بمر بفترة صعبه فترة مش عارفه اتخطي الذنوب
وازاي عملت كدا
فكرة ان الشخص ببقي ع ثقه مستحيل يعمل الغلط دا
ويقع فيه الموضوع مرهق اوي
توبت ومازلت بس انا لي عملت كدا
مافي بنات معملتش كدا طب لي حصل كدا ؟؟؟
مش عارفه اخرج من الدوامه دي بقالي اربع شهور في التوبة بس هو. لي حصل دا قلبي واجعني
ويجي بوست لاحد المشايخ يقلك اتجوزها بكر ف مشاعرها
وناس ترد احنا محتاجين بنت صالحه من الاول مش تقع في الذنب وتلتزم يعدها
نفسيتي تعبت كل م احاول اتقدم ف طريق ربنا بشوف بوست أو شبه ذلك
واتعصب وادايق من نفسي وببقي نفسي انتحر استغفروا الله
أختي العزيزة، أشعر بألمك الشديد وأنتِ تكافحين مع هذه الدوامة من الذنوب والندم. أربعة أشهر من التوبة الصادقة دليل على قوتك، وليس ضعفك. الله يقبل التوبة من عباده مهما كانت الذنوب، كما قال تعالى: "وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَّحِيمًا". الشعور بالذنب طبيعي، لكنه لا يجب أن يتحول إلى عقاب ذاتي مستمر. الفكرة التي تؤرقكِ عن "لماذا وقعتِ في هذا بينما غيركِ لم يفعل" شائعة، لكنها غير مفيدة. كل إنسان له قصته وظروفه، والبنات اللواتي لم يقعن في ذنب معين لسن أفضل بالضرورة؛ المهم هو من يتوب ويصلح. قارني نفسكِ بنفسكِ فقط، وركزي على التقدم الذي أحرزتِه. الشيطان يحب أن يجعلكِ تعيدين التفكير في الماضي ليمنعكِ من الاستمتاع بالحاضر والمستقبل. للخروج من هذه الدوامة، جربي خطوات عملية: اكتبي يومياً ثلاثة أشياء إيجابية فعلتِها أو تعلمتِها من التجربة، لتعيدي توجيه عقلكِ نحو البناء بدلاً من الهدم. زدي من الأعمال الصالحة مثل قراءة القرآن والصدقة، فهي تكفر السيئات وتملأ القلب بالسلام. عندما يأتي فكر "لماذا حدث هذا"، قولي لنفسكِ: "تبتُ، والله غفور، وسأستمر في الإصلاح". تجنبي المنشورات التي تثير هذه المشاعر مؤقتاً، وابدئي بالتركيز على بناء ثقتكِ بنفسكِ من خلال أهداف صغيرة يومية. أنتِ لستِ وحدكِ في هذا، وكثيرات مررن بمشاعر مشابهة وخرجن أقوى. ابحثي عن أسئلة مشابهة على فدني لتري تجارب أخرى. أنتِ قادرة على تجاوز هذا، وأنا هنا لدعمكِ خطوة بخطوة.
