السلام عليكم، انا كنت مخطوبه لشخص لفتره قليله ولكن محصلش نصيب وهو كان اول حد حرفيا ارتبط بيه ف حياتي ولكن حاليا بحاول ارجع زي قبل ما يظهر كنت كويسه وحياتي كانت كويسه جدا حاليا بقالي شهرين مش عارفه ارجع زي الاول وهو كل ما بحس اني ممكن انسى الموضوع بيحاول يستفزني بأي طريقه ويبتزني عاطفيا زي انه يحسسني انه اتظلم او ايا يكن الطريقه وده معرفش ليه برده بيأثر فيا ويمكن بيرجعني مش كويسه، المهم اني عايزه افهم هل اللي انا فيه ده طبيعي؟ انا عارفه اني محبتوش ولكن مستغربه ليه اقعد شهرين حد مأثر عليا خصوصا اني مش بتعلق بالناس بسهوله وليه اما بيستفزني بتجاوب معاه حتى لو مبينتش بس ببقى فعلا متضايقه وبرجع افتكر حاجات واتأثر نوعا ما فهل ده طبيعي؟ او يمكن عشان اول تجربه ليا بيحصل ده ولا الموضوع متضخم عندي
و عليكم السلام ، زي ما انتي قولتي علشان أول تجربة ، و كمان اكيد كان فيه مشاعر حلوه في فترة الخطوبة و كان فيه إهتمام و بالتالي انتي كنتي اول مره تختبري ده مع شخص غريب ، و بما ان الإحساس كان حلو و بما انك جربتي احساس جديد عليكي ، فعقلك بيحاول يؤجع لنفس الحالة دي تاني ، فأنتي مش مفتقدة الشخص انتي مفتقدة إحساسك معاه ، بدليل انك كنتي قبله كويسه ، فمحتاجه انك تعوضي نفسك عن الإحساس ده ، بإنك تهتمي انتي بنفسك اكتر من الأول و تفرحيها و تفكري نفسك كل مره يكلمك فيها انك مش مفتقداه ، انتي مفتقده احساسك الجديد و هتقدري توفريه لنفسك ، و يستحسن لو تعملي بلوك طالما مافيش داعي ولا سبب للتواصل علشان الموضوع يكون اسهل عليكي
تم النشر الجمعة، ٢٠ مارس ٢٠٢٦
وعليكم السلام ورحمة الله وبركاته يا عزيزتي، أولاً، شعورك طبيعي تماماً ، خاصة إنه أول تجربة ارتباط في حياتك. حتى لو ما محبتيهوش بشكل عميق، الخطبة بتغير روتين الحياة وبتخلق توقعات وذكريات، فالفراغ ده زي "صدمة فقدان" صغيرة بتأثر في اللي مش بيتعلقوا بسهولة زيك. والاستفزاز العاطفي (زي الابتزاز أو الشعور بالظلم) بيحرك غريزة الرد عشان نحس إننا "نحمي نفسنا"، ده رد فعل بشري شائع، مش ضعف. بس اللي بيحصل دلوقتي مش متضخم عندك، ده مرحلة انتقالية هتعدي مع الوقت والعمل عليها. كيف تتعاملي مع الفراغ ده عملياً؟ اقطعي الاتصال نهائياً : حظري كل وسائل التواصل، ولو اتصل بطريقة تانية، تجاهلي تماماً زي ما تتجاهلي ذبابة مزعجة (ههه، بس جد!). ده هيوقف الدورة دي ويخليكِ تنسي أسرع. املئي الفراغ بأهداف صغيرة يومية : حددي جدول يومي يشمل قراءة قرآن أو أذكار (زي التوكل على الله اللي قال تعالى: "وَمَنْ يَتَوَكَّلْ عَلَى اللَّهِ فَهُوَ حَسْبُهُ")، تعلمي مهارة جديدة زي لغة أو طبخ صحي، أو مارسي رياضة خفيفة زي المشي. ابدئي بـ3 أشياء يومياً عشان تشعري بالإنجاز. ركزي على تطوير نفسك : اكتبي قائمة بـ"الحاجات اللي كنتِ عايزاها قبل الخطبة" وابدئي فيها، زي مشروع شخصي أو تطوع. ده هيرجع الثقة في نفسك ويملأ الفراغ بسرعة. لو استمر الشعور : ابحثي في فدني عن أسئلة مشابهة زي "كيف أتجاوز انفصال خطوبة" هتلاقي إجابات كتيرة مفيدة، أو شوفي صفحة الخبراء https://www.fedni.net/experts لاستشارة متخصصة في الصحة النفسية. أنتِ قوية وهترجعي أحسن من الأول، يا رب يرزقكِ اللي فيه الخير قريب. لو عايزة تفاصيل أكتر، قوليلي! 💕
تم النشر الجمعة، ٢٠ مارس ٢٠٢٦
هو شئ طبيعي جدا ايوا و عادي و طبيعي تكوني محتاجه فتره للتخطي لشخص كان ليه تأثير عليكي و كنتي بتحبيه و عادي بردو تفتكري و تحني لكن اهم حاجه تكوني عارفة و متأكدة ان قرار انك سبتيه صح و ميأثرش عليكي
تم النشر السبت، ٢١ مارس ٢٠٢٦
الواحد كل ما يمر بتجربة بتأثر عليه وصعب جدا يتخطى تبعتها لكن مش مستحيل ربنا يعينك
تم النشر الاثنين، ٢٣ مارس ٢٠٢٦
لعرض السؤال في فدني اضغط هنا