أنا معظم مشاكلي ببقى عارفة حلها ايه بس مش بعرف اخد الخطوة للحل دا.
يعنى مثلا من ضمن مشاكلي وهو انى بسكرول كتير على ريلزات الانستجرام ودا بيزود الدوبامين زي ما انتو عارفين المهم جالى تعفن دماغ وتعطن وممكن اقول مبقاش فى دماغ اصلا المشكلة هنا انى عارفه كل حلول المشكلة دي بس مش قادرة اخد الخطوة فاهميني؟؟؟
بصي المشكلة اللي بتتكلمي عنها دي شائعة أكتر ما تتخيلي وملهاش علاقة إنك مش قادرة قد ما ليها علاقة إن مخك متعود على السهل والسريع يعني إنتي فعلاً فاهمة الصح والغلط بس الفعل نفسه محتاج مقاومة شوية تعب ومخك بيهرب للحاجة الأسهل زي الريلز. الحل مش إنك تستني دافع أو حماس لأن دول مش بييجوا لوحدهم الحل إنك تبدأي غصب عنك بس بشكل صغير جدًا يعني بدل ما تقولي هوقف سكرول خالص قولي هقفل بعد 10 دقايق أو هعمل حاجة مفيدة 5 دقايق بس الفكرة إنك تكسري الحاجز الأولاني لأن أصعب خطوة هي البداية مش الاستمرار وبرضو خلي بالك إنتي مش محتاجة تفكري كتير في الحلول لأنك فعلاً عارفاها إنتي محتاجة تقللي التفكير وتزودي تنفيذ حتى لو بنسبة قليلة ومع الوقت مخك بيتعود إن فيه سيطرة مش استسلام وصدقيني هتحسي بفرق حلو جدًا لما تلاقي نفسك قدرتي تتحكمي في الموضوع حتى لو مرة واحدة بس الإحساس ده بيدي دفعة كبيرة وبيخلي عندك رغبة تكملي وتنجحي أكتر.
تم النشر الجمعة، ١ مايو ٢٠٢٦
خلي حل مشكلتك ب نيه أنها لله ، يعني انا اعاني من نفس مشكلتك دي قبل كده بس في دخله رمضان اللي فات قولت لا لازم واقفه كده وأبطل كفايه اني باخد ذنوب ومعصيه وتضيع وقت وكفايه ان دماغي متعطله مش قادره تركز وكميه مشاكل كبيرة انا سبحان الله كنت ماسح التيك توك قبل رمضان لمده حلوه جيت في رمضان مسحت كل حاجه انستا وفيسبوك واي تطبيق هيخليني اعمل اسكرول مسحته اتبقي اليوتيوب عطلت كده بطريقة صديق ليا قالي عليها ومش بستخدم اليوتيوب غير لو عاوز حاجه معينه وسبحان الله انا لحد دلوقتي لسه ماسحهم والحمدلله ربنا عاني علي الجزء ده حاليا انا بقيت عندي وقت فراغ كبير ومفروض اذاكر واشوف ورايا ايه بس للاسف مش عارف اذاكر بس دماغي وبحاول ارجع عدل وانتبه لمستقبلي ، المهم أن فعلا نفع انا خدت الخطوه بنيه ابعد عن الذنوب وربنا وفقني خدي الخطوه صدقيني هتحسي بفرق وابعدي عن الموبيل سيبي بس الواتس عشان لو بتكلمي اهلك وصحابك والماسينجر نفس الحكايه وخلي المصحف دائما جنبك كل ما تحسي انك عاوزه تمسكي الموبيل لتفاهه امسكي اقرأي في المصحف انا جايب مصحف جيب صغير كده وحطه قريب مني لما بلاقي نفسي هضيع وقت ومش هذاكر ومكسل اقرأ في المصحف اعملي كده صدقيني هتحسي بفرق جميل وحلو وهتحسي بالوقت في اليوم وهتعرفي فعلا أن اليوم فيه بركه دوري علي حل بنفسك ساعدي نفسك بنفسك وربنا هيكرمك في الخطوه دي إن شاء الله
تم النشر الأحد، ٣ مايو ٢٠٢٦
امسحي اي ابلكيشن بتحدي وقت عليه ومافيش فائده بتعود عليكي منه خدي الخطوه دي واتجرائي عليها وحطي في دماغك انك هتقدر وانتي فعلا هتقدري وحددي لنفسك وقت يتمسك في الموبيل عموما انك بعد الوقت ده مش هتمسكي الموبيل الا لو حد اتصل أو تتصلي بحد للضرورة يعني وابدائي في قراءة القرآن حتي لو ٤ صفحات هتفرق معاكي كتير جدا بس حولي تركيزك في معاني القرآن مش مجرد قراءه بس مع التفسير هتنسي خالص اي ابلكيشن كنتي بتضيعي في وقتك وهتقدري تحلي كل مشكله تقف معاكي واسرع لأن سبحان الله القرآن بيخليكي تركزي وبيغير في شخصيتك كمان وبيخليكي اقوى
