السلام عليكم ورحمة الله وبركاته
أحيانا بحس إن الناس مابدتيش قيمة ليا يعني على سبيل المثال لو شخص جيت اكلمه القيه ماسك التليفون ومش بيدي أي اعتبار لكلامي معاه لكن لو جه شخص آخر وكلمه ألاقيه بيستمعله وبيكلم معاه ومواقف تانية إن الناس بتكلم بعض عادي ويجو عندي بحسهم مفيش تقدير منهم وبيبعدو عني وبيهزرو مع بعض وكده وكذلك في فكرة التطوع بس مش عارف ليه الناس بيبعدو عني
وعليكم السلام ورحمه الله وبركاته ممكن تكون حصلت حاجه بينك وبينهم خلتهم مش مهتمين بس هقولك على شويه نصايح بلاش تتكلم كتير خلي كلامك قليل معاهم رد على قد سؤالهم بس مش غير كلام كتير قلل جلوسك معاهم مش كل شويه يلا ننزل تقول حاضر لا اعتذر في بعض الأوقات قول مش فاضي مشغول خليهم يحسوا بوجودك وغيابك لو أصحاب كليه أو مدرسه أنجح علشان الناس بتهتم بالشخص الناجح اتعلم حاجه معينه وتكون ناجح فيها
تم النشر الأربعاء، ٣ سبتمبر ٢٠٢٥
السلام عليكم ورحمه الله وبركاته ، بصي يا حبيبتي ممكن لو الكلام ده اجتمع في كل الناس فأكيد في تصرفات هم ملاحظينها انتي مش واحده بالك منها زي مثلا : ١ـ انك بتتكلمي كتير فبيتهرب يمسك التليفون ٢ـ بتهزري كتير أو اوقات مثلا بتقولي كلام هو شايف أنه ده مش وقته
تم النشر السبت، ٦ سبتمبر ٢٠٢٥
يبقي تبطل تتكلم طالما اللي قدمك مش مهتم ما تحسسيش انك بتدي له قيمه وبتتكلم معاه حاول تخليه هو من كتر ما انت مش مهتم بيك هو اللي يبدا ويتكلم معاه ما تحاولش تتكلم مع شخص مش عاوز يسمع لك حاول دايما تتكلم مع شخص عاوزك شخص بيديك احساس ان هو هيسمعك هيطمنك هيتجاوب معاك في اللي انت بتحكيه
تم النشر الجمعة، ٥ سبتمبر ٢٠٢٥
وعليكم السلام ورحمة الله وبركاته، شكراً لك على مشاركة مشاعرك بصراحة. شعور قلة التقدير وعدم الاهتمام من الآخرين يمكن يكون مؤلم جداً، وأكيد يؤثر على ثقتك بنفسك وحالتك النفسية. خليني أساعدك بفهم الموقف بطريقة مبسطة، وأعطيك بعض النصائح العملية: فهم سبب التصرفات : أحياناً الناس تكون مشغولة أو مش على وعي بتصرفاتهم، مثل إمساك الهاتف مثلا، هذا ما يعنيش بالضرورة إنك مش مهم أو كلامك ماله قيمة. قد يكونوا مشغولين أو في حالة لا تسمح لهم بالاستماع الجيد. التواصل المباشر والصريح : لما تحس إن فيه تجاهل أو قلة تقدير، جرب تعبر عن احساسك بهدوء وصدق مع الشخص المعني. ممكن تقول له مثلاً: "بحس أحياناً لما تتكلم معايا مش مركز معايا، وده بيضايقني". اختيار الأشخاص المحيطين بك : حاول تحيط نفسك بأشخاص يقدرونك ويحترمون مشاعرك. مش كل الناس بتكون عندها نفس الأسلوب أو نفس الحساسية. الاهتمام بنفسك أولاً : عزز ثقتك بنفسك عبر تطوير هواياتك، مهاراتك، وحبك لنفسك، لأن احترامك لنفسك هو أساس جذب الآخرين لتقديرك. التفكير في تفسير المواقف بشكل إيجابي : أحياناً ممكن تكون مواقف الناس بتختلف مع مزاجنا أو توقعاتنا، فحاول تفسر الأمور بأفضل نية، هذا يقلل من شعورك بالإقصاء. إن شعرت أن هذه المشاعر متكررة وتأثر على حياتك اليومية بشكل كبير، قد يكون من المفيد التحدث مع مختص نفسي أو استشاري اجتماعي، وهم أكثر قدرة على مساعدتك في فهم ومعالجة هذه الأحاسيس بعمق. وإذا تحب، يمكنك البحث في منصة فدني عن خبراء متخصصين في العلاقات الاجتماعية أو الصحة النفسية، وهناك ستجد من يقدم لك استشارات شخصية. تذكر أن لكل شخص قيمته، وأحياناً نحن فقط بحاجة لأن نحفز الآخرين على فهم قيمتنا. هل تحب أن نتحدث أكثر عن مواقف محددة أو كيف تتعامل مع شعورك في أوقات معينة؟ أنا هنا دائماً لدعمك.
تم النشر الأربعاء، ٣ سبتمبر ٢٠٢٥
خلي عندك ثقة في نفسك لما تعرف قيمة نفسك مش هيفرق معاك الكلام ده وهتلاقيهم كلهم جايين ليك والأفضل مش تبقي متاح طول الوقت ليهم
تم النشر الأربعاء، ٣ سبتمبر ٢٠٢٥
ولا يهمك من حد
تم النشر الخميس، ٤ سبتمبر ٢٠٢٥
ثواني بس لو هما اتعدلو معاك اوعا تجري عليهم وتتعامل علي انهم خلاص لا خليك تقيل برده اللي كان معاك من الاول كدا مش هيتظبط علشان مبدأه مكانش كويس من الاول
تم النشر الخميس، ٤ سبتمبر ٢٠٢٥
اللي اداني بسكوته اديله زيها بسكوته ماينفعش اديله تورتايه مثلا قدر نفسك واعرف قيمتها علشان الناس تتعامل معاك علي اساس تقديرك ليها
تم النشر الخميس، ٤ سبتمبر ٢٠٢٥
في المواقف اللي زي دي بنسحب نفسنا ومابنبقاش متاحين والمكان اللي مش مرتاحين فيه بنسيبه ع طول وخلي كلامك ع قد السؤال وتتعامل بنفس طريقتهم بمعني اصح تكون تقيل احيانا بنتطر نتعامل مع بعض الناس بالطريقه اللي بيعاملونا بيهم ليه بقي؟ علشان هما ماينفعش معاهم غير كدا وخليك مستغني وكل دا كله هيكون مختصره كلمه الثقه بالنفس
تم النشر الخميس، ٤ سبتمبر ٢٠٢٥
خليك زاهد بمعني انك متركزش معاهم عملوا معاك كدا اعمل معاهم كدا و وقت لما يحتاجوك ساعد عادي لأننا اسباب لبعض بس مش ف وقتها خليك شوية مثلا استنى انا عندي حاجة و استنى وقت صغير كانك بتخلص حاجة و ياسيدي انا فضيت أمرني و حاول تهتم بنفسك اكتر متفكرش فيهم فكر ف نفسك
تم النشر الأربعاء، ٣ سبتمبر ٢٠٢٥
العيب منهم مش منك
تم النشر الجمعة، ٥ سبتمبر ٢٠٢٥
تمام شكرا ليكم ياجماعه
تم النشر الخميس، ٤ سبتمبر ٢٠٢٥
لعرض السؤال في فدني اضغط هنا