هو الواحد لما يتجوز ويكتشف بعد سنه جواز ان الي اتجوزه شخصيه نرجسيه ومش شايف غير نفسه وعلى طول بيقول كلام يتعب نفسيا وعلى طول زعيق ومش عاجبه اي حاجه يعمل أيه مع العلم هو مكنش كدا خالص ايام الخطوبة
نصبر على الشخص دا ولا نطلق؟
النرجسية او غيرها من الشخصيات ممكن التعايش معاها اذا كنا عندنا الوعى والصبر الكافى. النرجسية هى عيب زى كل العيوب قرار الانفصال مش بيكون على اساس اننا اكتشفنا عيب ...لكن على اساس تقييم العيب ده قصاد المميزات ...اذا وصل الامر لحد الضرر اللى يؤذى النفس فكده القرار اكيد هيميل تجاه الانفصال. لكن وجود صعوبة اى كانت زى فكرة النرجسية او الانانيه او صعوبة فى التعامل ..دى محتاجة تعامل صح عشان تكون محتمله فى وسط المعيشة الحياتيه.
تم النشر السبت، ١٣ مايو ٢٠٢٣
اولا انتي متاكده انه نرجسي؟ ممكن تحاولي تغيري من تصرفاته بوضع حدود و ايضاح مكانتك عنده مثل انا شريكه حياتك اهانتك الي هي اهانه لنفسك ، و غيرها من الطرق . ثانيا لا تحاولي تنجبي اكفال منه الا لتنحل كل المشاكل الي بيناتكم لانه الاطفال ما الهم ذنب باي شي . و ثالثا اذا اتاكدتي من عدم الحياه معه الانفصال افضل حل لسلامتك ، و بدك تنتبهي من الاسلوب النرجسي لانه اذا طلبتي انتي الطلاق رح يعتبرها اهانه اله و رح يعيشك بجحيم
تم النشر السبت، ١٣ مايو ٢٠٢٣
اسألي طبيب نفسي الاول يساعدك على تشخيصه اذا كان نرجسي بالفعل أو لا، ولو تأكد التشخيص فالنصيحة التي سمعتها من أغلب المتخصصين أن النرجسي إذا كان شخصًا ينفع الهروب منه فالحل هو الهرب على الفور ...
تم النشر الخميس، ١٨ مايو ٢٠٢٣
متصبريش ولا تتطلقي تتأكدي انه فعلا نرجسي ولا لا مش مضايق من حاجة معينه.. سلوك الراجل بيختلف لما بيكون ف حاجة مضيقاه ان العادي
تم النشر الجمعة، ١٢ مايو ٢٠٢٣
أهم حاجة متكونيش شايفة حاجة مش موجودة أو بتحاولي تحطي مقارنات مابينه وبين غيره أو مابين فترة الخطوبة وبين الزواج.. لأن ظروف الحياة صعبة، ولابد من الطرفين مراعاة الأمر دة، وأنتي بدورك تغيريه وتخليه إنسان تاني بس شوفيه بقلبك مش عينيكي عشان متتعبيش، وبالنسبة للنرجسية ربما يكون طباعه حادة ومع ظروف الحياة أصبحت أصعب.. أنا مش بدافع.. بس أتمنى قبل ما تقولوا عموماً انفصال تفكروا مرة وأتنين وعشرة هو إزاي كان حاجة وبق حاجة تانية؟ وأيه السبب اللي وصله لكدة؟ وهل فيه تأثير مني جعله يقوم بكل ما أراه منه وألا لأ؟
تم النشر الأحد، ١٤ مايو ٢٠٢٣
لعرض السؤال في فدني اضغط هنا