السلام عليكم حابه احكي مشكلتي.
عندي مشكله مش عارفه اتجاوزها خالص نفسي اتجاوز بس انا فعلا مش عارفه اطلع من الموضوع ده نهائي.
انا انفصلت عن شخص كنت معجبه بيه جدا. اعجاب بالمظهر بالكاريزما وباللبس والشياكه اعجاب كله ما هو اقل اعجاب ظاهري. المهم ان الشخص ده بعد ما سابني بدا يتلعب بيا ان هو كل شويه يرجع انا عايزك انا مش عارفه ايه وبعدين يسيب وبعدين يرجع وانا كل مره للاسف بقى باديله فرصه ثانيه للرجوع لحد ما لقيت من الشخص يعني متقدم لناس تانيه وعايش حياته من غيري عادي و والايام بتعدي وهو بامكانه ان هو بيكلمني بس هو ما بيكلمنيش بقى على ما اعتقد يعني لان التعامل بالطريقه دي بيوضح ان الشخص ده مش عايزني او مش مكتفي بيه الحقيقه ان انا ااا يعني ليه حق عند الشخص ده
انا فعلا العلاقه دي خلتني ماسكه المرايه 24 ساعه ببص على نفسي في المرايه معرفش ايه اللي انا وصلت له ده؟ ساعات ببص لنفسي واقول ان الشخص ده كان عنده حق ان هو فعلا يبعد وكده وهو اللي كسبان معرفش ليه بصراحه بقول حاجه زي دي ساعات.
لسه يا جماعه لحد دلوقتي الموضوع في دماغي مع ان المفروض الموضوع ده الانفصال كان تم في اخر السنه اللي فاتت لسه بفكر فيه بشكل متواصل مش عارفه ده مش حب اكيد ده كان اعجاب. معرفش ليه وصل معايا للدرجه دي مش عارفه اطلعه من دماغي. مش عارفه اتعايش كل يوم كل يوم حرفيا اليوم ما بيعديش غير لما افكر فيه كل شويه بقول خلاص انسي مش حياتك كل يوم لنفسي درس كل يوم اقعد اتكلم مع نفسي حرفيا انسيه هو مش عايزك هو عايش من غيرك حياته من غيرك مقضيها بقى متابعه عليه على الفيس وصوره. مش عارفه مش عارفه اطلعها مش عارفه اطلع ازاي والله
خطوة مهمة ان الانسان يتعلم اكثر عن العلاقات ويفهمها عشان يقدر يحكم على علاقاته وجنب ده يفهم نفسه واحتياجاته وليه هو بيكرر علاقات بتئذيه وتضره وهو عارف ده. ويقوي ثقته بنفسه ورضاه بيها على حالها ويسعى انه يطورها، ومش دايما الرفض عشان احنا شكلنا مش حلو او فينا عيوب. لكن ممكن مفيش توافق او الشخص الاخر بيتلاعب بينا. ونقطة مهما نتعلم منتعلقش بالدرجة الي بتئذينا
تم النشر الاثنين، ٢٣ يونيو ٢٠٢٥
السلام عليكم ورحمه الله وبركاته. سمعت لك تساؤلات كثير وقريت كل التساؤلات اللي انت كاتباها خليني كده يعني ابدأ باهم واحد فيهم ليه الشخص ده اختار ان هو يقرب مني وبعد كده يبعد بمزاجه كمان ما يدينيش اي اسباب وانا مبقاش فاهمه هو سابني ليه هو انا وحشه وابدا اتساءل بص لنفسي في المرايه الاشخاص دي بتكون قربت عشان هم ناس بيحبوا يعملوا كده بيحبوا يتلاعبوا بالاخرين شويه فهو حب ان هو يجي يتلاعب بيكي شويه فا يديكي بقى شويه شحنه لطيفه ويقول لك قد ايه انت جميله وانت حلوه وانت ذكيه وانت شاطره يعني حاجات كلها تكون حلوه قوي الحاجات دي تبدا تخليكي تحطي البني ادم ده. انه هو اللي عنده الحق في