انا تايهه وتعبانه اوى على طول مخنوقه مبقتش طايقه حد يكلمنى وعلى طول ساكته وبفكر في الانتحار
بصراحة مكنتش عارفة ابدأ الكلام منين و كل ما أكتب حاجة امسحها مش عارفة هل اوصفلك قد ايه الفكرة دى مرعبة هى مش مرعبة فى ذاتها و لكن للنتائج اللى مترتبة عليها و اللى للأسف هى جهنم مش هقلك هتخسرى دنيا و أخرة لأن محدش بيفكر كدا إلا لو شايف انه اصلا خسران الدنيا و لكن بصراحة الشخص دا بيكون غلطان ربنا كاتب من قبل ما تتولدى انت و أهلك و و أجدادك لحد آدم عليه السلام انك هتتولدى فى يوم كذا الساعة كذا و هتكونى بالصفات كذا و هتعيشى حياة كذا ربنا عارفك من قبل ما تتوجدى اصلا و اختارك انت بالذات علشان يخلقك بينما هو سبحانه قادر على أن يخلق غيرك بسهولة ولكن أختارك انت و انت فى النهاية عايزة تنهى حياتك بالبساطة دى مش انت اللى خلقتيها علشان وقت ما تحبى تقررى تنهيها دا مش بمزاجك و مهما كانت حياتك صعبة مؤلمة لا تطاق بالنسبالك ففى ناس عايشة حياة اسواء بكتير من حياتك بس صابرين و الفرق بينك و بينهم انهم بيعيشوا الألم و صابرين فبإذن الله هيكسبوا ما هو أعظم هيكسبوا رضا ربنا و لكن انت بتعيشى الألم و تسخطى فبتحكمى على نفسك تخسرى الأخرة طيب ليه يا بنت الحلال كدا كدا اللى مكتوبلك هتعشيه فليه تبقى خسرتى الأتنين و عندى ليكى طريقة هتخليكى بإذن الله تبقى كسبانة الدنيا و الأخرة قربى من ربنا عادى إنك تفضلى ساكتة و متكلميش حد إلا ربنا كلميه و أشكيله همك و هو السميع العليم و هو الرحيم اللطيف الودود، مستحيل مستحيل تلجأى لربنا و يردك خايبة مستحيل الإكتئاب بيزول بالقرآن لان دا كلام ربنا ليكى دا النور اللى بيمحى ظلمة القلب كونى صحبة صالحة تعينك فى دينك و على دنياك اسمعى قصص و سير الصحابة و التابعين و الأهم سيرة نبينا محمد و أمهات المؤمنين اشغلى وقت فراغك و متسمحيش لأفكارك تسيطر عليكى و أعرفى إن دى نفسك الأمارة بالسوء و الشيطان عايزينك تهلكى عايزينك تخسري بلاش تسمعى كلام عدوك يا ذكية حاولى تغيرى طريقة تفكيرك من السلبية للإجابية بدل ما تقولى مثلا ليه انا بس اللى بيحصل معايا كدا قولى ربنا أخترنى علشان يبتلينى و الإبتلاء دا علشان يغفرلى ذنوبى او يقربنى منه سبحانه قد ايه ربنا رحيم و أكيد هيصبرنى و أخيرا انا متأكدة انك كدا بسبب الفراغ فراغ دينى فراغ روحى أصل الإنسان أجوف و مش بيتملى إلا بالدين غير كدا بيفضل فارغ و هش فيا بنت الحلال حاولى تملى نفسك بالقرب من ربنا و صدقينى هتشوفى الدنيا بعيون تانية خاااااالص و أعتبرى دى إشارة قوية من ربنا بيناديكى فيها فخليكى ذكية و أستغليها لأن مش دايما الفرص بتتكرر و القلب بعد كدا بيُطبع عليه و أسفة إننى طولت عليكى او إن كلامى كان حاد شوية و لكن صدقينى اللى بتمرى بيه فترة و هتعدى و بعدين هتقولى لنفسك انا ازاى كنت كدا و زى ما قلتلك أملى فراغك اللى مش بيتملى إلا بالقرب من ربنا و الكلام اللى قلته دا كلام أجراه الله على لسانى و بس كدا أتمنالك حياة سعيدة (رغم إن مفيش حياة سعيدة أصلا و إن دى دار الشقاء و دا طبيعى) و لكن حياة فيها قرب من الله و قلب مملوء بالإيمان و الحب لله و رسوله و خوف من الله و رجاء فيه سبحانه
تم النشر الثلاثاء، ٤ نوفمبر ٢٠٢٥
أختي العزيزة، تصرفك هذا طبيعي تمامًا عندما نشعر بضغط نفسي شديد أو تعب عميق في القلب والعقل. أنت الآن تمرين بحالة صعبة ومؤلمة، ومن المهم جدًا أن تعرفي أنك لستِ وحدكِ، وهناك من يهتم بكِ ويحب أن يساعدكِ. أولاً، أريدك أن تعلمي أن التفكير في الانتحار هو علامة على ألم عميق في داخلك. أرجو منك أن تتحدثي مع شخص تثقين به، سواء كان قريب أو مرشد نفسي، لأن مشاركة مشاعرك تساعد على تخفيف الألم وإيقاف هذه الأفكار. هنا بعض الخطوات العملية التي يمكنك البدء بها: اطلبي الدعم من أهل بيتك أو أصدقائك المقربين ، حتى لو كنت لا تريدي التحدث كثيرًا، مجرد وجود شخص بجانبك يساعد. جدّدي صلتك بالله بالدعاء والذكر، فهذا يريح القلب ويمنحك سكينة. إذا استمر الشعور بالاكتئاب والتفكير بالانتحار، أنصحك بشدة أن تتواصلي مع طبيب نفسي أو استشاري متخصص، هم موجودون لدعمك ومساعدتك على تجاوز هذه المرحلة. أنا هنا معك، وإذا أحببتِ يمكنني أن أوجهك إلى بعض الخبراء في منصة فدني الذين يمكنهم مساعدتك بشكل متخصص. لا تفقدي الأمل أبدًا، فالحياة جميلة وستشهدين فترات فرح وسعادة، فقط امنحي نفسك فرصة للشفاء والعناية. هل تودين أن أساعدك في إيجاد متخصص أو نبدأ معًا خطوات لتخفيف هذا العبء؟
