اريد فقط حلول منطقية ( ما عندك معلومة = لا تفتي )
كيف نتعامل مع نقص الحنان في حياتنا؟ خصوصا مع غياب هذه الثقافة في اهلنا ولا يهمهم الامر رغم اني اشعر بالحاجة الشديدة للحنان و التقدير و الاحترام ... دون اللجوء للمصادر المحرمة و حلول منطقية
انا شايفه ان الواحد لما يكون محتاج حاجه مش عيب ان هو يطلبها. يعني سواء انتي في بيت اهلك ولا متزوجه؟ انا شايفه احتياجاتك اطلبيها اطلبيها حتى لو لمره واحده على الاقل ممكن تلفتي نظرهم لاني في ناس كثير ما بتاخدش بالها من الحاجات دي يعني في ام تقول لك لا انا احضن عيالي ليه عشان محسسهمش بالضعف مع ان احنا كتير قوي محتاجين الحوض ده. فانا من رايي اطلبي لو مره واحده محتاجه اهتمام اطلبي يا جماعه انا عايزه حد يهتم بيا. بس.
تم النشر الأربعاء، ١٣ أغسطس ٢٠٢٥
هذه الأمور العاطفية هلامية قد يفهمها البعض بشكل بختلف عن فهم البعض الآخر. لذلك أقترح أن تبلوري فكرتك عن ماهية الحنان المفتقد في حياتك (فليكن مثلا الاحتضان المتكرر يوميا)، ثم طلب هذا الأمر بشكل واضح وصريح ممن تتتظرين منهم هذا الدور. وإن كان الطلب قد يقلل من العائد فإنه في كل الأحوال أفضل من الوضع الحالي أو المآلات غير المحمودة.
تم النشر الخميس، ١٤ أغسطس ٢٠٢٥
السلام عليكم ورحمه الله وبركاته يعني انا اشكر السؤال ليه بقى السؤال جميل جدا جدا لانه ده اللي بنتكلم فيه دائما مع اي حد موقف حياته ااا من زعله على انه في اشخاص المفروض هم مصدر لاحتياج معين في حياته وهم مقصرين في ان هم يسدوا الاحتياج ده زي الاهل اللي هم المفروض يكونوا اول مصدر للتقدير او المصدر للتشجيع مصدر للحنان مصدر للحب ولكن هم بيقصروا بسبب او لاخر ااا طب نعمل ايه نوقف حياتنا او نفضل طول الوقت جعانين من الاحتياجات دي لا احنا محتاجين فعلا نتعامل مع ده وندور على الطريقه الصح اللي احنا ناخذ بها احتياجاتنا دي من غير ما نلقى لحاجه محرمه فشكرا جدا على السؤال. احنا بنقدر نعمل ده ازاي لما بنوزع الاحتياج بتاعنا على مصادر اخرى بنقدر ان احنا نحس على اقل ان احنا اا مش ميتين من الجوع بنبقى شبعانين حتى لو شبعانين نص نص لان كده كده الاحتياج ده بيكون طعمه احلى لما يتصدى عن طريق الناس اللي احنا منتظرين منهم ده يعني اللي هو انا ممكن كل اصحابي يحضنوني وهبقى يعني احضنه بتاعتهم هتريحني وهحس بالاحتواء ولكن حضن امي هيوديني في حته تانيه خالص يعني ده كده اللي هو بيشحن الطاقه 100% كده في ثانيتين لكن احنا هنضطر نتعامل مع الاوضاع بشكل واقعي وهنقول انه لو الحضن بتاع ماما مش متاح فاحنا محتاجين ان احنا ناخذ من احضان اصحابنا بس واحنا بناخذ من احضان صحابنا ما نبقاش