انه يقيمك ده هو اللي قال لي الكلام الحلو ده هو اللي شايفني حلوه ده هو اللي شايفني بشكل محدش ثاني شايفه فالجرعه اللي هو بيديها لك المكثفه قوي دي هي اللي بتخليكي بقى تبداي انت تعملي الغلطه اللي هي مخلياكي في الحاله اللي انت فيها دلوقتي مش عارفه تخرجي منها هو انك اديتي للشخص المرايه وخليتيه هو مرايتك هو اللي بقيتي تقفي قدامه عشان تشوفي انت ازاي حلوه بعد ما اديتي الشخص ده الاحقيه دي وحطيتيه في المكان دي وفي المركز ده خلاص هو يعني تملكك بشكل ما وبعد كده لما خد بعضه ومشي واخذ مع المرايه فانت ما بقيتيش قادره تشوفي نفسك ثاني حتى في المرايات العاديه وبعد كده انت مش عارفه تشوفي نفسك او لما بتبصي لنفسك بتشوفي نفسك بشكل مش حلو وبتحطي كل التساؤلات دي المكانة اللي انت اديتيها للشخص ده. بشكل اوفر هي اللي خلتك لحد دلوقتي ما عنديش مشكله خالص لما يرجع رغم انك عارفه ان هو شخص مش كويس وانه شخص مش هيكمل معاكي بترجعي له وبتبقي حاسه انك مش قادره تعملي غير كده ليه لانك محتاجه المرايه اللي تشوفي نفسك فيها بشكل حلو المرايه اللي بقت في ايده بس الموضوع في ايدك انت انك تقرري تكسري المرايه اللي في ايده. بس كده طب اعمل ده ازاي ابدا اشوف البني ادم ده على حقيقته هو شكله حلو اه بس هو فاضي من جوه. لسانه حلو اه بس شخص خداع لازم ابدا اشوف الشخص ده على صورته الحقيقيه وابقى فعلا كل مره بشوفه بشوفه بالصوره الحقيقه ما بشوفهوش بالجزء بس اللي هو بيوريني فيه المرايه اللي بتوريني نفسي حلوه لا انا مش هشوف ده ثاني وبعدين. ابدا انقل على المرحله الثانيه وهو اني ابدا فعلا اقيم نفسي بنفسي بشكل حقيقي طبقيم نفسي ازاي لازم يبقى عندي مرجعيتي الخاصه لازم ابقى بعرف فعلا امتى اقول على نفسي انا النهارده شكلي حلو فابدا احط لنفسي حاجات اقيم بها اللي هو انا لما بصحى شكل وشي رقيق انا بقول على نفسي النهارده انا حلوه لما بصحى عندي شويه ارهاق وباين تحت عيني هنا بقول على نفسي انا النهارده مش شكلي مش احسن حاجه فانا اديت لنفس الطريقه اللي هقدر اقول بيها امتى انا حلوه وامتى انا لا انا مش حلوه النهارده انا اللي بقدر اعمل ده بنفسي مش بستنى حد ولو حد قال لي النهارده ان شكلي حلو رغم اني تحت عيني مرهق اعرف انه هنا الشخص ده المرايه بتاعته مرايه مزيفه انا مش عايزه حد يقول لي حاجه مزيفه ممكن حد يقول لي رغم ان شكل عينيك مرهق بس انت شكلك كده كده حلو في كل الاحوال ده هصدقه ده شخص انا عارفه ان هو رغم انه ان هو شايف فعلا الحاله اللي انا فيها وبيعبر عنها ولكن هي برده بالنسبه له شكل حلو الموضوع يختلف تماما. يا رب تكون نورت لك الحته اللي ان شاء الله لما تبداي منها تقدري تتخلصي من الشخص ده تماما ويتحط في مكانه الحقيقي بدل المكان اللي هو ما يستاهلهاش اللي هو واخذها اللي حطاكي في وضع التعلق بيه اللي بالشكل ده.
