انا والدتي اتوفت من 3 سنين وحرفيا شوفت الويل من بعدها ودخلت في حالات نفسية واخدت ادوية نفسية وحاولت الانتحار مرتين كل دا بسبب ابويا واخويا ومراته وام ابويا لغاية الحمد لله سبت البيت وروحت لاهل امي وحياتي بقت جنة بس بقى عندي برود شديد يعني لسه حالا جايلي حالة وفاة حد قريبنا جدا يعني من الدرجة التانية ومحستش بأي حالة هل دا طبيعي ؟ انا كدا كويسة ولا انا فيا حاجة غلط؟ @Psy-a'laa M. Abdulhamid
شعور البرود العاطفي بعد تجارب صعبة زي اللي مريتي بيها مش غريب وده جزء من رد فعل النفس على الصدمة والخسارة والفقد. لما الإنسان يتعرض لصدمات متكررة أو يفقد الأشخاص اللي كانوا مصدر أمان له، أحيانًا الجهاز النفسي بيعمل نوع من “الانفصال العاطفي” كآلية دفاعية للحماية من الألم. ودا مش معناه انك غلط ولكن ضروري تتواصلي مع أخصائية نفسية تقيم وضعك وتقدم لك الدعم المناسب للتخطي.
تم النشر الثلاثاء، ١١ نوفمبر ٢٠٢٥
عبري عن مشاعرك وخرجيها بدل ما تتجاهليها وتتراكم
تم النشر السبت، ١٥ نوفمبر ٢٠٢٥
كنت بكتب في الاول بس من فترة بطلت ..في حاجة منعاني من الكتابة مش عارفة ليه وبقالي فترة بفكر في كل حاجة مريب بيها احيانا بتعصب منهم ومن نفسي اني كنت ضعيفة واحيانا دموعي بتخوني وبتنزل وبزعل علي نفسي وعلي اللي حصلي
تم النشر السبت، ١٥ نوفمبر ٢٠٢٥
ببساطة احتمال ان الأذى اللي اتعرضتي له كان لا يمكن تحمله .. فكان في توتر شديد متقدريش عليه فالجسم أتعامل مع التوتر بطريقة تانية وهو انه فصلك عنه فبقيتي في موقف صعب بس مفصولة عن التوتر .... وده سبب ان يحدث حالة وفاة بس انك مش حاسة بحزن بسبب الانفصال عن الشعور .. وده مش مرض مزمن بس هو محتاج وقت ومحتاج انك تحاولي تتصلي بشعورك من جديد زي انك مثلا تعبري عن مشاعرك بالكتابة أو تفتكري المواقف اللي حصلت وتسألي نفسك ايه اللي كنتي حاساه
تم النشر السبت، ١٥ نوفمبر ٢٠٢٥
طب كويس والله -فعلا والله يمكن كدا احسن بكتير وانا مستريحة كدا -انا زمان كنت شخصية فرفوشة ولعبية وبعمل خاطر لكل اللي حواليا و بعمل حساب لكا الناس وبخاف علي مشاعر كل الناس مكنتش بتعصب بسهولة يعني كل كام يوم مرة وكنت بخاف من ان حد يتكلم عليا او حد يسرخ عليا كنت بخاف من تفكير الناس وكنت بزعل لو حد قالي حاجة وحشة او كلمني بطريقة وحشة -بعد كدا ماما اتوفت وانا حرفيا عشت في جحيم بعدها-جالي تبلد انا حاليا مش بتاع زمان انا بقيت شخصية عصبية جداااااااااا ونفس الوقت بقي فيا برود مش فحد مش بخاف من حد مش بيهمني حد الناس بقت بتعملي حساب لا بيهمني راي حد ولا اي حد شايفني ازاي مش بعمل حساب لحد غير للناس اللي بحبهم بجد اهلي اللي عايشة معاهم دلوقتي هما حياتي ولو طلبوا روحي فدهم لكن غير كدا بقيت بخوف والله واللي يفكر يعلي صوته عليا اخرسه -مبسوطة بشخصيتي الحالية - شكرا ليكي يا ميرو انك بشرتيني بس بالنسبالي بشرة حلوة يعني هضيف علي صفاتي اني قلبي ميت
تم النشر السبت، ١٥ نوفمبر ٢٠٢٥
تم النشر السبت، ١٥ نوفمبر ٢٠٢٥
لعرض السؤال في فدني اضغط هنا