لو استمرت مشاعرك فأنسي حلمك وانسي نفسيتك لأن المشاعر في سن المراهقه مدمره حرفيا حيث لا يوجد الا القلب والعقل يختفي من الاخر بجد لخصت ليك الحكايه لكن لو استمريتي مع المدرس انتي اللي هتتعبي أكتر فأعرفي إن لا اصلا ما ينفع يكون في مشاعر وواحده وواحد مش هينفع صدقني نار بجوار بنزين إليك الحل... اتركي المعلم وسرعان ما انضمي لمدرس اخر اقطعي علاقتك باي شيء خاص بيه سواء جروبات أو سنتر بيدي فيه وقت درس ليك ممكن تشوفي بعد ما تعملي ده عشان تصفي مخك من المشاعر دوري على هدف وأمل جديد زي تنظيم مذاكرتك حفظ قرآن أخد دوره دينيه مثلا في النت وكل ده صدقني هتلاقي بعدها «مع مرور الوقت» إن بجد مجرد مشاعر تافها جدا وانا ازاي اختار بقلبي وعقلي يتعمي حتى لو كان المدرس مين اكيد عنده عيوب وممكن ما تناسبك لو اتجوزك لكن لو فكرتي بالأمر من الناحية الشرعيه هتلاقي اها فعلا الجواز الطبيعي بيكون مجرد تعارف عجبك خلاص ما عجبك بيمشي وهو لا قلبه اتأذى ولا انتي وبعدها بيجي الحب وبيرتفع لكن لو جواز عن مشاعر وحب دي بتعمي فعلا وبعد الجواز الحب بيقل عن المستوى القديم ويبدأ مشاكل.... من الأخر كدا الشخص ده مجرد تعلق وعن تجربه انتي يأما هتتأسري بحبه لو طوعتي نفسك وهتتمني لحظه تقدري تبعدي وتتوبي فيها وتتمنى يوم واحد حريتك ترجع أو يأما هتكوني حره وتأخدي بالك إن الموضوع ما هو الا عباره عن اعجاب فيه مفتاح ممكن تستغله نفسك والشيطان
يارب اللهم امين ربنا بيعوض فعلا، شكرا لحضرتك ع النصايح الجميله دي
تم النشر الأحد، ٢٢ ديسمبر ٢٠٢٤
معاك حق فهمت وجه نظرك، فعلا ممكن الوالد السبب في كدا بس بردو عشان اكون واضح معاكي ممكن ده اختبار من ربنا ليك عارفه لما تكون في لجنه ومدرس واقف عليكم فأكيد مش هيعطيك حل لانه اختبار لكن الحل في ايدك انت وتفكيرك وحدك اللي هتقدري تحلي المشكله يعني مثلا لو لقيتي كون المدرس لطيف وحنين فدي اخلاقه لا أكثر وتقبلي إن في ناس كدا نقابلها قليل في حياتنا طيبين وأخلاقهم جميله فدا هتفتكري دايما لو سيرته اتذكرت بالخير وانه نعمه في حياة الناس بسبب خلقه.... فهو لو مشاعرك مستقره أي إنها احترام وتقدير بس فأنتي كويسه إنما « لو مشاعرك خليتك تفكري فيه هو لي ده مش بابا أو أنا بحبه كأب جدا لدرجه أتمنى هو يكون بابا فنصيحتي ليك لازم تسيب المدرس» لأن كدا هتخسري جدا جدا في مشاعرك هتخسري جدا في وقتك ويمكن تخسري حلمك لو ضاعت منك السنه في مجرد مشاعر وتفكير افتكري إنه ابتلاء وربنا إن شاء الله يعوضك خير ممكن تكون المعاناه دي مؤقته وابتلاء لحد ما ابن الحلال يجيلك لو اختارتي عن خلق ودين فابشري إن شاء الله فيه العوض وكدا كدا النصيب من ربنا بس المهم عشان نأخد النتيجه لازم نعدي الاختبار وإن شاء الله تكون فهمتي
تم النشر الخميس، ١٩ ديسمبر ٢٠٢٤
حاضر هحاول اسيب المدرس، بس انا اعتقد ان اامشكله مش ف المدرس ذات نفسه، المشكله انه بيتعامل كويس مش معايا بس، مبدأيا هو متجوز وعنده ٣ أولاد أصلا وأكبر واحد فيهم اولي طب بشري اكبر مني بسنه ، وانا مفكرتش فيه ك جواز او غيره، انا اللي جذبني ليه تعامله مع اولاده بحنيه شديده، يعني بيقولهم "يحبيبي، يبني" عارفه ان الكلام ده ممكن يظهر ليك عادي، بس بالنسبه ليا هو مش عادي، انا بس قعدت اقارن بينه وبين بابا، بابا عمره ما قالي يحبيبتي زي م مستر بيعمل مع اولاده، ده حتي مستر لما بتكلم معاه، بيقولي يبنتي ويحبيبي (مش عشان حاجه،هو كده مع الكل اعتقد)، اللي انا عمري م سمعتها من بابا كده، انا بس قعدت اقول لنفسي لي مستر هو ميكونش بابا، ويكون حنين كده وبيحبني، انا مش بحس بالامان ف البيت، من كتر الزعيق والصوت العالي، والقرف اللي ف البيت، انا اصلا بكره الوقت اللي بابا بيدخل فيه البيت، بيقعد يزعق، وانا مبكرهش ف حياتي اد الصوت العالي، بسببه برضو، ومع ذلك انا بخاف اتمني ان مستر يكون بابا عشان انا كده هكون طماعه وانانيه قدام ربنا، انا بس خايفه ربنا يحرمني من اى نعمه موجوده عندي لمجرد ان انا كرهتها، بس الحمد لله، غيري كتير معندهمش اب، وبيتمنو اب ليهم، ف الحمد لله.
تم النشر الخميس، ١٩ ديسمبر ٢٠٢٤
لعرض الإجابة في فدني اضغط هنا