السلام عليكم ورحمه الله وبركاته
انا بنت عندى ١٥ سنة بعاني من أحلام اليقظة المفرطة بقالى اكتر من خمس سنين و الموضوع بدأ من بعد الكورونا تقريبا و فعلا مأثر على حياتى كلها ولأني كان ممكن اقعد اتخيل من و انا داخلة انام يعنى مثلا الساعة ١٠ لحد الساعة ٦ الصبح من غير ما انام و الموضوع بقا شبه إدمان لانى بقيت احب إني اتخيل الصبح كمان و اضيع وقت كتير جدا
فأرجوكم حد يقول لى الحل و لو حد محتاج تفاصيل اكتر يقول لى
سلام عليكم بصي الموضوع بيبقى صعب انك توفقيه في البداية بس عشان انا مريت بنفس الوضع في نفس السن وللأسف ضيعت أحلى سنين حياتي بسبب ده فهنصحك بدل الهروب من واقع الحياة الأليم الي عالم خيالي حاولي تتبسطي بأقل شيء في حياتك الواقعية يحسسك بقيمتك وانك مش محتاجة حد جربي تعملي إنجازات بسيطة في يومك وانجازات على المدي البعيد زي التفوق الدراسي أقولك ببساطة حاولي انك في حياتك الحقيقية تكوني البنت اللي بتشوفيها في أحلامك شوفيها هي عاملة ازاي و كوني زيها او احسن منها شكلها أخلاقها نجاحها تعاملها مع الناس ده هيحول حلمك لواقع ومع الوقت بدل ما تشغلي نفسك بالحلم هتشغلي نفسك بتحقيقه أخد مني الموضوع ٦ شهور عقبال ما بطلت الحمد لله و الموضوع نفسه بيبقى متحكم فيه بعد فترة المراهقة بس ابدأي من دلوقتي قبل ما تضيعي عمرك و تندمي كل ما تجيلك فكرة اطرديها هتلاقيها بترجعلك بعد دقيقة بس متستسلميش المعدل هيقل مع الوقت و هو صعب بس في الاول و اشغلي نفسك بأي حاجة و مفيش افضل من ان لسانك يفضل عامر بذكر ربنا ده هيساعدك اوي حاولي تشغلي قرآن جمبك و تتدبري معاني آياته و تعملي به عشان تكوني الفتاة اللي تحبيها او احسن صدقيني شعور لا يوصف هتدعيلي اشغلي نفسك بسكن كير عشان تشوفي نفسك احسن شغل او هواية او مهارة تتعلميها جمب دراستك هتكون ممتعة جدا اتعلمي soft skills هتخليكي شخصية قوية اعملي كل يوم ١٠ دقايق رياضة في البيت هتفرق اوي انت تقدري إن شاء الله دي خلاصة تجربتي و هتعدي إن شاء الله بس نصيحة ده أحلى سن استغليه في انك تشوفي نفسك افضل نسخة اللي بتحلمي بيها
تم النشر الثلاثاء، ٣٠ ديسمبر ٢٠٢٥
وعليكم السلام ورحمة الله وبركاته يا حبيبتي، أشكركِ على ثقتكِ ومشاركتكِ، وأنا فاهمة تمامًا إزاي الأحلام اليقظة المفرطة (Maladaptive Daydreaming) دي بقت تحكم في يومكِ وتسرق وقتكِ ونومكِ، خاصة إنها بدأت بعد كورونا زي كتير من البنات في سنكِ. ده مش ضعف منكِ، ده تحدي نفسي شائع، وفيه حلول عملية تقدري تبدئي بيها دلوقتي عشان تتحكمي فيه خطوة خطوة. هقولكِ خطة بسيطة وإسلامية، مبنية على تجارب ناجحة: 1. اعرفي الزنادات وتابعيها (التتبع اليومي) : خدي دفتر صغير أو تطبيق على موبايلكِ، واكتبي كل مرة تحصل فيها: "إيه اللي خلاها تبدأ؟ (مثل الملل، الوحدة، أغنية معينة؟) وكام دقيقة استمرت؟" هدفكِ: قلليها من ساعات لدقائق. بعد أسبوع، هتلاحظي الأنماط وتقدري تتجنبيها. 