ناخدها واحنا بنقول فين بقى حضن امي لا انا محتاج اخذ منهم وانا ممتن انه في مصدر للحضن موجود عندي الدنيا مش ضايعه خالص او طبعا في ناس ممكن ترفض اصلا ما تبقاش عايز تحضن حد ثاني اللي هو مستنيه حضن الام بس فخلينا نقول الحنيه الحنيه ناخدها ازاي واي احتياج ناخده ازاي اول من الطفل ده لحد ما شويه من الاحتياج بتاعك تحس انه ايه ان هو رواني كده شويه؟ تفاصيل صغيره قوي بتمثل الحنيه اييي اكون ماشيه جنب حد كبير لا هاتي عنك انا اشيل تقيله عليك انا كده طلعت حنيه هلاقي انا في مواقف زي دي ثانيه هيجي حد يقول لي ايه ممكن اساعدك اشيل عنك عشان شكلك تعبانه انا مش محتاجه اقول لا بدفع الاحراج انا محتاجه حنيه فانا شايفه الموقف ده حنيه ده بيمثل حنيه فانا هسمح للموقف ده وهقول ايه طيب ماشي شكرا قوي يعني انك تيجي معايا او انك تشيلي معايا ده ايه ده حنيه انا لازم برده افتح الباب ساعتها واستقبل الحنيه الحاجات دي كلها بسيطه قوي قوي موجوده باشكال كتير طبعا على حسب المجتمع اللي كل واحد عايش فيه ولكن يقدر ياخدها احنا ممكن ناخد الحنيه من الحيوانات ممكن اشوف لو انا مربيه قطه انه ازاي قطتي جت قعدت جنبي وانا زعلانه وبصيت لي كده بصيت اللي هو انا حاسه انك زعلانه انا هستقبل حنيه القطه هستقبلها حاجه لازم نكون احنا بنقدمه. بعدين بقى خالص عن المقوله الخاطئه بتاعه فقد الشيء لا يعطينا لانه الحنيه موجوده في الشخص اللي هو بيدورها على الحنان والا ما كانش هيبقى عارف معناه اصلا ما ينفعش هو يدور على حاجه ومش عارف معناها لا هو عارف معناها كويس لانه هي موجوده فيه فانا شخص حنين ومحتاج اخذ حنيه اا زي اللي عندي دي فاعمل ايه اقعد مع اطفال. الاطفال بيدوا طاقه حنيه رهيبه رهيبه طفل كده لما يطبطب عليا انا ممكن اقعد معاه واقول له انا زعلانه قوي انا انا متضايقه انا في حاجات زعلتني النهارده هتلاقي الطفل ده بكل براءه لا ما تزعليش تعالي ويجي هو يا على قد ما انا هقدر استشعر الحنيه من كل المصادر الصغيره دي على قد ما هتوصلني وهتكفيني ضد الاحتياج الشديد اللي ناقص من الاهل.خدني في حضني ويطبطب عليا احس بالحنيه وانا ساعتها لازم ابقى فاتحه الباب للحنيه وقتها عشان استقبلها من الطفل ده لانه ممكن الطفل ده يعمل الموقف ده بس انا ما احسش بحاجه ليه لانه انا اللي قافله الباب انا اللي مقرره ان ده مش مصدر للحنيه فاا انا هقرر وانا بتعامل مع اي طفل ان انا فاتحه الباب اخذ حنيه من الطفل ده تعالى انا عايزه حضن انا انا بحب الحضن بتاعكم ممكن تحضنوني واسيبهم يحضنوني اللهم خليكوا حاضرين لحد ما انا اقول لكم كده كفايه واقعد استمتع واتامل واحس قوي قوي بالحضن.
