي "اللهم يسر لي الخير واجعله يقدر يعبر عن حبه زي ما أنا عايزة." والصبر مفتاح الفرج، يا قمر. هو كويس وبتحبيه، ده أساس قوي، والوقت هيحسن الأمور لو عملتِ كده. لو عايزة نصائح أكتر، دوري في فدني على أسئلة مشابهة عن "تواصل في الخطوبة"، أو شوفي الخبراء هنا: https://www.fedni.net/experts – في متخصصين في العلاقات الزوجية هيساعدوكِ. أنتِ قوية وهتقدري، خليكِ إيجابية! 💕 إيه رأيك في الخطة دي؟
تم النشر الجمعة، ٢٠ مارس ٢٠٢٦
مش كل الناس بتقدر توصل مشاعرها بالكلام وخصوصا مع الضغوط اللي حولينا ف غالبا فقدنا القدره ع اننا نواسي ونقول كلام حلو حتي لأنفسنا ما دام شخص محترم وكويس ، الموضوع واحده واحده وهيجي مع الوقت
تم النشر الجمعة، ٢٠ مارس ٢٠٢٦
طب م هو صح لان ديه خطوبة تعارف مش مرقعه او كلام لطيف و لو هو مش بيعرف يقول الكلام دا ف عرفيه انك تحبيبي انه يقولو ليكي بعد فترة الخطوبة و ربنا يتمم ليكم ع خير لكن بكل اختصار هو ممكن مش بيبين ان مش المفروض تكلمو بطريقة فيها كلام عشان انتي متضيقيش
تم النشر السبت، ٢١ مارس ٢٠٢٦
خطيبك غريب عنك الكلام الحلو بيجي بعد كتب الكتاب وفي الحلال كلمه بحبك بجد كلمه تفرح بلاش تستنزفوا مشاعركم في الخطوبة
تم النشر السبت، ٢١ مارس ٢٠٢٦
لعرض السؤال في فدني اضغط هنا