تم النشر الاثنين، ٣ نوفمبر ٢٠٢٥
بص هو الانتحار مش حل غير الحساب في الآخرة وانك ضيعت فرصة الميت يتمنى أنه يرجع ليها عشان يكون في الطريق الصحيح ولو على التوهان إجبار نفسك انك تغير من روتين حياتك وتقرأ كتب كتيرة وتطلع من الحالة وبعد كدا ترجع للواقع بتاعنا بعد ماتكون صالحت نفسك وعرفت تتغلب على نفسك وهواك والشيطان وممكن تروح الجامع تتعرف على اصدقاء يساعدوك على الطاعة والتقرب من ربنا غير قراءة الكتب عن صفات الله والدروس الدينية وتعمل ملخص انك استفدت ايه من كل كتاب ورأيك فيه ايه وكله بيعدي وحاول تسعدك نفسك بشيء حلال ده حال الكل مع الزمان بس كل واحد بيكمل القصة بتاعته إلى النهاية ممكن تكون نهاية جميلة ومشرقة بس حاول
تم النشر الثلاثاء، ٤ نوفمبر ٢٠٢٥
مش كويسه اه ابويا مش معتبرنى موجوده اصلا
تم النشر الاثنين، ٣ نوفمبر ٢٠٢٥
مش هاقولك غير انك انسانة غبية انتى مفكرة لما تموتى كدة هترتاحى لا ياحببتى دى بداية العذاب الحقيقى و بعدين انتى عايزة تموتى كافرة و اين كان اللى مريتى بيه مفكرتيش فى الناس اللى بتحبك بجد هيحصلهم اى بعد موتك و بعدين سبب انك مخنوقة هو انك بعيدة عن ربنا يعنى مبتصليش فوقى من اللى انتى فية ادى نفسك فرصة مع ربنا و هو هيفتحلك بابة بس انتى ارجعى الاول و لو المشكلة دى سببها والديك اتكلمى معاهم و ريهم وجهة نظرك و سامحيهم و اهتمى بدراستك بعد كدة و الله العظيم ماحد هينفعك غير نفسك
تم النشر الأربعاء، ٥ نوفمبر ٢٠٢٥
قد يغيب من حولك عاطفيا أو حتى يتوفى ولكن الله حي لا يموت وبابه مفتوح ٢٤ ساعة
تم النشر الأربعاء، ٥ نوفمبر ٢٠٢٥
الثقة والمشاعر الايجابية مصدرها الوالدين .. وجذر أغلب المشاكل النفسية هي بسبب كدا .. صحاري جافة بين الأب وإبنه على مدار سنين هتشكل جوع كبير للعاطفة ... اللي للأسف بيلجأوا لتعويض العاطفة دي عن طريق التدخين او العلاقات المحرمة وغيرها / في ألم ولكن الحل مش عند الوالدين لأنهم عاجزين عن العطاء قد يكون بسبب ظروف صعبة عاشوها أو أنهم فقدو العاطفة من والديهم .... الحل هو أن يكون لك خطة على المدى البعيد .. مثلا هدفي بعد سنة اكون في وضع نفسي أفضل .. وتبدأي بالخطوات اليومية البسيطة اللي بتبعث الشعور بالإنجاز زي الصلاة والقرآن وايضا الرياضة والكتابة ...
تم النشر الأربعاء، ٥ نوفمبر ٢٠٢٥
وانا نفس الموضوع
تم النشر الثلاثاء، ٤ نوفمبر ٢٠٢٥
ونعم بالله حاضر هعمل كدا
تم النشر الاثنين، ٣ نوفمبر ٢٠٢٥
استهدي بالله، جيبي ورقة وقلم، واكتبي ١٠ حاجات بتحمدي ربنا عليها، وروحي اكتبي اللي مضايقك، اللي مضايقك ده حاجة من اتنين، يا ما ليه حل وده ربنا يقدرك عليه ويتحل، يا اما ملوش حل فليه تدوشي دماغك بحاجة مالكيش ايد فيها، كمان اهلك هل دي حاجة كبيرة اوي ان ابوكي مش مهتم بيكي ؟ هل هو بيضربك؟ إن شاء الله ربنا يعوضك عن اهلك بصديقات او زوج حنين، الرزق حاجات كتيرة فكري وادعي ربنا، واحنا مش هنعرف نقيم حياتك عشان اللي ايده في المية مش زي اللي ايده في النار، ادعي ربنا كتيييير وربنا هيفك كربك، اما فكرت انك تنتحري عشان تتعذبي في قبرك دي مش الذ حاجة ولا الطف فكرة، سلمي امرك لربنا.
تم النشر الاثنين، ٣ نوفمبر ٢٠٢٥
اي الاسباب مشاكل مع اهلك مثلا
تم النشر الاثنين، ٣ نوفمبر ٢٠٢٥
كيف علاقتك بوالدك ووالدتك وهل كان في هجران أو قسوة منهم؟
تم النشر الاثنين، ٣ نوفمبر ٢٠٢٥
لعرض السؤال في فدني اضغط هنا