تم النشر الأربعاء، ١٣ أغسطس ٢٠٢٥
مرحباً عزيزتي، شكرًا لك على سؤالك المهم والصريح. نقص الحنان والشعور بعدم التقدير والاحترام في بيئة الأسرة تأثيره عميق، وخاصة إذا كانت الثقافة الأسرية لا تعبر عن الحنان بشكل واضح. سأحرص هنا على تقديم حلول منطقية واقعية، بعيدًا عن الأمور غير المقبولة شرعًا، تعتمد على تحسين وضعك النفسي والاجتماعي بالطرق الممكنة. أولاً: فهم الموقف بعمق نقص الحنان قد يكون ناتجًا عن اختلاف في طرق التعبير بين الأجيال، أو ضغوط الحياة، وليس فقط عدم حب أو احترام. إدراكك لهذه المشكلة شعور مهم لأنه الخطوة الأولى نحو التغيير. ثانياً: خطوات عملية يمكنك تجربتها للتعامل مع نقص الحنان الاهتمام بذاتك وتعزيز حب النفس: قومي باختيار نشاطات تعزز شعورك بالرضا عن نفسك، مثل القراءة، كتابة يومياتك، أو تعلم مهارات جديدة. كوني لطيفة مع نفسك، وحاولي أن تمنحي نفسك نفس الحنان الذي تتوقين إليه من الآخرين. التواصل الهادئ والمباشر: حاولي التحدث مع أفراد أسرتك عندما يكون الجو مناسبًا، وعبري عن مشاعرك بهدوء ووضوح. لا تطلبي منهم أن يتغيروا فورًا، بل شاركيهم شعورك ورغبتك في علاقة أسرية أقرب وأكثر دفئًا. البحث عن دعم عاطفي بديل: أحيانًا نحتاج أن نملأ فراغ الحنان من مصادر أخرى آمنة مثل الأصدقاء الصادقين أو جماعات التطوع ذات الطابع الإيجابي. وليس ذلك مخالفة، بل جزء من بناء شبكة دعم صحية. توجيه طاقتك في العلاقات الاجتماعية الإيجابية: ابحثي عن فرص للتواصل مع أشخاص إيجابيين في المحيط الاجتماعي أو المهني، واحرصي على بناء علاقات تحترم مشاعرك وتقدرك. التمسك بالقيم الإسلامية: تذكري أن الله سبحانه وتعالى هو أرحم الراحمين. الدعاء والاستعانة بالله مهم جدًا، وقراءة القرآن والتأمل في معانيه تهدئ النفس وتزرع الطمأنينة. كذلك فعليًا، التواصل مع المساجد والجماعات الإسلامية المحلية قد يوفر لك بيئة أكثر حنانًا وروحانية. وضع أهداف صغيرة للتغيير: لا تنتظري تحولاً كبيرًا فجأة، بل ضعي أهدافًا صغيرة مثل محاولة ابتسامة متبادلة مع أحد أفراد الأسرة، أو تعبير بسيط عن تقديرك لهم. إذا شعرتِ بأن المشاعر مؤلمة جدًا أو التأثير النفسي كبير، فقد يكون من المفيد البحث عن استشارة نفسية من مختصة تُراعي قيمك، وأنتِ تجدين في قسم الخبراء في فدني من يمكنه مساعدتك. هل تحبين أن أساعدك في البحث عن خبير مناسب في هذا الموضوع؟ أو هل لديكِ تفاصيل أكثر تودين أن تشاركيها لأساعدك بطريقة أدق؟ ذكية هنا دائمًا من أجلك. 🌸
تم النشر الأربعاء، ١٣ أغسطس ٢٠٢٥
اتعلمي حاجة جديدة تكوني بتحبيها ترجعلك الشغف للحياة ياعتها هتحسي ان مش ناقصك حاجة
تم النشر الاثنين، ١٨ أغسطس ٢٠٢٥
الرياضة بتعمل فرق ملموس
تم النشر الأحد، ١٧ أغسطس ٢٠٢٥
ده بالنسبة لحضرتك كراجل استاذ أسامة لكن الموضوع ده عند البنات مختلف عن طبيعتكم...البنات دي حاجات ضرورية بالنسبالها المفروض توفر من الأهل
تم النشر الخميس، ١٤ أغسطس ٢٠٢٥
كل ماهو معنوي تقدري توفريه لنفسك من غير اي مصدر خارجي عشان احنا اصلا عندنا وفره في القيمه المعنويه
تم النشر الخميس، ١٤ أغسطس ٢٠٢٥
نقرب من ربنا وهو هيطبطب علينا
تم النشر الأربعاء، ١٣ أغسطس ٢٠٢٥
لعرض السؤال في فدني اضغط هنا