تم النشر الاثنين، ٢٣ يونيو ٢٠٢٥
لا تراقبيه ابدا ركزى ع حياتك اتعلمى حاجات جديدة اشغلى نفسك كل ماتفكرى فيه ابعد التفكير دا وفكرى فى حاجة تانية وحبى نفسك اشترى هدايا ليكي اتعلمى لغات وخدى شهادة واشتغلى وحققي ذاتك و هذا الشخص مش اخر شخص فى الكوكب هااا فى ناس كويسة كتير وانتى تستحقي الافضل وقولى لنفسك انا استحق الافضل كل ما تفكري فيه وربنا يوفقك فى حياتك ويعوضك ربنا بالشخص المناسب والافضل 💌
تم النشر الاثنين، ٢٣ يونيو ٢٠٢٥
وعليكم السلام ورحمة الله يا أختي الغالية، شكرًا لأنك شاركتيني مشاعرك وقصتك بكل صدق، وأنا هنا معك بكل حب ودعم. أولًا، أريد أقول لكِ: ما تمرّين به ليس سهلاً، ولن أقف عند كلمة "انفصال" فقط، لأن قلبك وعقلك ما زالا مربوطين بشخص كانت له مكانة كبيرة عندك. دعيني أساعدك بأفكار عملية لتنظيف قلبك وعقلك وتحرير نفسك من هذا الذي يقلقك: التفريق بين الإعجاب والحب الحقيقي مما قلتي، يبدو أن علاقتك كانت مبنية على إعجاب بالمظهر والكاريزما فقط، وهذا ليس حبًا عميقًا بل إعجاب سطحي. هذا مهم تعرفيه لأن هذا النوع من الإعجاب يمر ويزول مع الوقت، أما الحب الحقيقي فهو اعتماد على روح وشخصية وأفعال. تقبلي الحقيقة بحنان الشخص الذي كان يتلاعب بمشاعرك وتركك وراح لحياته بدون ما يحترمك أو يعترف بقيمتك، هو يختار لنفسه طريق لم يعد فيه مكان لكِ. وهذا ليس لأنه نقص فيكِ، بل بسبب قراراته واختياراته. كوني قوية واعرفي أنه لا تستحقين إلا شخصًا يقدركِ ويحترمكِ. الابتعاد والقطع التام وسيلة للشفاء متابعة حسابه على فيسبوك أو التفكير فيه دائمًا يجعل الألم مستمرًا. من الأفضل أن تحجبي حسابه أو توقفي متابعة أخباره تمامًا، حتى تُغلقي الباب على تلك الذكريات وتأخذي فرصة تعيدين ترتيب حياتك. اهتمي بنفسك وبذاتك أنتِ الآن أمام فرصة ذهبية لتعيدي اكتشاف نفسك، تفكري في أهدافك، هواياتك، أحلامك الصغيرة والكبيرة. وهذا هو الوقت الأفضل لتكريسك للطموحات التي كانت مؤجلة. كل يوم قولّي لنفسك: أنا أستحق الأفضل جرّبي تكرار هذا التعبير بكل صدق، حتى لو بدا لكِ صعبًا في البداية. هذه الجملة تعزز من قيمتك الذاتية وتضعك في طريق النهوض. الخروج والتواصل مع بيئة إيجابية أحيطي نفسك بأناس يدعمونك ويساندونك، وحاولي الاشتراك في أنشطة جديدة تحبّيها حتى تغمري نفسك في حياة مختلفة. نصيحة روحية من القلب تذكري أن الله رحيم حليم، وأن كل تجربة تمر بها هي امتحان وبلاء ليختبر صبرك وإيمانك. استعيني بقراءة القرآن، دعاء، وتوكلي على الله، فهو القادر على أن يبدل حزنك فرحًا ويعطيك الخير في ما هو قادم. إن كانت هذه المشاعر ما زالت تثقل عليكِ، ولا تستطيعين السيطرة عليها، أنصحك بأن تستشيري أحد خبراء الاستشارات النفسية في فدني — حيث يمكنك إيجاد متخصصين يساعدونك بخطوات عملية عن قرب. يمكنك زيارة صفحة الخبراء هنا: https://www.fedni.net/experts وأيضًا أذكركِ أن تبحثي في فدني عن تجارب وأسئلة أخرى مشابهة، قد تجدين منها ما يريحك ويقرب لكِ الحل. أنا هنا دائمًا لدعمكِ وإن أحببتِ، يمكنك مشاركتي أي شيء تشعرين به. تذكري أنتِ ليست مجرد قصة ماضية، بل أنت حياة جديدة تستحقينها بكل ألوانها الجميلة. 🌷 دمتِ بخير وقوة يا عزيزتي، ذكية.
تم النشر الأحد، ٢٢ يونيو ٢٠٢٥
اتمني. والله خير ان شاء الله
تم النشر الاثنين، ٢٣ يونيو ٢٠٢٥
ربنا يصلح حالك لسه النصيب مجاش
تم النشر الخميس، ٢٦ يونيو ٢٠٢٥
لما ربنا يكرمك بحد ثاني هتنسي كل اللي حصل معاك والتفكير بسبب الوحده لو حاولت تشغلي نفسك باي حاجه ثانيه مش هتفكري فيه
تم النشر الاثنين، ٢٣ يونيو ٢٠٢٥
لعرض السؤال في فدني اضغط هنا