السلام عليكم
انا اعاني من وسواس مكنتش اعرف دا بدا الموضوع اني طفله بلاقيني بشتم ربنا في سري
او كل بنده على ماما اقولها اني بوظت حاجه ودا محصلش عدى الوقت وبدات اكبر واتلاشى
تحول الامر لانسه بيجلها بيريود فبتطهر فتلاقي نفسها دخلت دوامه انتي مش طاهره وفي افرازات تمنع صلاتك عادي بتخطى وبحاول ومره تصيب ومرات ابطل صلاه
"للعلم اني حد كسول مش هطهر مليون مره لا هبطل صلاه اسهل"
يعدي الوقت واكبر وارتبط فلاقي نفسي تحولت لحد بيجيله فكره لازملها رد
مردتيش عليها رد مقنع مبروك دماغك هتشت منك ابدا اسأل حبيت قبلي لو رد باه بس كان مجرد لعب عيال
لاول مره ارد تمام وبجد اكون عادي لكن مع الوقت يجيلي افكار كللللل يوم
حب قبلك مش اول حب ف حياته كانت اجمل قالها بحبك كلمها زيك خرجها .............كلها محتاجه رد مقنع
اروح اسال يترد عليا مره واتنين بعدها اللي معايا يزهق ويسيبني
اتخطبت تكرر نفس الامر بالمللي بس كان الجديد روحت لدكتور نفسي ليتم علاج ست شهور بدون جدوى فلوس تقيله عليا مستحملتش ووقفت
ويمر سنه بدون حاجه علشان يرجعلي نفس الشخص الاول ويجي يتقدم لتبدا القصه من تاني أسأله فجاه رد مقنع لاما هشيط واصوت واعيط وأحط ايدي ع دماغي لعل الافكار تمشييييييي
ويزيد الامر سوء لتاتي افكار حول وجود الله
اصلي لاني مسلمه موحده لكن بدون اقتناع
بقيت بتخانق وببعد عن الناس عشان مواجهش دايما بعيط حزينه مش راضيه قرفانه
ارجوكوا ساعدوني اعمل ايه هل هتعافى؟؟؟
طب هل هتعافى لوحدي ولا لازم تدخل طبيب هل دا مرض نفسي فعلا
وعليكم السلام ورحمة الله. أولاً، أنا آسفة جداً للمعاناة اللي بتمري بيها، وأقدر إنك حاسة بالإرهاق والحزن والشك في كل حاجة، حتى في إيمانك. اللي بتصفيه ده مش مجرد "وسواس عادي"، ده شكل من أشكال الوسواس القهري (OCD) الديني، وهو مرض نفسي حقيقي معترف بيه طبياً، مش ضعف إيمان أو تقصير منك. الأفكار اللي بتيجي بدون إرادتك (زي الشتم أو الشك في الله أو الحاجة لرد "مقنع" على كل فكرة) دي أعراض معروفة، ومش ذنبك. هل هتتعافي؟ نعم، كتير من النساء اللي بيعانوا من نفس النوع ده بيتحسنوا تحسن ملحوظ لما ياخدوا العلاج المناسب. بس مش هتتعافي لوحدك، لأن الوسواس ده بيشتغل زي "دائرة مغلقة" في الدماغ، ومحتاج تدخل متخصص عشان يكسرها. الست شهور اللي عملتيها قبل كده كانت خطوة صح، واللي وقفتيها بسبب التكلفة مفهوم، لكن الاستمرار أو البحث عن خيارات أرخص (زي عيادات حكومية أو برامج علاج معرفي سلوكي) هو الطريق الأكثر فعالية. الدواء أحياناً بيساعد في تقليل شدة الأفكار، والعلاج النفسي بيعلمك طرق عملية تتعاملي بيها مع الفكرة بدون ما تتفاعلي معاها أو تحاولي "تردي" عليها. من الناحية الإيمانية، الوسواس ده غالباً بييجي من الشيطان عشان يبعدك عن الصلاة والراحة، لكن العلاج الطبي مش بيتعارض مع الدين؛ بالعكس، كتير من العلماء بيشجعوا عليه لأنه بيساعد الإنسان يرجع يمارس عباداته بهدوء. حاولي تركزي على الصلاة باختصار وثبات حتى لو الأفكار موجودة، وادعي الله إنه يشفيكِ وييسر أمرك. أنتِ مش لوحدك في المعاناة دي، وابحثي عن أسئلة مشابهة على فدني عشان تشوفي تجارب تانية. لو قدرتي ترجعي لطبيب نفسي (حتى لو جلسة واحدة في الأسبوع أو استشارة أولية) هتبقى خطوة قوية نحو التحسن. خديها خطوة بخطوة، وربنا يفرجها عليكِ ويهدي بالك.
تم النشر الأربعاء، ٨ يوليو ٢٠٢٦
السلام عليكم ورحمه الله وبركاته طالما الموضوع بادئ من واحنا صغيرين. وبمساله ان احنا نشتم الزيت الالهيه وكل التطورات دي والافكار المتلاحقه دي وكان حد من جوه عمال بيكلمنا وبيسالنا ومش سايبنا في حالنا فاحنا هنا قدام حاجه محتاجه طبعا متابعه مع طبيب نفسي مش هينفع تتعاملي في الموضوع ده ولو جربنا تجربه وما نجحتش فاحنا هنا لازم نتاكد ان احنا يعني ماشيين العلاج مضبوط يعني ممكن متابعه مع الطبيب لكن انا بيتطلب مني حاجات مش بعملها ده مش بيساعد. هتحتاجي حاجات بروتينك تكون مضبوطه روتين يومك طريقه تعاملك مع الافكار ودي بتكون الشكل الموازي بقى يعني انا هروح للطبيب نفسي مثلا هيساعدني بادويه وهحتاج في نفس الوقت اكون بتابع بجلسات مع اخصائي بقى وتبقى جلسات زي العلاج اللي ما عرفتش السلوكي سي بي تي او غيره وكلها بتبقى حاجات هتبدا تغير من عاداتي. بتعلمني ازاي اتعامل مع مشاعري واتعامل مع اطفالي وده هيفرق جدا جدا انصحك تبدئي تتابعي مع طبيب مره تانيه وان شاء الله كل الامور تكون احسن.
تم النشر الأحد، ١٢ يوليو ٢٠٢٦
لما تلاقي نفسك جالك وسواس استعيذي بالله وخلي الاستعاذة مداومة علي لسانك
تم النشر الجمعة، ١٠ يوليو ٢٠٢٦
كثرة الإستعاذة
تم النشر الجمعة، ١٠ يوليو ٢٠٢٦
هو العلاج حياخد وقت و اسمها رحلة علاج لان الامراض النفسية بتبقي غلسة و بتاخد وقت و مش حاجة تعيبك اطلاقا لانه مرض زيه زي اي مرض بس لازم تعرفي عن دينك لانك كدة عرضة للالحاد فيه ناس كتير ردودهم مقنعة علي اليوتيوب شيوخ زي محمود نصار و محتاجة عمتا تقري كتير
تم النشر الجمعة، ١٠ يوليو ٢٠٢٦
اخرجي من منطقة الوساوس والتشكيك في النفس إلى منطقة الاطمئنان والثقة بالنفس ...... الوسواس والتشكيك وقلة الثقة سببها معصية الله
تم النشر الجمعة، ١٠ يوليو ٢٠٢٦
لعرض السؤال في فدني اضغط هنا