السلام عليكم.
ممكن استفسار بدون تجريح واجابه بدون تجريح؟
انا دلوقتي المبلغ اللي معي الشهري القبض الشهري بتاع زوجي بيديني 3000 جنيه. فانا ازاي امشي بيتي بيهم؟
مع العلم ان انا بدفع منهم الكهرباء 500 جنيه. ومنظفات 500 جنيه. 200 غاز و 1200 جنيه دروس بناتي ومصروفاتهم.
فانا عايزه اعرف مشي بيت ازاي بالباقي؟ انا ظروفي مش مستقره خالص وعايزه اعرف امشي بيتي ازاي باللي بيتبقي؟ اجيب ايه ولا امشي ازاي لان احنا الدنيا بصراحه معك قوي بس مش عاوزه حاجه من حد ربنا يعينني
مع العلم انا بحفّظ قرآن بمقابل مادي بسيط جدا بس الظروف الله المستعان امشي بيتي ازاي بالباقي ومن ناحية ترشيد الاستهلاك للكهرباء أو المنظفات انا بجيب أقل الأشياء كنت بغسل الملابس في غساله اتوماتيك مابقيتش اغسل فيها بقيت أغسل في العاديه
و عليكم السلام و رحمة الله و بركاته ربنا يزيدك من فضله و يرزقك الخير كله يارب طبعا الأساسيات مش هنقدر نلعب فيها لان دي أساسيات مش رفاهيات لكن ممكن نتحكم في الكهربا شوية يعني مثلا منسبش الشاحن في الفيشة الا عند الحاجة المروحة أو التكيف يشتغلوا مثلا فترات الصبح عشان الحر كام ساعة و بعدين نقفله، و مش لازم كل أجهزة البيت تكون شغالة ممكن كل افراد العيلة يقعدوا في الصالة أو في اوضة واحدة مش كل واحد في حتة، و ال600 جنيه اللي فاضلين حوشيهم كل شهر و متستخدمهمش الا في أضيق الحدود و حضرتك قولتي انك محفظة قرآن اللهم بارك و بتاخدي اجر ف ممكن تصرفي من أجرك اللي بتاخديه و تسيبي المبلغ الباقي من القبض عشان تحوشيه و تجمعي مبلغ حلو يكون للبيت مثلا او مشروع أو تجيبي حاجة جديدة للبيت، و ع فكرة دي ميزة حلوة اوي عشان تعلمي بناتك يوفروا و ميسرفوش و يكونوا عارفين قيمة الفلوس و يقدروا قيمتها و يتعلموا كمان ازاي يحوشوا و ازاي يصرفوا ف دي فرصة حلوة انك تعلمي بناتك نسيت اقول حاجة خصصي جزء من الفلوس للصدقة يكون مبلغ ثابت كل شهر تتصدقي بيه و هتشوفي العجايب بالصدقة دي
تم النشر الاثنين، ٣٠ يونيو ٢٠٢٥
وعليكم السلام ورحمة الله يا غالية، أولاً أحب أشكرك على صدقك ومشاركتك وضوح مشكلتك، وأنا هنا أكيد هساعدك بأفضل ما عندي وبكلام محترم ومتفهم جداً. خلينا ننظم مع بعض مصاريف البيت على قد ما نقدر ونشوف إزاي ممكن تدبري الميزانية بشكل عملي: 1. حساب التكاليف الثابتة: الكهرباء 500 جنيه. منظفات 500 جنيه. الغاز 200 جنيه. الدروس النفقات 1200 جنيه. المجموع = 2400 جنيه. تبقى معاك 600 جنيه فقط بعد المصاريف الأساسية. 2. تحليل وحلول ممكنة: المنظفات: هل في إمكانية تقليل المصروف هنا؟ مثلاً استخدام منظفات أكثر اقتصادية أو تقليل الكمية شوي يعني ممكن تستخدمي مثلاً 300 بدل 500 لو ممكن. الكهرباء: هل فيه طريقة لترشيد الكهرباء؟ مثل فصل الأجهزة غير المستخدمة، وعدم تشغيل أنوار غير ضرورية، استخدام لمبات موفرة للطاقة. الغاز: هل ممكن تغيير طريقة الطهي لأكثر توفيرًا مثل استخدام حلة ضغط أو الاستفادة من طهي دفعة واحدة لأكثر وجبات؟ مصروفات البنات: هل هناك فرصة للتفاوض مع المدرسة أو الدروس على تخفيض التكاليف مؤقتًا أو البحث عن حلول بديلة مثل المذاكرة مع بعضهم في البيت أو مدرس خصوصي بميزانية أقل؟ 3. استخدام الباقي (600 جنيه): حاولت تخصيص جزء للطوارئ الصغيرة. 100 إلى 150 جنيه على الأقل تكون جاهزة لأي حاجة مفاجئة. باقي المبلغ يمكن تخصيصه لشراء احتياجات البيت الأساسية (أكل، حاجات ضرورية). 4. نصائح إضافية: إعداد قائمة شهية ومقتصدة بالمواد الغذائية وتركيز على الأصناف الأساسية والمغذية. شراء الأطعمة من أماكن تخفيضات أو الجملة. إذا فيه فرصة عمل صغيرة بسيطة أو نشاط منزلي يمكن تعمليه لتزيدي الدخل، حتى لو شيء بسيط منه. 5. لا تنسي: الدعاء واليقين بأن الله سبحانه وتعالى سيسهل الأمور، فلكل ضيق مخرج. تقبلي أن الوضع مؤقت بإذن الله. لو تحبي، ممكن تعملي استشارة مع خبير مالي أو مدرب حياة لمساعدتك في ترتيب الأمور بشكل أدق حسب تفاصيل حياتك، ويمكنك العثور على الخبراء المناسبين من خلال صفحة الخبراء في فدني . وأخيرًا، لا تترددي تسألي أي شيء، وأنا معاك خطوة خطوة. أتمنى لك السهولة والبركة يا غالية، وتذكري: "وَمَن يَتَّقِ ٱللَّهَ يَجْعَل لَّهُۥ مَخْرَجًا" (سورة الطلاق: 2). ذكية هنا دايمًا معكِ. 💛
تم النشر الأحد، ٢٩ يونيو ٢٠٢٥
هنجرح ليه بس سؤالك طبيعي ليه بتتوقعي العقاب وانتي مأذنبتيش بل بالعكس بتجتهدي وصابرة واللي بيجرح يبقا العيب فيه هو .. المهم المتبقي من المبلغ اللي بتاخديه لو مثلا ٦٠٠ ج خلي منهم ٥٠ ج على جنب للظروف والباقي ٥٥٠ ج في الشهر يبقا ممكن اليوم حوالي١٨ج تقريبا
تم النشر الثلاثاء، ١ يوليو ٢٠٢٥
عندي طفلتين
تم النشر الخميس، ٣ يوليو ٢٠٢٥
عندك كام طفل؟
تم النشر الثلاثاء، ١ يوليو ٢٠٢٥
لعرض السؤال في فدني اضغط هنا