تم النشر السبت، ١٨ يوليو ٢٠٢٦
البني آدم عادي يغلط بس مش العادي أنه يكرره مفيش حد مبيغلطش فكري نفسك بكدا وكويس انك اتعلمتي من اخطائك وعندك نفس لوامة وده بيشفعلك ودي عموما وسوسة شيطان متقعديش لوحدك كتير ولما مثلا تيجي تفكري في حاجة الهي نفسك بالذكر أو بالصلاة وربنا يغفرلك ويغفرلنا جميعا يارب ونصيحة محدش ف الدنيا ينفع يعرف ذنوبك ربنا يستر وطالما مقولتيش وده بينك وبين ربنا هيبقي اريح
تم النشر الأحد، ١٩ يوليو ٢٠٢٦
هم يعني الي بيعلقو ويكتبوا كدا معملوش ذنوب يعني ،علفكرة اغلب الي بيكتب كدا بيبقى عمل كتير واذنب كتير عادي متخليش حد يحسسك انو الملاك البرئ وانتي الشيطان،يا حبيبتي في شيوخ بيطلعوا يتكلموا ويعملوا نفسهم ملايكه وهم في حياتهم عاملين بلاوي متاخديش بالمظاهر دا احنا كلنا ماشيين بستر ربنا ،والشخص فعلا الي بيتقي الله مبيقعدش يتكلم عن صلاحه كتير ويقلل من غيره لأن الشخص دا عارف ان مفيش حد كبير على الذنب بندعي ربنا يثبت قلوبنا بس (إن القلوب بين اصبعين من اصابع الله يقلبها كيف يشاء ) فركزي مع نفسك بس طالما انتي صادقة في توبتك وبتحاولي مع نفسك بصدق ميهمكيش اى حاجه تانية وانتي نيتك أن الشخص الي هيجيلك دا هتسعديه وهتتقي الله فيه خلاص متفكريش في الي فات وخليكي مع ربنا سيبك من البشر مبيبطلوش تنظير
تم النشر الأحد، ١٩ يوليو ٢٠٢٦
السلام عليكم ورحمه الله وبركاته. السلام عليكم ورحمه الله وبركاته.السلام عليكم ورحمه الله وبركاته. اهم حاجه تركزي علينا المجاهده والحنيه دي وفي المقاومه اللي هنبدا الشيطانها معاكي. وفكره التوبه هو انك تفتكري انه السؤال اللي انت بتساليه ازاي عملت كده ازاي وقع ده انك انسان واساسه توضح لما بنسموه طويل ان احنا كبار على بيحصل كده جوانا حته زي ال انت تكلمتي عنها في تعليقات كذا مي ان صديقتي في المنتخب قالت لك طب ما انا عمري ما عملتش كده. من جزء ده صعب جدا جدا من الانسان يكون فكره يكون فاكر ان هو بيعيد عن حاجه ده بيبقى نوع من انواع التحدي قصاد طبيعتها البشريه يعني اللي هو يعني ذكر الينا. فانه لو ربنا اراد ناس ما بيخطقوش على فكره عادي جدا ولو ربنا اراد ان هو يبدل القوم لو احنا ناس ما بنغلطش ربنا هيبدلنا خالص بناس بتغلط كده لا دي معانا دم كتير فلازم تبقي عارفه. يعني طبيعتنا البشريه وصلنا في الله في الارض هو ان احنا بشر ونخطئ لازم الخطا ده لحد فين لا بقى ده ده موضوع بقى لوحده ده هو اللي احنا بنبدا نحط له قصادنا اول حاجه اعتراف بضعفه. فاحنا ما بنقربش ناحيه المكان اللي ممكن يوديه للغلط علشان احنا معترفين احنا ما بنقولش لا لا احنا تمام جدا واقويه جدا فانا هروح وهعدي جنب المكان اللي فيه اغاني وعمري ما هرد في اغنيه كده انا مش معترفه بضعف احنا انبسطش طبيعيا وضعفاه المفروض ان انا احاول الامكان ابعد عن الظروف اللي ممكن توديني للغلط لانه الغلط هو بيجي بايه بمراحل اللي هي ربنا عز وجل ذكرهن قال لنا خطوات الشيطان الخطوات خطوات بلاقي نفسي خلاص انا بقيت في اخر الطريق فاول حاجه تعرفي السؤال نزاه عملت حادثه لان استهلت ومش محتاجه استخدم بضعف خالص بالعكس اعترف بيه الاول عشان ادور ايه الدرع اللي انا محتاج ان انا اعمله عشان ضعفي اه مش غلط ايه المقاومات اللي انا محتاج ان انا اعود نفسي عليها اقاوم ازاي واجهز ازاي نفس الاماره بالسوق واقاوم الافكار الغريبه ازاي حاجات كثيره جدا على فكره بتبقى من اكثر الحاجات اللي بتوقع الناس