السلام عليكم ورحمة الله وبركاته
ممكن حد يساعدني ازاى ألم العضويه ف كيمياء تالته ثانوى معايا امتحان بعد كام يوم وانا مش بحبها وعملاالى مشكله كبيره....
السلام عليكم، انتم دلوقتي ما شاء الله الانترنت بقى عليه كل الدروس وكل المعلومات اللي محتاجاها أونلاين فأنتِ ممكن تشوفي حد أنتِ بتفهمي منه وتسمعي الدروس كنوع من المراجعة. ممكن تسرعي الشرح لو الوقت قصير أو تركزي على الدروس اللي مثلا حاسة إنك ناسياها أو صعبة بالنسبة لك. أو إذا المدرسين عاملين فيديوهات مراجعة ممكن تشوفيها. ** كل درس تراجعيه مع شرح المدرس قومي ارتاحي 10 دقائق، اعملي تمارين استرخاء مثلا أو تنفس عميق وريحي ذهنك تمامًا وبعدين ارجعي اقرأي الدرس بنفسك أو الملاحظات اللي انت سجلتيها ولو فيه نقطة حاسة إنها لسه مش مفهومة بالنسبة لك ارجعي اسمعي شرحها أو ابحثي عن شرح أبسط لها باستخدام شات GPT مثلًا. ممكن تطلبي منه يكتب لك شرح مبسط للجزئية. ** بعد كده الدرس اللي راجعتيه مرتين، هاتي أسئلة امتحانات السنين اللي فاتت اللي جت عليه وحليها في كشكول تكوني مخصصاه للحل ده كأنك بتحلي في ورقة امتحان وفي أجواء لجنة امتحان. **** المهم قبل كل ده تستعيني بالله ومتقصريش في صلاتك وتحاولي تهدي أعصابك ومتفكريش في الامتحان نفسه، فكري إنك بتكتسبي معلومات وبتتعلمي حاجة جديدة عشان تبعدي عن القلق خالص. بالتوفيق إن شاء الله.
تم النشر الخميس، ٢٦ يونيو ٢٠٢٥
السلام عليكم ورحمه الله وبركاته. السلام عليكم ورحمه الله وبركاته سيرش كده بسيط على يوتيوب بكلمه مراجعه كيمياء العضويه هتلاقي طلع عندك نتائج كثير قوي مدرسين كثير جزاهم الله خيرا عاملين مراجعه كامله بتوصل لأربع ساعات أو خمس ساعات يعني ربنا يبارك في مجهودهم تقدر تستفيد من الفيديوهات دي انا جبت لك يعني لينك كده ليه واحد من الفيديوهات دي اللي انا شخصيا شفت ان هو بيشرح بطريقه هادئه ونجمع كل جزء ملخصه بشكل بسيط انت تقدر بقى تعمل نفس السيرش وتشوف مين انسب حد شايف ان طريقته هتفهمك افضل لانه كل واحد له نظره مختلفه وخلاص امسك الفيديو ده وما تشوفش فيديو غيره امسك الفيديو واسمع كل جزء وحل انت عليه بنفسك وبعد كده انقل الجزء الثاني لحد ما نخلص كام يوم قبل الامتحان وإن شاء الله بالتوفيق. https://youtu.be/o1IeQtVxgUw?si=PpN3f58CH0A8uWCf
تم النشر الجمعة، ٢٧ يونيو ٢٠٢٥
وعليكم السلام ورحمة الله وبركاته أختي العزيزة، أفهم تمامًا شعورك تجاه مادة الكيمياء وخاصة مع اقتراب الامتحان، وهذا شعور شائع عند كثير من الطلاب. لكن لا تقلقي، ممكن تتحسني وتكسبي حب المادة تدريجيًا مع بعض الخطوات العملية التي تساعدك تتعاملي مع المادة بشكل أفضل وتنجحي في الامتحان بإذن الله. إليك بعض النصائح التي ممكن تساعدك: قسمي المادة لأجزاء صغيرة لا تحاولي دراسة كل شيء مرة واحدة، ممكن تقسمي المنهج لأجزاء صغيرة وتدرسي كل جزء على حدة بشكل يومي. هذا يخليك أقل إرهاقًا وأكثر تركيزًا. حددي أهم النقاط اطلعي على أسئلة الامتحانات السابقة أو المراجعات النهائية (يمكن تجديها أونلاين أو في كتب المراجعة) وحددي أهم النقاط والكلمات المفتاحية. ركزي عليها وعلي فهمها بدل حفظ كل التفاصيل. استخدمي مصادر مبسطة الكيمياء ممكن تكون محيرة أحيانًا، فحاولي تبحثي عن فيديوهات تعليمية مبسطة على الإنترنت، أو حتّى تطبيقات تعليمية تساعدك تفهم المفاهيم بشكل أبسط. راجعي مع زميل أو من خلال مجموعات دراسية إذا كان متاح، ممكن تطلبي من صديقة تكون قوية في الكيمياء تساعدك أو تراجعي معاها مع بعض. أحيانًا الشرح من أحد الزملاء يكون أبسط وأسهل. راجعي الأخطاء وتعلمي منها كل ما تدرسي، سجلي إذا كان في نقاط صعبة أو أخطاء بتعتمي عليها، وارجعي تراجعيها كويس قبل الامتحان. لا تهملي الجانب النفسي حاولي تتحفظي نفسيا وتتوكلي على الله، وأكدي لنفسك أنك قادرة على تحقيق النجاح رغم صعوبة الماده أو عدم حبك لها. وأخيرًا، إذا حسيتِ أن المشكلة كبيرة جدًا، ممكن تستشيري خبراء تعليميين متخصصين أو مدربين لمساعدتك في وضع خطة دراسية مناسبة. ويمكنك دائمًا البحث عن أسئلة مشابهة في فدني أو التواصل مع خبراء الكيمياء عبر صفحتهم على موقع فدني للاستفادة من تجربتهم. أنا هنا معكِ دائمًا، وإذا تحبي أساعدك بخطة دراسية مفصلة أو نصائح أكثر، بس قولي لي! ربنا يوفقك وييسر أمورك. 😊🌷 ذكية
تم النشر الخميس، ٢٦ يونيو ٢٠٢٥
حاضر + شكرا لحضرتك
تم النشر الجمعة، ٢٧ يونيو ٢٠٢٥
قسميها على عدد الأيام وحطي مكافآت
تم النشر الجمعة، ٢٧ يونيو ٢٠٢٥
افتح اليوتيوب واسمع الشرح وحيفيدك أن شاء الله
تم النشر الثلاثاء، ١ يوليو ٢٠٢٥
عفوا
تم النشر السبت، ٢٨ يونيو ٢٠٢٥
لعرض السؤال في فدني اضغط هنا