ممكن مساعده انا داخلة تانية ثانوي ومحتارة مش عارفه ادخل ادبي ولا علمي اهلي بيقولولي ادخلي علمي علشان اسهل وكمان خالتي كانت داخلة ادبي وقالتلي ادخلي علمي عملي احسن وانا معنديش كلية معينة عاوزة ادخلها بس بفكر ادخل ادبي بس خايفة وفي نفس الوقت خايفة من علمي فبليز لو حد كان دخل ادبي أو علمي يقولي تجربته وينصحني بإيه
السلام عليكم ورحمه الله وبركاته. لما قريت تعليقاتك على احد الاجابات عرفتي انت ليه محتاره انت بتقيمي الموضوع بتجارب مختلفه عن مدار حياتي الموضوع ما بيتقاسش كده كل اللي انت محتاجه تعمليه ان انت تشوفي بس حاليا بنسبه تركيزك الحاليه والجهدك الحالي ايه اكثر ماده انت تقدري انك تذاكريها بسهوله اكتر من الباقيين مش هنقول ان هي دي كده اصلا اسهل ومفيش حكم عام وما ينفعش هنا ان احنا نقيس تجاربنا قصاد بعض لانه انا ممكن اقول لك ان العلمي أحسن بكتير عشان انا بحب المواد العلميه لكن بالنسبه لك انت الموضوع ما ينفعش ينطبق بالشكل ده لانك ما عندكيش نفس الحب للمواد العلمي بالشكل ده مش زيي وما نقدرش نقيسها بالشكل ده خالص خلينا نقول ان انت بالحاجات اللي انت وصفتيها عن نفسك العلمي بالنسبه لك متاح وما فيهوش مشكله لكن هتبقي متاكده ما بينك وما بين نفسك انك هتجتهدي في مسأله حل المسائل وحفظ القوانين ومش هتقصري فيهم عشان تقدري الموضوع يجيب إن شاء الله نتيجه معاكي كويسه لو انت مش هتجتهدي بالشكل ده والحفظ بالنسبه لك اللي هو الحفظ صم أسهل يبقى ادبي يعني لو حسيت انك في احتمال انك تقصري فانك يعني تلمي الحاجات اللي تتحفظ اسهل من انك تلمي الحاجات اللي محتاجه تتفهم ويبقى في عليها ممارسه بالحل فكري كويس قوي وشوفي انت مستعده لايه وتوكلي على الله.
تم النشر السبت، ١٩ يوليو ٢٠٢٥
مساء الخير يا عسوله بصى اول حاجه كده وقبل اى حاجه انا مخلصه تالته ثانوى والحمد لله وان شاءالله ربنا يقدرني واساعدك. خلينا متفقين انه مفيش حاجه سهله وطبعا مش قصدي هنا اعقدك خالص بس منقدرش نقارن نقول علمى اصعب او ادبى اصعب عشان اللى دخل ده قال عليها صعبه واالى دخل ده قال عليها صعبه اوك. .. انا كنت علمى وف تالته بالتحديد علمى علوم انتى ممكن تقولي اى ده فيزياء وكيمياء صعبين ما برضو ي قلبي تاريخ وجغرافيا مش سهلين وانتى وشطارتك بقى يعنى انت ممكن حبك ل ماده معينه يخليها اسهل ماده بالنسبه لك يعنى انا مثلا مادتي المفضله كانت الرياضيات وكنت بحبها جداااا مع انه ناس كتير بتشوفها انها عقده وصعبه.. يعنى مثلا أومال انتى مش عارفه تقررى شوفى ميولك للمواد بتحبى اى اكتر هتقولى ما انتى بتحبى الرياضيات ومش دخلتى علمى رياضه هقولك عشان حلمى كان ف علمى علوم انتى برضو شوفى حلمك وامشي ورا خلى هدف تسعى ليه .. موضوع ميولك نحو المواد + الكليه اللى نفسك فيها هتساعدك اووى انك تختاري. لكن لو عايزه راى وارشحلك اى وسط ده كله ف انا هختار لك علمى والراى برضو ف الآخر يرجعلك♥️
تم النشر الجمعة، ١٨ يوليو ٢٠٢٥
اوعي تخلي اي حد يحدد مستقبلك ده اختيارك انتي وبس انتي الي تحددي ايه المواد الي انتي كويسة فيها وايه المواد الي بتحبيها وحاسة انك تحققي فيها درجات عالية لو انتي بتحبي الكيميا والفيزياء والعلوم انصحك بالعلمي ولو عندك شغف بالتاريخ وبتحبي علوم الاجتماعية والجغرافية اختاري أدبي وطبعا كل ده اكيد انتي عارفاه لانك في اولي ثانوي دراستي كل ده وخدتي فكرة عن كل حاجة
تم النشر الاثنين، ٢١ يوليو ٢٠٢٥
