لو انا طالبه ثانويه عامه
و عايزه اشتغل ف السنه دي(انا مقسمه ف عندي مواد اقل)
ايه الشغلانات المتاحه الي ممكن اشتغلها دخلها يكون كويس و اتعلم منها كمان؟
انا لسه معرفش ايه السكيلز الي عندي بس اعتقد اني بعرف اتعامل مع الناس كويس
محتاجه ايه يساعدني كمان؟
و ايه الي ممكن اشتغله اصلا؟؟
السلام عليكم ورحمه الله وبركاته قبل ما نعرف ايه الحاجات اللي انت ممكن تشتغليها في السنه دي لازم تعرفي ايه الوقت المتاح معاكي قد ايه يعني متاح معاكي وقت قد ايه في اليوم انتي مقسمه يومك انت مثلا بتذاكري قد ايه في اليوم علشان نقدر نحدد ايه اللي يناسبك بناء على الوقت المتاح وبناء على الحاجات اللي ممكن ما تاخذش منك مجهود ذهني كبير يعني ما تبقاش برده عامله لك ضغط على دراستك حتى لو فيها مواد اقل
تم النشر الثلاثاء، ٢١ يوليو ٢٠٢٦
مرحبا يا رقية، أول حاجة أحييكي على رغبتك في استغلال الوقت ده بشكل إيجابي، ده قرار ناضج جداً وهيساعدك تكتشفي نفسك أكتر. بما إنك طالبة ثانوية عامة ولسه عندك مواد أقل، فالفرص المتاحة قدامك لازم تكون مرنة ومتوافقة مع جدولك الدراسي، وفي نفس الوقت تعطيكي دخل كويس وتطور مهاراتك. من أفضل الخيارات اللي تناسب وضعك دلوقتي: التدريس الخصوصي (خاصة للمراحل الإعدادية أو الابتدائية): لو عندك مواد قوية زي الرياضيات أو الإنجليزي أو العربي، ده شغل بيجيب دخل كويس نسبياً وبتتعلمي منه مهارات الشرح والصبر والتعامل مع الناس. ممكن تبدئي بـ 3-4 ساعات في الأسبوع. خدمة العملاء أو المبيعات أونلاين : كتير من الشركات بتحتاج شباب بيتعاملوا مع العملاء عبر الواتساب أو الفيسبوك، وده بيطور مهارات التواصل اللي قلتي إنك كويسة فيها. الدخل بيبقى ثابت + عمولات أحياناً. إدارة صفحات السوشيال ميديا للمشاريع الصغيرة: لو بتحبي الكتابة أو التصميم البسيط، ممكن تتعلمي الأساسيات بسرعة وتشتغلي فريلانس. ترجمة أو كتابة محتوى لو لغتك الإنجليزية كويسة، أو حتى إدخال بيانات لو بتحبي الدقة. عشان تساعدي نفسك أكتر، ابدئي بتقييم بسيط لنفسك: اكتبي على ورقة 5 حاجات بتحبي تعمليها يومياً (حتى لو ألعاب أو قراءة أو تنظيم)، و5 حاجات الناس بتمدحك فيها. كمان، خدي كورسات مجانية قصيرة على منصات زي Coursera أو YouTube عن "مهارات التواصل" أو "إدارة الوقت" عشان تكتشفي مهاراتك أسرع. حاولي كمان تنظمي وقتك بحيث الشغل ما يأثرش على مذاكرتك، وخلي يوم في الأسبوع للراحة والعبادة. الأهم إنك تبدئي بخطوة صغيرة، حتى لو تجربة واحدة، وتتعلمي منها. لو عايزة أفكار أكتر أو تفاصيل عن شغلانة معينة، قوليلي. وممكن تبحثي عن أسئلة مشابهة على فدني عشان تشوفي تجارب بنات تانيين في نفس المرحلة. ربنا يوفقك ويبارك في جهدك.
تم النشر الثلاثاء، ٢١ يوليو ٢٠٢٦
بصي هو اولا علشان تشتغلي في ثالثه ثانوي من رأي اشتغلي اول شهرين بس علشان مذاكرتك برضو ولو هتشتغلي من رأي اشتغلي شغلانه تليق بيكي ك آنسه مثلا اشتغلي في معمل أسنان مش دكتوره أسنان المعمل ده بيعملو في فك هما اللي بيعملوه او ممكن تشتغلي في محل ملابس عبايات وكده وممكن تشتغلي في صيدليه برضو بس اهم حاجه متنسيش مذاكرتك واكتر فتره ممكن تشتغليها من شهرين ل ثلاثه
تم النشر الجمعة، ٢٤ يوليو ٢٠٢٦
بس خلي بالك في العموم يعني الكلام بشكل عمومي عشان ظروف الناس غير بعضها بس الافضل الثانوية العامة تركزي بس في الدراسة عشان تجيبي مجموع عالي ويبقا عندك اختيارات كتير + انتبهي جدا ان امتحانات الثانوية العامة مش سهلة وعشان حتى ميجيلكش burn،،،،ولما تدخلي الجامعة بتبدأي تشتغلي او تشتري لابتوب وتاخدي كورسات عشان تعملي cv مع شهادتك لما تتخرجي برضوا على حسب كل ظروف شخص بيختار انهي من الاتنين، بس انتي برضوا ادرى بمصلحتك واكيد فيه جوانب احنا منعرفهاش
تم النشر الثلاثاء، ٢١ يوليو ٢٠٢٦
لعرض السؤال في فدني اضغط هنا