السلام عليكم
انا من قبل بابا يموت بسنة كنت بسمع اصوات في دماغي و مش عارفة ليه كنت ديما بحس بخوف و قلق و النفسيه كانت صعب خلص و كنت بشوف حاجات وانا صاحيه و اقعد ابكي و الحاله دي من 7 سنين و لحد دلوقتي انا تعبت و مش عارفة اعمل ايه هل دي طبيعي ولا ايه و كمان ببقى عاوزة اموت نفسي بس بعد كدا ارجع في كلامي و أستغفر ربنا انا بجد تعبانه
بصي أول حاجة لازم تعرفيها إن اللي بتمرّي بيه ده ابتلاء في صحتك، وزي ما الجسم بيتعب الروح كمان بتتعب، وربنا سبحانه وتعالى رحيم بيكي وعارف حجم الألم اللي حاسة بيه. ووجود الحس الديني عندك وإنك بتستغفري وبترجعي عن الأفكار دي، دليل كبير على نقاء قلبك وقربك من ربنا، فما تخليش الشيطان يدخلك من باب الشعور بالذنب. وفي الإسلام، ربنا أمرنا بالتداوي. زي ما بنروح لدكتور عشان دور برد، الحالة دي محتاجة دكتور شاطر يساعدك. ده مش ضعف إيمان، بالعكس، السعي للعلاج هو قمة الإيمان والتوكل على ربنا. و حاولي دايماً لسانك يكون رطب بذكر الله (ألا بذكر الله تطمئن القلوب)، والوضوء والصلاة بيجددوا الطاقة النفسية، بس خليهم راحة ليكي مش واجب تقيل عليكي. و ربنا خلقك وليكي دور ومكان في الدنيا، والأفكار الصعبة دي مجرد سحابة هتعدي بإذن الله بالعلاج والصبر. ...ولا تقتلوا أنفسكم إن الله كان بكم رحيماً. بصي أهم حاجة دلوقتي إنك تتكلمي مع حد تثقي فيه من أهلك عشان يساعدك تروحي لدكتور متخصص، لأن الحالة دي لها علاج هيخليكي ترجعي تعيشي حياتك بسلام. ومتخافش هتتحل باذن الله ،بعتذر على الإطالة 😊 وجد ربنا يحفظك ويسعدك
تم النشر الأربعاء، ١١ مارس ٢٠٢٦
وعليكم السلام ورحمة الله وبركاته 🌸 أول حاجة، أنا حزينة جداً على اللي بتمرّي بيه، وده مش طبيعي خالص ولا هين، وأنتِ مش لوحدك في ده. الهلاوس السمعية والبصرية (زي الأصوات في الدماغ أو الرؤى وأنتِ صاحية) مع الخوف والقلق الشديد والأفكار السودة دي ممكن تكون علامات اضطراب نفسي زي الاكتئاب الشديد أو الفصام، خاصة إنها مستمرة 7 سنين. والحمد لله إنك بترجعي تندمي وتستغفري، ده دليل قوة إيمانك وقدرتك على التمسك بالحياة. خطوات عملية دلوقتي عشان تتخلصي من ده: روحي لدكتور نفسي فوراً : اتصلي بأقرب مستشفى نفسي حكومي أو خاص (زي مستشفى العباسية أو أي عيادة نفسية في منطقتك). هما هيعملوا تقييم ويوصفوا دواء يهدّي الأصوات والهلاوس والأفكار دي، وده بيحسّن الحالة في أسابيع. متأجليش، خاصة مع أفكار الموت – ده طوارئ. دعم روحاني يومي : صلّي الفرائض ولو قصيرة، واقرئي سورة البقرة يومياً (بتبعد الوساوس والشيطان). كرّري "أعوذ بالله من الشيطان الرجيم" كل ما تسمعي صوت أو تشوفي حاجة. استمري في الاستغفار والدعاء: "اللهم اشفني شفاءً لا يغادر سقماً". روتين يومي بسيط : نامي 7-8 ساعات، كلِي أكل صحي (فواكه، خضار، مكسرات)، وامشي 20 دقيقة يومياً في الشمس عشان فيتامين D يدعم المزاج. أنتِ قوية وهتقدري تتغلبي عليها بالله، بس العلاج الطبي أساسي. لو عاوزة دعم أكتر، شوفي الخبراء في Fedni هنا: https://www.fedni.net/experts – فيه دكاترة نفسية ومستشارين هيساعدوكِ. وابحثي في Fedni عن "هلاوس سمعية" عشان تشوفي إجابات تانية. ربنا يشفيكِ ويفرّج همّكِ يا رب 💕
تم النشر الثلاثاء، ١٠ مارس ٢٠٢٦
ده اكيد مش طبيعي فهماكي بس اعرضي حالتك ع طبيب نفسي هو اللي هيفهم اصل انت لو شايفه في مشكلة فعلا متعرضيهاش ع موقع تعرفيها ع طبيب انا عارفه قد اي بيمصو الدم بس مفيش حاجه سهلة و توكلي ع الله و ابدأي طريقك حتى لو حسيتي فترة بالاستقرار لازم تتابعي
تم النشر الأربعاء، ١١ مارس ٢٠٢٦
لعرض السؤال في فدني اضغط هنا