مرحبًا عزيزتي، فهمت تمامًا الحيرة الكبيرة اللي انتي فيها، خصوصًا في مرحلة مهمة زي الثانوية الثانية، والاختيار بين الأدبي والعلمي مش موضوع بسيط، وبيأثر على مستقبلك الدراسي والمهني. خليني أساعدك في ترتيب أفكارك وأعطيك نقاط تفكير ممكن تساعدك: فكري في نفسك: هل بتحبي المواد العلمية أكثر؟ زي الرياضيات، الفيزياء، الأحياء؟ ولا بتميلّي أكتر للمواد الأدبية والاجتماعية زي التاريخ، الجغرافيا، اللغة العربية؟ المستقبل الجامعي والمهني: لو كنتِ مش متأكدة من كلية معينة، العلميات عمومًا تفتح مجالات كثيرة في الطب، الهندسة، العلوم، أما الأدبي فيفتح مجالات في الإعلام، التعليم، الحقوق، العلوم الاجتماعية. المهم تختاري المجال اللي ممكن تستمتعي بيه وتقدري تبرعي فيه. أسرتك ونصايحهم: نصيحة أهلك وخالتك لأنهم بيهتموا بيكي، لكن القرار النهائي لازم يكون مبني على رغباتك وقدراتك. لو انتي خايفة من العلمي بسبب صعوبته أو حاجات تانية، ممكن تحاولي تجربتيه بشوية تركيز في بدايته، ولو حسيتِ إنه مش مناسب ممكن تعيدي تفكيرك. كيفية التعامل مع الخوف والتردد: طبيعي جدًا تحسي بالخوف أو التردد، خصوصًا لما يكون فيه ضغط من الكبار. حاولي تدوني لنفسك فرصه للتعرف على مواد كل قسم، ويمكن تتابعي دروس أونلاين أو تقرأي عن كل منها. اسألي طلاب من الأقسام المختلفة عن تجاربهم وده هيساعدك تفهمي الأحوال أكتر. المرونة بعد الدخول: في بعض المدارس والأنظمة ممكن الانتقال من قسم لقسم بناءً على مستواك وقدراتك، فلا تشيلي هم الاختيار النهائي. وأخيرًا، أنتي قدها قدود يا بطلتي، وخدي قرارك بثقة واستشارة ربنا بالدعاء، ربنا ييسرلك الخير ويبعد عنك كل عقبة. لو حبيتي، ممكن تتابعي أقسام الأسئلة في فدني وتقرأي تجارب بنات دخلوا أدبي وعلمي وكمان ممكن تستشيري خبراء تعليميين على https://www.fedni.net/experts يساعدوك في اختيار أنسب طريق. أنا دايمًا هنا لو عايزة تفضفضي أو تسألي أي حاجة تانية، شدّي حيلك واللي جاي أحلى بإذن الله! 🌸
تم النشر الجمعة، ١٨ يوليو ٢٠٢٥
علي حسب انتي مستواكي الدراسي عامل ازاي اذا كنتي شاطره وفعلاً هتبقي قد المسؤليه فا ادخلي علمي واذا ضعيفه ومش مستعده ادخلي ادبي
تم النشر الأحد، ٢٠ يوليو ٢٠٢٥
من بعدك قمر 🌗 اكيد يا كمر انتي ❤
تم النشر الثلاثاء، ٢٢ يوليو ٢٠٢٥
هو مفيش بجد والله كلية عاوزة ادخلها كنت الاول عاوزة ابقي دكتورة نفسية بس عرفت اني لازم ادخل عمليات أثناء الدراسة وكدة وانا متأكدة اني مش هستحمل حاجة زي كدة فعلشان كدة لغيت الفكرة😅
تم النشر الاثنين، ٢١ يوليو ٢٠٢٥
مفيش حلم بصراحة 😅+حاضر مش هستسلم وشكرا ليكي يا قمر 💕🤍
تم النشر الاثنين، ٢١ يوليو ٢٠٢٥
ايييي ادخليي ادبي واذا بدك ادخلي علمي انتي شو طموحك عشان نعرففف شو ننصحك
تم النشر الاثنين، ٢١ يوليو ٢٠٢٥
انت تختاري حسب حلمك و المواد اللي تحبيها وشوفي قدرتك ده مستقبلك انت وسواء دخلتي علمي او ادبي لازم متيتسلميش😌
تم النشر الاثنين، ٢١ يوليو ٢٠٢٥
شكرا جدااا ليكوا كلكم علي المساعدة بجد 🥺🤍
تم النشر الأحد، ٢٠ يوليو ٢٠٢٥
تمام حاضر إن شاء الله اشوف الكتب واحاول اتفرج على شرح حصة من كل درس
تم النشر الأحد، ٢٠ يوليو ٢٠٢٥
لا انا مستوايا الدراسي كويس الحمد لله يعني مش ضعيفة ولا دحيحة اووي يعني ممكن ادخل علمي أو ادبي عادي 🤍
تم النشر الأحد، ٢٠ يوليو ٢٠٢٥
شوفي الكتب بتاع العلمي والأدبي
تم النشر الأحد، ٢٠ يوليو ٢٠٢٥
خلاص خشي علمي لأنها شامله كليات كتير وعلي ما تخلصي تانيه تكوني شوفتي ميولك لكليه ايه وتحديدي بقا عاوزه رياضه ولا علوم
تم النشر السبت، ١٩ يوليو ٢٠٢٥
انا برده دخله تانيه ثانوي بس انا هادخل علمي لاني عاوزه كليه معينه انتي شوفي ميولك لكليه ايه وباذن الله تخشي الحاجه الي هاتستريحي عليها
تم النشر الجمعة، ١٨ يوليو ٢٠٢٥
ما المشكلة اني سمعت انهم لغوا حوار أن حد في علمي يدخل كليات ادبي +مستحيل ادخل علمي رياضه دة انا مش بطيق الرياضه 😅🤣
تم النشر السبت، ١٩ يوليو ٢٠٢٥
واللي معندهاش كلية عاوزة تدخلها تعمل اية🙂
تم النشر السبت، ١٩ يوليو ٢٠٢٥
لعرض السؤال في فدني اضغط هنا