ماذا أفعل مع شعوري الدائم أني عديمة الفائدة وعبء على أهلي ومنبوذة من الجميع؟

اكتر حاجه مؤلمه فى الحياه انك تعد عدد سنين عمرك وتلاقي انك كبرت وبالرغم من ده انت محققتش اى حاجه وعايش علي فلوس أهلك وبتحس انك عبأ كبير عليهم في ناس كتير قدى أو أصغر منى قدروا يحققوا حجات كتير وانا لسه ف مكانى معنديش موهبه ولا عندى اى تشغل وقتى غير التليفون معرفتش انجح فى حاجه طول حياتى حتى فى العلاقات انا اكتر حد مكروه ومنبوذ من الكل كلهم بيبعدوا عنى حاسه انى مش عارفه افهم حكمة ربنا ولا أعرف انا المفروض اعمل ايه ولا حتى انا جايه الدنيا عشان اعمل ايه مش فاهمه حاجه وحاسه انى تايهه ومش ف احسن حال وفى تشتت كبير فى دماغى كل ده وانا 16 سنه

سؤال من احد أعضاء فدني

تم النشر الجمعة، ١٧ نوفمبر ٢٠٢٣

2 إجابة

انتى بتقولى انك قاعده على التليفون على طول طيب ما انتى ممكن تستفادى من التليفون ده كمان يعنى مثلا اهم حاجه اليومين دول علشان تقدرى تشتغلي في اى مكان لازم يكون معاكى لغه يعنى ممكن تنزلي كورس انجلش وتطبيقات وتبدأى تنمى نفسك بدرى ده هينفعك كتير ويوفر عليكى لما تكبري انك مش هتبقى لسه هاتخدى كورس لا انتى هتكوني واخده ومخلصه بصراحه انا أكتر حاجه ندمت عليها أن انا معملتش كده وقت ما كنت فى عمرك والوقت بقيت مشغوله ومطالبه بانى اخد اكثر من كورس مش واحد بس وكمان مذاكرة وحاجات تانيه كتير فأنت ابدأى دلوقتي وكويس انك فهمتي نفسك بدرى ده دليل على الوعد الذاتي العالى إلى عندك وتقديرك لنفسك وبالتوفيق ان شاء الله

تم النشر الاثنين، ٢٠ نوفمبر ٢٠٢٣


بصى ياعمرى مفيش حد ربنا خلقو مش ليه فائده انتى دلوقتى بتمرى بفترة مراهقة ودى اصعب فترة فى الحياة هتاجى فترة هتحسى نفسك طائرة من الفرحه وفترة هتتمنى لو انك مش اتولدتى بس بايدك انتى انك تغير حياتك ابدئى صح صاحبى بنات كويسه وملتزمة والتزمى بالصلاة وحاول مش تقعدى على التلفون وقت إلى بالتجمع فى العيلة واندمجى معاهم وحاولى مش تقعدى لحالك كتير لان كده انتى بتزودى احساسك بالوحدة

تم النشر الأحد، ١٩ نوفمبر ٢٠٢٣

2 تعليق

انا عارفه أن 16 سنه يمكن يكون صغير لكن الواحد مش ضامن عمرو عشان كده لازم يحقق انجازات مش يعيش بلا هدف وكمان انا حسيت أن اليوم بتاعى بيتكرر وده حاجه مش حلوه أن اليوم بتاعى تليفون وانزل دروس وتليفون وشويه مزاكره واكل وانام مفيش اى حاجه خالص وده بقالو سنين كمان

تم النشر الجمعة، ١٧ نوفمبر ٢٠٢٣


16 سنه !! مافيش حاجه ضاعت بالعكس انت بدأت تدرك دا بدري ...اول واكبر غلطه وقعت فيها المقارنه انت مش ف سباق مع حد فى جمله قولتها ان مافيش حاجه بتشغل وقتك غير التلفون دا سبب كافي يخليك متخطيش اي خطوة ف حياتك قلل منه خالص واكتشف نفسك بتحب اي نقاط القوة عندك اي واستغلها نقاط الضعف وحاول تحسنها

تم النشر الجمعة، ١٧ نوفمبر ٢٠٢٣

لعرض السؤال في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك