انا انسان تقريبا ميت من سنين .... حياتى منقسمة قسمين فترة الطفولة والمراهقة ...و فترة الشباب ...انا كنت انسان عادى جدا مجتهد فى دراسته وعنده اصدقاء وبيتعامل فى الحياة بطريقة طبيعية ...
مع بداية تانية ثانوى بدات احس بالتوتر والقلق وكنت فى الفترة دى بمارس العادة السرية بشراسة ... بدات احس بتوتر وقلق شديد لدرجة انى ساعات مكنتش بعرف اقعد على بعضى من كتر القلق ... كنت مش مركز خالص وتايه مش عارف انا عاوز ايه ... وبدا يظهر عندى وسواس قهرى فى العقيدة ... كنت بتهرب من الدروس لانى بحس فيها انى مش مركز وانى مخنوق ومتضايق ... بدات اهرب من كل حاجة فى الدنيا بانى انام كتير عشان انسى او اروح السايبر افل على النت طول الليل ... انتهت التجربة دى باول صدمة ليا فى حياتى وهو الفشل التام فى الدراسة ... النتيجة كانت 50 فى المية .. ومنجحتش فى الكيمياء كمان ... الصدمة اكنت كبيرة لاهلى وللناس والاساتذة الى كانوا بيعقدوا عليا امال كبيرة ....
الصدمة دى اثرت عليا لدرجة انى لسه فاكرها كانها امبارح رغم ان مر عليها اكتر من 14 سنة ... استمر الوسواس والتوتر والقلق والشعور بالضياع واحيانا الخوف الى مش عارف له سبب ... حاولت كتير اقرب من ناس واحكى لهم لانى مش عارف ايه الى بيحصلى اصلا ... اكتر ردود فعل للناس كانت السخرية والاستهزاء ... دايما كنت بفكر هو ايه الى بيحصلى دا ... هو انا فعلا صاحى ولا بحلم ....
مرت الايام ودخلت كلية حقوق ومكنتش بعرف اذاكر خالص بسبب الوسواس الشديد الى بيزيد ايام الامتحانات ... فكنت بجيب جيد لانى بذاكر قبل الامتحان بيوم بصعوبة شديدة جدا ... خلصت كلية الحقوق فكرت انى اعوض الفشل الى فاتنى بانى اكمل دراسة دخلت امتحان الماجستير مرات كتير كانت دايما بتنتهى بالفشل الذريع لانى مش بعرف اذاكر خالص وكنت دايما بهرب من الواقع دا بانى ادخل المواقع الاباحية او اهلك نفسى بالعادة السرية وانام بس ... كتير مكنتش بروح الامتحانات لانى كنت بكون متوتر جدا وخايف وكتير لانى مكنتش مذاكر حاجة اصلا ....
اتجهت للطب النفسى تعرف على د شيرين احمد خليل استاذ الطب النفسى فى جامعة عين شمس ... اول انسانة قدرت تدينى تفسير منطقى للى بيحصل فى حياتى وبدات اخد دوا اسمه فافرين اتحسنت شوية واتفقت معاها انى هتحدى كل الظروف وهدخل تانى امتحان الماجستير للاسف كنت بفشل بردو لانى مش سليم تماما واحيانا لانى بكون متوتر جدا قبل الامتحانات ومش عارف اذاكر وساعات لمجرد الهروب ...
فاتت السنين كتير وانا بحاول اخد الماجستير ... اخدت دبلومة واحدة فى العلوم الادراية ... حسيت ان عمرى جرى اوى ولسه مش بشتغل ولا كونت نفسى ...
بدات اشتغل امن لانها كانت متوفرة كنت بشتغل عدد ساعات كتير ومكنش فى اجازات فكان الموضوع ممل جدا ومكنش فى ناس بفدر اتعامل معاهم لان اكتر الناس مش متعلمة ... قررت اسيب الشغل لانه مش مناسب ليا ... وحاولت بعدها اشتغل امن تانى ففشلت اكتر من مرة ... حاولت ادرب مع ماحمى قلت دى المفروض شغلتى وهتعامل مع ناس تعليمها زيى وهيفهمونى بردو فشلت ... المحامى كان بيعتنى مشاوير بعيدة جدا وانا مش عارف الطريق اصلا ومش فاهم حاجة وكنت بتبهدل من موظف لموظف ودا يبعتنى لدا ودا لدا وانا مش فاهم حاجة وكنت بمشى اسأل المحامين ... مع الوقت حسيت انى مش بستفيد حاجة وبصرف من جيبى ... جربت محامى تانى كان عصبى وعاوز كل حاجة بالظبط وانا لسه مش فاهم وكل ما اغلط غلطة يزعق لى وسط زمايلى بدات احس بالتوتر والقلق واكره الشغل معاه ... جربت مع محامى غيره كان بيطلب منى اقابل الناس واكدب عليهم وبردو كان عصبى جدا وبيهينى ادام الناس ومكنتش بتعلم حاجة غير انه بيستغلنى بس وبدفع فلوس من جيبى ... فصرفت نظر ...
للحظة دى انا عندى 32 سنة ونص .. حصاد حياتى هو انى تايه تماما ومش لاقى نفسى ... حاسس انى واحد تانى معرفوش ... مهزوز مش واثق فى نفسى ... فشلت فى كل حاجة تقريبا ... كان نفسى اعمل دكتوراة واكون متخصص وفشلت ... الشغل فشلت فيه لانه دايما بيكون مش مناسب ليا وبشتغل شغلانات بتبهدل فيها وبتعامل مع ناس مش نفسى تعليمى ... مش عارف اتجوز ... اصلا مش عارف اعيش ... وحاسس ان عمرى بيضيع وبس وكان انا عمرى وقف عند 18 سنة وبس .... بكتب الكلام دا وانا محطم تماما معنديش امل فى اى حاجة ... وزنى زاد جدا بسبب الدوا الى باخده ... مش عارف اخس لانى لازم ابطل الدوا ولما ببطله حالتى بتسوء .. حتى دى كمان فشلت فيها ....
