اولا السلام عليكم ورحمه الله وبركاته الخطوة اللي إنتي بتخطها دلوقتي جميلة جدًا، وربنا يثبتك ويقويك. لو عايز تبعد عن المعاصي وتلتزم بطريق ربنا، جرب الطريقة دي، وإن شاء الله هتلاقي فرق كبير: كل مرة الشيطان يوسوس لك تعمل ذنب، خدها فرصة تقرب أكتر من ربنا: 1. المرّة الأولى: الشيطان يوسوس لك بالكذب أو أي ذنب؟ ➤ قل: "أعوذ بالله من الشيطان الرجيم"، واستغفر. 👉 كده مش بس ما عملتش الذنب، كمان أخدتي حسنات. 2. المرّة الثانية: الشيطان وسوس لك تاني؟ ➤ استغفر أكتر من المرة الأولى. كأنك بتقول له: "كل ما تيجي، أنا هقرب من ربنا أكتر." 3. المرّة الثالثة: ➤ صلي ركعتين توبة، واستغفر. 🙏 خلي وسوسته سبب إنك تزود الطاعات. 4. المرّة الرابعة: ➤ اتصدق بشيء بسيط، وصلي واستغفر. 💧 كل وسوسة هتكون فرصة لعمل خير جديد. 5. المرّة الخامسة: ➤ استغفر، وصلي، واتصدق، واقرأ ولو آية من القرآن. 6. المرّة السادسة: ➤ كل الحاجات دي، وزوّد أذكار الصباح والمساء، وسبّح كتير. 🌿 خليه يندم إنه وسوس لك من الأساس. --- 🧕 وأختم بنصيحة من أخت: التزم ثم التزم ثم التزم بالصلاة. هي عماد الدين، من أقامها أقام الدين، ومن هدمها هدم الدين. ➤ حافظ على أذكار الصباح والمساء. ➤ اقرأ قرآن كل يوم. ➤ وسبّح، لأن ذكر الله يزيد حياتنا بركة. ❣️ تعلم أن: > "من قال سبحان الله وبحمده 100 مرة، حُطت خطاياه ولو كانت مثل زبد البحر" يعني لو قلتها يوم واحد، كأنك لسه مولودة من جديد... سيئاتك كلها تمسحت، وحسناتك محفوظة. فاذكر الله، واذكر نبيك ﷺ، وابدأ بداية جديدة. ربنا معاك، وربنا هيبدلك كل لحظة ضعف بلحظة قوة وثبات. ملحوظه مهمه انا هنا مش بحدد لك عدد المرات اللي الشيطان هيوسوس لك فيها ولكن انا بعطي لك مثال يعني ممكن اكثر ممكن اقل لان الشيطان عايز يوقعك وهو عارف ان البني ادم بطبعه ضعيف فهيفضل يوسوس مره واثنين وثلاثه علشان يقدر يرجعك لطريق المعاصي وكمان يدخلك في طريق معاصي اكبر من اللي كنت بتعملها وكمان عايزه اقول لك حاجه بس ينفعك وواظب على صلاه قيام الليل قيام الليل بيبدا من الساعه 12:30 بالليل لحد اذان الفجر اول ما يبتدي قران الفجر وخلاص كمان الوقت ده كله معاك تصلي فيه قيام الليل هتصلي ركعتين بس وركعه وتر هتصلي اكثر من كده بس هتصليها ركعتين ركعتين ركعتين على حسب قدرتك وكمان حابه اقول لك معلومه من اخت ان ربنا عز وجل بينزل للسماء الدنيا ويقول هل من داع لاستجيب له هل من تائب لاغفر له حرفيا حاجه عظيمه ان ربنا هو اللي نازل السما الدنيا علشان يغفر لنا ويسامحنا ويستجيب دعاءنا صلي قيام الليل وادعي ربنا يثبتك ويثبتني ويثبت المسلمين اجمعين والمسلمات اجمعين هذا كل ما اردت قوله لاجابتك على سؤالك، مشوارك سيكون صعب ولكن ليس مستحيل قوي ايمانك اكثر فاكثر قال رسول الله ﷺ عن رب العزة: "من تقرَّب إليَّ شبرًا، تقرَّبتُ إليه ذراعًا، ومن تقرَّب إليَّ ذراعًا، تقرَّبتُ إليه باعًا، وإذا أقبل إليَّ يمشي، أقبلتُ إليه أهرول." 📚 [رواه البخاري ومسلم] والسلام عليكم ورحمة الله وبركاته.
لعرض الإجابة في فدني اضغط هنا