هل ده طبيعي كل ماتحاولي تأسسي الطفل علي حاجه كويسه يعملها قدامك ومن وراكي يرمي كل حاجه .. قدامك بكلام ومن وراكي كلام تأتي وكذاب غير مبرر تماما باستمرار
طبيعى يعمل كده لان غالبا اتجاه التوجيه كله انه يسمع كلامك ويعمل الصح وبس معندهوش حافز غير انه يريحك ويبسطك ويسمع كلامك فخلينا نركز فى تأسيس صح وتوصليله الهدف من الصح ده ايه وابعادة ايه يعنى مثلا ....روق اوضتك عشان احبك او اتبسط منك ..او عشان الشطار بيبقوا منظمين ( ده مش تأسيس ومش حاجة هتثبت وهيعملها قدامك ومن وراكى هيريح دماغه ومجهوده) البديل للتأسيس ...يفهم انه بيروق اوضته عشان ميتجمعش مثلا تراب ويأذيه ونوريه مثلا فيديو ان التراب جواه ميكروبات وحشرات مثلا نوريه الفرق بين الاوضه المترتبه سهل نلاقى حاجاتنا فيها وبتبقى مريحه ..لكن الاوضه المكركبه هتضيعلنا وقتنا عشان نلاقى حاجاتنا وقيسى على ده امثله كتير الكذب بقى محتاجين نزرع اكتر فكرة مراقبة ربنا ومراقبته لنفسه ..وان الضرر مش ان ماما تعرف ...لكن الضرر ان ربنا يشوفك فيعتبرك شخص مش كويس ومش هيبعتلك رزق من الحاجات اللى بتحبها .
تم النشر الاثنين، ١٣ نوفمبر ٢٠٢٣
• هذا غير طبيعي بالطبع ، ودليل على وجود خلل ما ، حاولي التفاهم معه ، وإذا استمر الأمر توجهي إلى أخصائية نفسية لتعرف سبب هذا الوضع وعلاجه.
تم النشر الخميس، ٢٥ يناير ٢٠٢٤
لعرض السؤال في فدني اضغط هنا