فيه مشكله مع واحدة صاحبتي هي بتحب شخص جدا كان معاها في شغل بعدها هي مشيت كان فيه بينهم كلام عادي وهي متعلقه بيه وحاسه كمان بتلميح من ناحيته المهم هو حاليا مسافر بيشتغل برا وهي فيه عرسان بيتقدمولها ولكن هي بترفض مستنيه منه خطوة وهو تقريبا مش جاهز ماديا دلوقتي فعلشان كدا خايف أنه يعترفلها أو ياخد الخطوة احنا دلوقتي محتاجين نتأكد هو فعلا عنده النيه ياخد الخطوة ولا لا وطبعا من غير ما هي تعترف بحاجة أو تلمحله بشئ ومحدش يقولي تكبر دماغها وتدي فرصه لشخص تاني علشان هي بتحبه جداا
بصي بنت الحلال الله يهديكيها البيوت في الإسلام ليها أبواب والراجل اللي شاري بجد بيخبط على الباب ويدخل علطول حتى لو ظروفه على قده بيجي يتكلم ويقول أنا عايزها وهجهز نفسي إنما الجو بتاع التلميحات والانتظار ده كله كلام ملوش لازمة وبيتعب قلبها على الفاضي ربنا ميرضاش إنها تعلّق قلبها بوهم وتضيعي من إيدها عرسان وشاريين وجاهزين لمجرد إنك مستنية واحد مسافر ومش واخد خطوة جدي واحدة الخيرة دايما في اللي ربنا كاتبه مش في اللي احنا راسمينه في خيالنا فسيبيها على الله وصلي استخارة واللي فيه الخير ربنا يقدمه لك ولو هو نصيبك هيجي لحد عندك من غير لف ودوران... ربنا يحفظها ويسعدها ويوفقها لما يحب ويرضى 🌷
تم النشر الأحد، ٢٤ مايو ٢٠٢٦
أختي، الطريقة الوحيدة اللي تقدري تعرفي بيها نواياه الحقيقية هي التواصل المباشر بطريقة محترمة، مش بالتلميح أو الانتظار. لأن الراجل لو عنده نية جدية هيظهرها بأفعال لكن طالما هو مسافر ومش جاهز ماديًا، فالانتظار ده ممكن يطول بدون نتيجة. نصيحتي العملية: صلي استخارة وادعي ربنا يوضحلك الأمر. لو حابة تتأكدي بدون ما تعترفي، ممكن حد من أهلها يتواصل معاه بطريقة رسمية (زي السؤال عن نيته في الجواز). لو مش قادر ياخد خطوة دلوقتي، يبقى لازم تفكري في مصلحتك وما تضيعيش وقتك. لو عايزة نصيحة أعمق من متخصص في العلاقات أو الزواج، شوفي الخبراء على Fedni: https://www.fedni.net/experts وابحثي عن أسئلة مشابهة في فدني عشان تلاقي تجارب تانية. ربنا يوفقها للخير يا رب.
تم النشر السبت، ٢٣ مايو ٢٠٢٦
هوا مش جاهز دا هوا العائق الوحيد أمام اعترافه ولا هيا مش ف البال اصلا ، عشان لو مش ف البال خالص ف من باب أولى كرامتها قدام نفسها وتتخطى عشان حياتها هتقف على شيء مش معتبر ولا موجود غير بالنسبالها
تم النشر السبت، ٢٣ مايو ٢٠٢٦
@mai mahfouz كلام وجية لاكن أنا اتكلمت على أساس كلامها إن كان ف اتفاق شفهى حتى لو مش تصريح
تم النشر السبت، ٢٣ مايو ٢٠٢٦
فكرة ان في طريقة تعرفها هي بتحبه ولا لأ دي مش متاحة ومش مضمونة هي عايشة على الاحساس وممكن يكون احساسه بيها مختلف او بطريقة تاني مش زي شريكة حياة لازم تواجه نفسها انها كدة هتفضل متعلقة على وهم ومفيش حتى امل غير يايكون عندها شجاعة المواجهة وتقولة بس كدة هتكون بتقلل من نفسها لو رفضها
تم النشر السبت، ٢٣ مايو ٢٠٢٦
يعنى هيا بتتواصل معاه ولا دا كان مستنبط من آخر فترة كانو مع بعض ف الشغل ؟
تم النشر السبت، ٢٣ مايو ٢٠٢٦
لا هي ع حسب كلامها هو بيلمح بالكلام يعني بس معرفش مجمل الكلام أي بس مقالش بشكل صريح أنه عايزها فهي عايزه بقا تعرف هي فعلا في باله وهو بيحبها ولا دي حاجات في دماغها هي بس
تم النشر السبت، ٢٣ مايو ٢٠٢٦
من الطرائف إن نفس الموقف دا تقريبا حصل مع صديقي فسافر عشان كان عارف إن فيه حد متكلم عليها
تم النشر السبت، ٢٣ مايو ٢٠٢٦
بلاش تعترف له دي، مش عشان مسألة الكرامة ولو إنها نقطة مهمة.. عشان للأسف قليل ما في شاب دلوقتي بياخد موضوع اعتراف البنت له باحترام وتقدير لها، يا إما بيعايرها بعد كده أو في أول مناسبة يقول لها أنتِ اللي كنتِ بتجري ورايا أو كنتِ هتموتي وتتجوزيني وهكذا أو هتبقى قليلة في نظره أو جريئة وممكن يشوفها مش محترمة حتى لو هو كان بيحبها وهيموت عليها في البداية، المشكلة حتى ممكن يكون برضه ده نفس كلامهم في حالة اكتشفوا إن البنت وسطت حد عشان يعرف رأيه فيه أو يقترحها عليه.
تم النشر السبت، ٢٣ مايو ٢٠٢٦
تعترف هي ازاي كرامتها اي ؟ 🙃
تم النشر السبت، ٢٣ مايو ٢٠٢٦
طب متعترفله هيا و ع الأساس دا انت جاى ولا أشوف حياتى
تم النشر السبت، ٢٣ مايو ٢٠٢٦
لعرض السؤال في فدني اضغط هنا