لو ينفع حد متخصص يدينى وسيلة تواصل معاه هيكون ساعد انسان مات من زمان انه يحس بوجوده فى الحياة
بالنسبة لموضوع العادة السرية فالأهم من الدواء هو أن يكون جواك وازع ديني يخليك تبطل العادة دي .. وقناعة أن ربنا ما حرمش علينا حاجة غير لحكمة والحكمة الواضحة هنا هي أن إفراغ الشهوة في غير محلها سيضعف لد...
ازيك يا محمد، بتمنى ليك الشفاء العاجل بإذن الله. أول شيء يا محمد، مينفعش ابدا تقرر من نفسك تقطع الدواء، وترجعله تاني، أو حتى تلعب في الجرعة، لازم قبل ما تأخذ أي قرار بشأن موضوع الدواء ترجع للدكتور الم...
ازيك ي محمد، بتمنى تكون أحسن دلوقتي. الماضي دايما بيبقى فيه حاجات مؤلمة وصعب تخطيهالكن مش مستحيله بإذن الله، مُلفت ف كلامك إنك مش بتيأس وعندك اصرار وشايف أمل في بكره إنك تتحسن. - من رأيي محتاجين نبدأ ...
انصحك بكتاب رجولة قلب وكتاب بوصلة الطريق وعلى بصيرة لشهاب الدين الهواري اقرأ كلامك دا كذا مرة وطلع اكتر النقط الى ذكرتها مسببة ضغط عليك (الفشل . العادة السرية والاباحية ...الخ) الاباحية بالفعل بتدمر خ...
صباحك فل ياولد 🥰 بص هما كلمتين يابني ملهمشي تالت ومش هرغي كتير ، محدش خالي ولا حد سليم ، كلنا فينا أمراض الدنيا ، إنما مش كل واحد شجاع زيك كده علشان يعبر ويفضفض. ده معناه انك قوي جدا والاعتراف هو بدا...
مساء الخير انا عارفه انك بتدور على اجابة فى الاغلب وبناءا على التفاصيل اللى قولتها ...اللى حاصل معاك ده بسبب ١. بعد عن الدين وسيطرة للشهوة ٢. حياتك لسه واقفه عند صدمة ( مجموع ٥٠%) ده سبب التوهان لحد د...
مساء الخير شكرا ليك انك قادر تعبر عن كل دا وعندك الشجاعه انك تحكي معاناتك
ادعي وصلي قول يارب انا عوضني وفرحني ووسهل طريق نجاح وافتحلي باب رزق وارشدني قووم واشتغل حط حاجه في دماغك أن للي بيعوز حاجه بيعملوا خلي عندك إصرار علي انك تبداء من تاني وتعمل شخص ناجح اكتر ما انت كنت بتحلم زمان ادعي لربنا أن يكمل هو لي متقدرش عليه ربنا حنين وبيدي قوه لي بيطلب مساعده خالق مش مساعده مخلوق لسه بدري علي كلام ياس ٣٢ انت مش عمرك ٥٠ عشان تقول سني كبرر ومفيش امل ولا فرصه بنجاح
الفشل هو عنوانك لنفسك هو الي انتا بتقوله لنفسك كل يوم انا فاشل من تجارب سابقه اديتك خبره مشوه انتا بتهيء نفسك في كل مرة انك تفشل اتحرر من الي انتا قولته ده كله اعمل هدنه مع روحك انتا في اختبار من ربنا وتجربه في حد ذاتها نجاح عارف ليه عشان بتعافر ف كل ده لحد انهارده مش استسلمت وعايز جواب
انتا محور حياتك موقفه علي اللي في عقلك لكن الواقع عكس كل ده ليه علشان كل الي بتقوله في الماض انتا بس مش اتحررت منه لكن الحاضر انت قدامك فيه الف فرصه نجاح وبحد عنده خبرات وتخبطات كتير وانتا مفيش حاجه فتتك لسه العمر قدامك
بس انتا الي بي ايديك تخلي كل ده هي مسيرة حياتك وعائق أو انك تقوم تشوف الحلو في الدنيا من فرصه شغل بي خبراتك في مجالك عاليه جدا وتتعبد وتقرب من ربنا قبل كل شيء وتتابع مع دكتور وتنسي الماضي وهتلاقي الحب والحياه الي بتتمناها بس ارسم شكل لي الحياه دي والسعادة مش ترسم في خيالك اي صوره لي الخساره
مترضيش الناس ارضي نفسك المشكله مش في الناس ونظرتهم ليك المشكله في نظرتك لنفسك دايما قدر مجهودك زاي مشوفت خسارتك وفشلك شوف معافرتك وانك مش استسلمت لكن ده اختيار انت الي مختار تشوف خسارتك وبس وانجح عشان نفسك مش عشان حد اولا وبعدين خليهم يشوفوك انك وصلت يشوف وانتا ناجح وانت الي مقوم نفسك مش تستناه
انزل الجيم وصاحب ناس جديده
نصيحه اهم من اي حاجه انك تكون راضي بكل الحصل والبيحصل والي هيحصل تكون راضي من جواك وصابر وعارف أن ربنا هيعوضك تاني حاجه ممكن تنزل جيم وتتابع مع دكتور كويس وتحاول تطور من نفسك واول طريق للنجاح هو الفشل
انزل جيم افضل حل
لعرض السؤال في فدني اضغط هنا