هو اي حكم الدين لواحد بيلعب قمار اكيد انو حرام بس عايز اعرف بيعمل اي والسلبيات وكدا
حكم لعب القمار في الإسلام واضح تمامًا، وهو محرم بصريح القرآن والسنة. قال الله تعالى في سورة المائدة: "يا أيها الذين آمنوا إنما الخمر والميسر والأنصاب والأزلام رجس من عمل الشيطان فاجتنبوه لعلكم تفلحون. إنما يريد الشيطان أن يوقع بينكم العداوة والبغضاء في الخمر والميسر ويصدكم عن ذكر الله وعن الصلاة فهل أنتم منتهون". فالقمار (الميسر) يُعتبر من عمل الشيطان، ويؤدي إلى إفساد العلاقات بين الناس وإبعادهم عن العبادة. بالنسبة لمن يمارسه، فالإثم يتراكم عليه حسب درجة مشاركته، سواء كان يلعب للمتعة أو للربح. الدين يحذر منه لأنه يعتمد على الغرر والمخاطرة بأموال الناس دون جهد حقيقي، مما يؤدي إلى ضياع الحقوق وانتشار الحقد. في الدنيا، يسبب مشاكل مالية كبيرة مثل الديون والإفلاس، ويؤثر سلبًا على الصحة النفسية بسبب الإدمان والتوتر، كما يفسد العلاقات الأسرية والاجتماعية بسبب الكذب والخداع الذي يصاحبه غالبًا. أما في الآخرة، فهو من الكبائر التي تستوجب التوبة الصادقة، والتوبة تكون بالإقلاع الفوري والندم والعزم على عدم العودة، مع رد الحقوق إن أمكن. حاول أن تستبدل هذا النشاط بأشياء مفيدة مثل الرياضة أو تعلم مهارة جديدة أو حتى الصلاة والذكر لتقوية إرادتك. لو كنت تواجه صعوبة في التوقف، فكر في البحث عن أسئلة مشابهة على فدني لترى تجارب الآخرين وكيف تعاملوا مع الأمر. أنت قادر على التغيير، والبداية بخطوة صغيرة نحو الابتعاد عنه ستجلب راحة كبيرة.
تم النشر الأربعاء، ٢٤ يونيو ٢٠٢٦
بلاش تنزل قهوة و التزم بالصلاة و ابعد عن أصحابك اللي بتلعب معاهم و اشتغل و اشغل نفسك بمستقبلك و حياتك و من ترك شيئا لله عوضه الله خيرا منه و لو حسيت انك عايز ترجع العب شطرنج و العب رياضه عشان صحتك و إن شاء الله خير
تم النشر الجمعة، ٢٦ يونيو ٢٠٢٦
شوف مصدر حلال واعتمد عليه، وطبعا طبعا بمجاهدة النفس، لازم تجاهد نفسك الاقلاع عن اي ذنب عمره ما كان سهل
تم النشر الأربعاء، ٢٤ يونيو ٢٠٢٦
.ربنا حرّم القمار لأنه بيعتمد على الحظ والمال السهل، وبالتالي بيؤدي لضرر كبير على الفرد والمجتمع. لأنه ممكن يسبب الفقر، إدمان، ظلم، وتدمير العلاقات. فبالتالي، الإسلام بيمنع كل ده لحماية الناس. يعني بإختصار بسيط انت بتاخد فلوس من غير م تحس بتعبهم و كده عمرك ما هتكون حريص وانت بتصرف وهتكون مبذر ولو ما حصلش ففكر في الشخص اللي بتاخد منه الفلوس ممكن يكون عنده عيله مش لاقي حاجه ياكلهم فانت بتاخد ذنب العيله اللي يا عيني مش لاقيين حاجه دول ده غير كده انه بيكون زي الادمان وبيفسد النفس
تم النشر الأربعاء، ٢٤ يونيو ٢٠٢٦
ابعد عنك المصدر الذي يجعلك تفعل هذا الذنب ، أبعده تماما وإن عدت لا تيأس وأبعده مرة أخرى واستعن بالله واعزم على ترك الذنب
تم النشر الخميس، ٢٥ يونيو ٢٠٢٦
القمار اضراره أكثر من نفعه في الدنيا هتخسر فلوسك و هتهمل شغلك وهيكون سبب في خراب بيتك دا غير ان دعائك مش هيستجيب ربنا هيكون غاضب عليك وسوء الخاتمه وكل المشاكل دي فا انت حاول توقف اللي بتعمله وارجع ل ربنا وهو أساسا يعتبر نوع من انواع الإدمان زي المخدرات روح ل دكتور لو تقدر أو أبعد ودمر أي حاجه بتوصلك ليه وصدقني إما تبعد عنه هترتاح جدا في دنيتك والآخرة وفيه آيات كتير بتكلم عنه افتح المصحف ودور فيها
تم النشر الأربعاء، ٢٤ يونيو ٢٠٢٦
يعني ماله حرام، بياكل حرام، بيلبس حرام، بيوكل اهله حرام
تم النشر الأربعاء، ٢٤ يونيو ٢٠٢٦
بالظبط كدا يمحمد ❤️بحاول والله
تم النشر الأحد، ٢٨ يونيو ٢٠٢٦
وبقوللك صحيح لو مشترك في جروب توقعات او متابع اي حد بيفكرك بيها اعمل الغاء متابعه وغير مهتم. +خلي معاك ورقه او تدون علي التلفون وتكتب الاضرار الاعضاء الي قايلين عليها وورقه تاني تكتب فوايد لو ملعبتش ولما نفسك تشتهي اقرا الورقه
تم النشر الأحد، ٢٨ يونيو ٢٠٢٦
لو انت قصدك عليه فا يسطا اللي بيلعبه غالبا بيبقا مش محتاج فلوس اوي قد ما هو الموضوع زي. الادمان او الترفيه ،بس يسطا صعبها علي نفسك اوي يعني كل ما تحمله امسحه اول ما تمسك فلوس اشتري حاجه نفسك فيها او عينها مع حد امين زي والدتك انا كانت مشكلتي لما امسك مبلغ لازم العب حاليا بفضل الله تعافيت منها بقالها سنتين ونص او تلاته ولما بمسك فلوس بقا عادي بفضل الله واهم حاجه متخليش معاك فلوس كتير اول كام شهر ومتخليش نفسك عندك وقت فاضي
تم النشر الأحد، ٢٨ يونيو ٢٠٢٦
مش عايز اقول اسمه بس انت قصدك برنامج الي في 1
تم النشر الأحد، ٢٨ يونيو ٢٠٢٦
حلو زي الادمان نبطله بقا ازاي مش عارف
تم النشر الأربعاء، ٢٤ يونيو ٢٠٢٦
لعرض السؤال في فدني اضغط هنا