تم النشر السبت، ٢ مايو ٢٠٢٦
يا حبيبتي، أنا فاهمة تماماً اللي بتقوليه! ده شعور شائع جداً، زي ما الدماغ بيحب الراحة السريعة من الدوبامين في الريلز، بس الحلول الكبيرة بتبقى مخيفة. المشكلة مش في معرفتك، ده في "الخطوة الأولى" اللي بتحتاج دفعة صغيرة. خلينا نبدأ بخطوات عملية بسيطة جداً، عشان متعطليش: لمشكلة الإنستغرام تحديداً: اليوم ده بس : حددي وقت 5 دقايق فقط (مش ساعة كاملة زي ما عارفة). استخدمي الـ"Screen Time" في الإنستا أو تطبيق زي "Freedom" يقفل الريلز تلقائي. ضعي الهاتف في الدرج للـ5 دقايق دول، وخدي نفس عميق وقولي "بسم الله" قبل ما تبدئي. استبدليها فوراً : لما تحسي الرغبة، قومي اغسلي وجهك بموية باردة، أو اقرئي صفحة قرآن أو امشي 10 خطوات في الغرفة. ده هيقلل الدوبامين تدريجياً. تابعي التقدم : اكتبي في مذكرة بسيطة (على ورقة أو نوت) كل يوم: "النهارده عملت سكرول كام دقيقة؟" – شوفي الرقم يقل هيحفزك. لكل مشاكلك العامة: قاعدة الـ2 دقيقة : أي حل كبير، قسميه لخطوة أصغر من 2 دقيقة. مثلاً، لو الحل "أدرس"، ابدئي بـ"افتحي الكتاب بس". الدماغ هيكمل لوحده! الـ5 ثواني : لما تقولي "هعملها"، عدي 5-4-3-2-1 وقومي فوراً. جربيها دلوقتي! دعاء يومي : قبل أي خطوة، قولي "اللهم أعني على ذكرك وشكرك وحسن عبادتك" – ده بيعزز الإرادة من الداخل، زي وقود مجاني. أنتِ قوية وواعية، بس الدماغ بيحتاج تدريب زي العضلة. ابدئي النهارده بخطوة وحدة صغيرة، وهتشوفي الفرق خلال أسبوع. لو عايزة دعم أكتر، دوري في فدني على أسئلة زي "إدمان مواقع التواصل" هتلاقي إجابات كتير، أو شوفي الخبراء هنا: https://www.fedni.net/experts – في متخصصين في الصحة النفسية هيساعدوكِ. أنتِ هتقدري، يا قمر! قوليلي إيه الخطوة الأولى اللي هتعمليها دلوقتي؟ 💪❤️
تم النشر الجمعة، ١ مايو ٢٠٢٦
بصي كلنا بنعاني من الحته دي بس يعني انا بقالي فتره بحاول والحمد لله مش زي الاول نزلي ابلكيشن اسمو No scroll دا بيقفل اي ريلز من اي ابلكيشن واسمعي يوتيوب بودكاست بقا قصص حاجات من دي بجد هتحبي الموضوع اوي ودماغك هترتاح شويه
تم النشر السبت، ٢ مايو ٢٠٢٦
كان عندي نفس المشكلة وهو إني عارفة الضرر وبعمل الحاجة؟ الحل كان في كتاب العادات الذريـة) المهم يا غالية الحل كان الإستبدال يعني بدال الريلز تسمعي بودكاست! وتتجنبي الفون فترة الصباح تبدأي بمهامك أولًا وبعدين هتلاقي نفسك عارفة قيمة وقتك وبجد هتفرق معاكِ، الريلز عامةً مدمرة بجد ولكن التخلص منها أو من إدمان وسائل التواصل الإجتماعي مش هيكون في يوم وليله لا هتأخدي وقت ولازم تتقبلي الموضوع وتتقبلي الوقعات، بس جربي موضوع الاستبدال هتلاقي نتائج أي عادة سيئة في حياتك تقدري تستبداليها بعادة إيجابية هتفرق معاكِ بجد
تم النشر السبت، ٢ مايو ٢٠٢٦
شوفي نزلي تطبيقات تمنع لك السوشيال وحاولي تعيشي من غير تلفونك يوم كامل زي لعبة او كدا حاولي تنجنبي الموبيل
تم النشر السبت، ٢ مايو ٢٠٢٦
خدي الخطوة وهتحسي بالإنجاز بعدها . امسحي التطبيق حتى لو تقيله على قلبك
تم النشر الجمعة، ١ مايو ٢٠٢٦
لعرض السؤال في فدني اضغط هنا