السلام عليكم
انا فيه شخص بيحبني جدا وعاوز يتقدملي وحاول كتير اني اديله فرصة حتى لو هجرب بس المشكلة أن فيه فرق في المستوى التعليمي يعني هو معاه دبلوم وانا كنت في كلية ،بس هو كشخص كويس يعني ومسؤول جدا وعنده شغله الخاص بيه هو الي بيديره،بس انا خايفه أن اديله فرصه لأن حاسه لو حصل كدا اهلي والناس الي في حياتي هيقللوا منوا ويقولوا كلام يضايقني عنه وغالبا اصلا لو قولت لاهلي رد فعلهم هتبقى عنيفه وانا ممكن اتأثر بالكلام مش عارفه اعمل ايه هو فعلا فرق المستوى التعليمي بيأثر في الجواز ؟
السلام عليكم، المفروض في الزواج مبدأ التكافؤ، وأي فرق وعدم توافق ممكن يعمل مشكلة، حتى فرق مستوى التعليم ممكن يؤثر. فيه حالات كتيرة ناجحة أكيد، لكن فيه حالات برضه فرق التعليم بيعمل حساسية والرجل ممكن لو غير ناضج أو عنده إحساس بالنقص هيبقى فيه مشكلة وغالبا كل اعتراض من زوجته بياخده على إنها بتتكبر عليه أو شايفة نفسها زي ما بيقولوا. الله أعلم الشخص اللي متقدم لك شخصيته وتفكيره عامل إيه، ممكن يكون محترم ومتفهم والنقطة دي متكونش مشكلة بالنسبة لكم، بس من ناحيتك أنتِ لو بتتأثري فعلا بكلام الناس وأي تعليق منهم هيخلي معاملتك له تتغير أو تبدئي تضايقي سواء مع نفسك أو منه هو شخصيا ومع الوقت تشيلي منه ومعاملتك له تسوء يبقى الأفضل تنهي الموضوع معه قبل ما يتعلق زيادة ويعلق نفسه بأمل. لو هو شخص كويس جدا ومميزاته كتيرة، وعارفة إنه هيقدرك ويحترمك وأنتِ هتقدري تحلي مع نفسك مشكلة تأثرك بكلام الناس، فممكن تستخيري وتعطيه فرصة وتقنعي أهلك يقابلوه ممكن يغيروا رأيهم ويعجبهم رغم الفرق. مش متأكدة خالص من نفسك ومتأكدة إنك هتتأثري وبتعملي لكلامهم قيمة وده هيبقى عقبة في زواجكم يبقى الأفضل لأ. اقعدي مع نفسك وشوفي الأفضل بالنسبة لك. وربنا يوفقك للي فيه الخير.
تم النشر الاثنين، ١٣ يوليو ٢٠٢٦
وعليكم السلام ورحمة الله. أولاً، أقدر جداً إنك بتفكري بعمق في الموضوع ده ومش بتتسرعي، ده دليل على نضجك. الفرق في المستوى التعليمي مش بيأثر على نجاح الجواز بشكل مباشر زي ما الناس بتتخيل، لأن الجواز الناجح بيعتمد أكتر على التوافق في القيم والأخلاق والمسؤولية والقدرة على بناء حياة مشتركة. هو عنده دبلوم وشغل خاص بيديره، وده بيظهر إنه شخص عملي ومسؤول، وده أهم بكتير من الشهادة الجامعية لوحدها. كتير من الجوازات الناجحة بتكون فيها فروقات تعليمية، والأهم هو الاحترام المتبادل والقدرة على التواصل. لكن مخاوفك من رد فعل الأهل والناس حواليكي حقيقية ومش هتتجاهليها، خاصة في مجتمعنا اللي بيربط قيمة الشخص بالشهادة أحياناً. ده ممكن يسبب ضغط نفسي عليكي لو اتأثرتي بالكلام السلبي. جربي تفكري في الأمر من زاوية أوسع: هل هو شخص بيحترمك ويقدر طموحاتك؟ هل بينكم تفاهم في الأهداف المستقبلية زي تربية الأولاد والحياة اليومية؟ لو الإجابة نعم، فالفرق التعليمي ده ممكن يتعالج بالحوار والدعم المتبادل. نصيحتي العملية إنك تاخدي وقتك في التفكير بهدوء، ولو حسيتي إن الموضوع يستاهل، حاولي تفتحي الحوار مع أهلك بطريقة هادئة تركز على صفاته الإيجابية زي المسؤولية والشغل الخاص. ولو عايزة آراء إضافية، ابحثي عن أسئلة مشابهة على فدني عشان تشوفي تجارب بنات تانيين. أنتِ قادرة تاخدي القرار اللي يناسبك، وأنا هنا لو عايزة تتكلمي أكتر.
تم النشر الاثنين، ١٣ يوليو ٢٠٢٦
ايوة بيأثر قولاً واحداً
تم النشر الاثنين، ١٣ يوليو ٢٠٢٦
أهم حاجه الدين ،، وإنه يكون شخص مسئول ومناسب لكِ من حيث الدين والأخلاق والطباع والشكل والأهل
تم النشر الاثنين، ١٣ يوليو ٢٠٢٦
لعرض السؤال في فدني اضغط هنا