عندى مشكلة انى مبعرفش اتعامل مع الناس لانى اتخذلت كتير فحياتى فبقيت بسوء الظن فاى حد ومش عارفة اغير الفكرة دى وحتى الناس اللى بثق فيهم برجع اتخذل منهم وبقيت بحب دايما اقعد لوحدى ولو قربت من حد او صاحبت حد بحكيله كل اللى بيحصل معايا بالتفصيل فدا بيخلى الناس تزهق منى ومش عارفة احل المشكلة دى
طيب هو اولا مينفعش نثق في حد بالصورة الكاملة ديه من اول مرة .. الثقة بتبني، يعني ايه بتبني؟ يعني بتتكون وبتكبر مع المواقف مع الشخص ده. ومينفعش برضه اول ما نشوف شخص نحكي له كل شئ عن حياتنا .. ده غلط جدا غلط علشان انتي متعرفيش الشخص ده اصلا، ومينفعش اصلا نحكي كل حاجه كده لاي شخص. وطبيعي ان الشخص اللي قدامنا يحس بالقلق او حتى يزهق .. تخيلي كده ان مثلا حد قعد يحكي ليكي كل حاجه في اول مقابلة .. طيب تاني مقابلة هتحكوا اساسا في ايه؟ بالراحة في العلاقات .. محدش بيجري ورانا .. والخذلان ده بيبقى السبب الاكبر فيه هو احنا الحقيقة .. لان احنا اللي ادينا الثقة للاشخاص ديه من الاول! ف علشان كده محتاجة انك تنظمي علاقاتك مع الناس بشكل افضل.
تم النشر الأحد، ٢٣ يوليو ٢٠٢٣
ما تحكيش حاجات وحشة حصلتلك لحد لان ده بيحفز عندهم رغبك يعملوه.. الناس مش بتنسى الوحش و غصب عنهم هيكرروا معاكي نفس غلطات الاخرين فأول حاجة بطلي تحكي الخذلان اللي حصلك لحد انتي لسة هتبدأي معاه علاقة صداقة او معرفة جديدة.. تاني حاجة ما تعلقيش امالك ولا كل سعادتك على الاشخاص حاولي تتبسطي بوجودهم و ما تتهزيش من عدم وجودهم.. اتبسطي لووحدك
تم النشر الأحد، ٢٣ يوليو ٢٠٢٣
دس مش مشكلة ،، خليكي زي مانت ،، بس ممكن تشتغلي على حتة الثقة بس مش أكتر
تم النشر الأحد، ٢٣ يوليو ٢٠٢٣
لعرض السؤال في فدني اضغط هنا