اللي هم منهم كبير هو الشيطان ويبدا يقلل من ايمانهم ونقطه الايمان خطا معفنه اكثر النقط اللي بتوقع في ذلك من النقطه دي. نقطه بقى اللي من نفس السياق كده هي نظره الاخرين. انا اكثر حاجه محتاجه اركز عليها وانا بصلح من اخطائي هو ان انا المهم انا. انا اركز على نفسي مش مهم شايفين ازاي الناس ما بتعرفش وقت الحقائق يسمع ما تعرفش تبص على كان انت عملتي حاجه وهم تعبئه وصدقت ان انت ذكرتيها مش حقيقي خالص بالعكس ده احنا ممكن يكون صنف الابتلاءات اللي فيها ان احنا استكبرنا على خطا وقلنا لحد انا مش ممكن اعرف نفس الخطا زيك فانا ابتلى باني اعرف نفس الخطا وده بيكون عقاب على ان انا قللت من الشخص ده وافتكرت نفسي انا اكبر منه بكثير او اعلى منهم دي مثلا يعني عمري ما اقعد وقعد ولا مش حقيقي. ملكيش دعوه بالاخرين خلينا دايما نبص على مسمى اللي انت قلتيهم حتى الا انا عايز واحده تكون يعني ما وقعتش اصلا بالغلط ومش مش برضه مني انا اصلا مش عايزه الشخصيه بالعكس انا اللي كنت الاختيار انا مش عايزه شخص بيكون بيوقف على الاخطاء ممكن ما يكونش قادر يت. البشريه وعايز يتعامل معايا بملاكيه شخص غير مسموح للخطا او ااا هيبقى بيتعامل معي بالورقه والقلم او بالشكر والسكينه انت بتقولي لا ده انا لو ظهر لي العقليه دي انا اللي هرفض. ني عندك ثقه في نفسك اكثر وركزي على امكانياتك وش ربنا خلقك عليها وما لكيش دعوه بموازين البشر لان موازين البشر.
تم النشر الأحد، ١٩ يوليو ٢٠٢٦
السلام عليكم، احنا بشر وطبيعي نذنب ونقع في الذنوب ونتوب ونرجع نقع فيها. دي طبيعتنا وربنا قال لو مش بنذنب ونتوب كان خلق غيرنا بيذنبوا ويتوبوا ويغفر لهم. المهم إنك بترجعي بسرعة وتتوبي. (وَالَّذِينَ إِذَا فَعَلُوا فَاحِشَةً أَوْ ظَلَمُوا أَنفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَن يَغْفِرُ الذُّنُوبَ إِلَّا اللَّهُ) *** متخليش الشيطان يضحك عليك بالوساوس دي ويخليك تيأسي من نفسك ومن رحمة ربنا ومغفرته. وقعتِ مرة ولا ألف مرة ارجعي بسرعة وتوبي وربنا بيقبل التوبة. ليه بنات معملتش كده؟ تمام... ممكن عملوا ذنوب مختلفة أو حاجات اصعب.. متفكريش بالطريقة دي. *** والكلام اللي سمعتِه ده ارميه ورا ضهرك. مفيش حاجة اسمها بكر في مشاعرها ولا الغباء اللي في التعليقات ده، هيعرف منين ويتأكد إنها بكر في مشاعرها. ده وصلت مع بعضهم إن حتى الإعجاب القلبي اللي مفيش عليه لوم ولا تحكم يقول لك المفروض البنت المحترمة اللي نرتبط بها متكونش حتى حست بإعجاب ولا قلبها مال لحد. ومش بعيد في الآخر ممكن يقعوا مع بنات بيمثلوا عليهم الأخلاق والبراءة. هم بيكونوا عاملين بلاوي ومصاحبين بنات قد كده وحتى يقعوا في الكبائر مش مشكلة بس ييجوا عند البنت ويقولوا عاوزينها مش عارفة إيه. شرعا أصلا ملهمش حق يسألوا عن الماضي وشرعا البنت مهما أذنبت وتابت بعد كده دي حاجة بينها وبين ربنا وملهمش حق يحاسبوها أو يسألوها حتى. ** فكك من كل دول وركزي على نفسك، غيري نفسك عشان ربنا وعشان نفسك مش عشان حد تاني يرضى عنك ولا يشوفك الزوجة الصالحة. مش أي حد يطلع على الميديا وعامل دقن ولا بيتكلم في الدين نحسبه شيخ وعالم وناخد كلامه. أي حاجة راجعيها بالشرع وتأكدي.. ولا تخلي أي كلام سلبي يؤثر عليك. ربنا معك.💚
تم النشر السبت، ١٨ يوليو ٢٠٢٦
متديش فرصة للشيطان يحطك ف الدوامة دى .. كترى طاعاتك هتنسيك
تم النشر السبت، ١٨ يوليو ٢٠٢٦
لعرض السؤال في فدني اضغط هنا