2. رتبي يومكِ بجدول صارم (روتين يملأ الفراغ) : حددي أوقات ثابتة للصلوات الخمس، وقراءة قرآن 10 دقائق يوميًا (ابدئي بسورة الشرح للراحة النفسية). اجعلي جدول دراسة/هوايات: مثلاً، ساعة رياضة خفيفة زي المشي السريع بعد العصر، أو تعلم مهارة جديدة زي الرسم أو الكتابة (بدل التخيل، اكتبي القصة!). قبل النوم: اغسلي وجهكِ، اقرئي أذكار النوم، ونامي في موعد ثابت (مثل 10 مساءً). لو بدأ التخيل، قومي صلي قيام الليل أو اقرئي كتاب حقيقي. 3. قطعي الإدمان تدريجيًا (تقنية الـ"وقف") : لما تلاقي نفسكِ بتتخيلي، قولي بصوت عالي: "ستوب!" وقومي غيري مكانكِ فورًا (روحي المطبخ اشربي ماية أو صلي ركعتين). استبدليها بذكر الله: "لا إله إلا الله" 100 مرة، ده بيملأ العقل ويطرد الوساوس. قللي الشاشات قبل النوم بساعتين، وامسحي أي موسيقى أو فيديوهات بتثيرها. 4. دعم نفسكِ يوميًا (تحفيز صغير) : كل يوم نجحتِ فيه (مثل نوم 6 ساعات)، كافئي نفسكِ بشيء بسيط زي قطعة شوكولاتة أو مكالمة مع أمكِ. تذكري قول الله تعالى: {وَمَنْ يَتَّقِ اللَّهَ يَجْعَلْ لَهُ مَخْرَجًا} – الالتزام بالطاعات هيخلق لكِ مخرجًا. يا قمر، ده مش هيختفي في يوم وليلة، بس مع الاستمرار 21 يوم، هتلاحظي فرق كبير. لو عايزة تفاصيل أكتر عن يومكِ، قولي لي. وابحثي في فدني عن "أحلام يقظة مفرطة" هتلاقي إجابات تانية من خبراء. لو استمر الضيق، روحي صفحة الخبراء هنا: https://www.fedni.net/experts وابحثي عن متخصص نفسي، هما هيساعدوكِ بشكل شخصي. أنتِ قوية وهتقدري، ربنا يشفيكِ وييسر أمركِ. متردديش تتابعيني! 💕 ذكية
تم النشر الثلاثاء، ٣٠ ديسمبر ٢٠٢٥
حاولي تبدأي بأنك متدخليش تنامي غير لما تكوني فعلا منهكة تماما و جاهزة للنوم، ذاكري بقى و اشغلي نفسك بأي شيء مفيد قراءة قرآن او دراسة علم شرعي و ابدأي بكدة على الأقل حبك للموضوع يقل بالتدريج مع الوقت و الله المستعان
تم النشر الأربعاء، ٣١ ديسمبر ٢٠٢٥
كل لما تلقي نفسك هتتخيلي تروحي علطول تكلمي حد من صحابك او اهلك ولو مفيش حد اذكري الله كثيرًا وده الافضل وحولي برضو تشغلي نفسك في الليل وتنظفي وتعملي تمارين علشان لما تيجي تنامي متفكريش وتنام علطول من التعب
تم النشر الأربعاء، ٣١ ديسمبر ٢٠٢٥
انا بس مش فاهمه أنتِ ممكن خيالك يوصل لفين يعني اي أقصى خيال وضحي لي
تم النشر الثلاثاء، ٣٠ ديسمبر ٢٠٢٥
ابعدي عن التليفون قبل النوم ب ساعتين او اي شاشات عموما و ابعدي عن الكافيين قبل النوم ب 4 ساعات و صلي ركعتين و نامي ع وضوء و ان شاء الله تنامي حلو
تم النشر الخميس، ١ يناير ٢٠٢٦
أنا عندي نفس المشكله دي وبتخيل حاجات وممكن لو حاجه شغلتني ارجع بعدها اكمل ما كان ما كنت واقفه. عملالك مشاكل جامده
تم النشر الأربعاء، ٣١ ديسمبر ٢٠٢٥
@مَرْيَم عماد ممكن يوصل الى إني اتأثر بجد بالاحداث دى يعني مش مجرد مسلسل أو فيلم انا عاملاه فى دماغى و اللى ببقى عايزة اتخيله يتخيله عادى جدا
تم النشر الأربعاء، ٣١ ديسمبر ٢٠٢٥
لعرض السؤال في فدني اضغط هنا