صاحبتي حبت واحد من سنه واتكلمو مع بعض بس انا عندي احساس انو بيلعب بيها فأنا عاوزه اختبره واشوف هل إحساسي غلط ولا انا غلطانه ففيدوني برأيكم هل أكلمه انا واشوف ردة فعلو ولا اخليها تمثل عليه انو ابوها ضربها ولا اي رايكم
السلام عليكم، بصي يا ندى، الحقيقة أنتِ مش محتاجة تعملي حاجة من دي خالص. لا تختبريه ولا تحاولي تكلميه من الأصل. ** الحاجة الوحيدة والصح تعمليها إنك تعرفي إن الموضوع كله غلط وتنصحي صاحبتك توقف العلاقة دي وتبعد خالص. أنا مش عارفة سنكم كام بس أعتقد إنكم لسه صغيرين ففي كم نقطة حابة أنبهك لهم: ** أولًا العلاقات دي حرام والمفروض ميكونيش فيه صحوبية أو ارتباط بين ولد وبنت غير الارتباط الرسمي (خطوبة فيها حدود في المعاملة أو زواج) غير كده ربنا حرم العلاقات دي. ثانيا، العلاقات دي في معظمها الأولاد بيكونوا داخلينها تسلية ولعب بالبنات وبيكون مصاحبين أكتر من واحدة... فليه نرمي مشاعرنا لأي حد ممكن يدوس عليها ببساطة والبنت في الآخر بيتكسر قلبها وخلاص. ممكن تشوفي كمية المشاكل اللي على التطبيق بسبب العلاقات دي. ثالثا، اللي بيحب واحدة فعلا هيحافظ عليها ولو عاوز يرتبط بها فعلا فهيروح يطلبها من أهلها في الحلال، غير كده يبقى مينفعش حد يقرب مننا. غير إن المشاعر أصلا متقلبة خاصة لو في سن صغير فنحاول نحافظ عليها من أي علاقات عابرة أفضل من كسرة القلب كل شوية. ** معلش لو الكلام مش هو اللي حابة تسمعيه بس ده لمصلحتكم، ربنا يحفظكم.
تم النشر الأحد، ٢ نوفمبر ٢٠٢٥
اولا العلاقة ده حرام ولو هو صادق يتقدم ويكلم ابوها مش لف ودوران وثانيا متعمليش كدا وتساعديها في إخفاء هذا السر ولكن انصيحها بعرض فكرة أنه يتقدم ويكون في خطوبة وتعارف بين الأهل وانك لو اتدخلتي وساعدتيها في الموضوع ده ونفذتي اللي بتفكري فيه ممكن يقلب ضدك وتكوين خسرتي صحبتك وكلام ملوش داعي اهم حاجة في الموضوع ده الوضوح والصدق
تم النشر الأحد، ٢ نوفمبر ٢٠٢٥
مرحبًا ندى، شكرًا لثقتك في طرح مشكلتك، وأتفهم تمامًا الموقف الصعب اللي أنتي فيه. موضوع حب وصداقة وفي نفس الوقت شك في نوايا شخص تهمنا كلها، خصوصًا لما نكون بنحب ونهمنا صالح أصحابنا. خليني أساعدك خطوة خطوة: هل تحاولي تختبريه؟ اختبار مشاعر شخص تجاه واحدة عن طريق خداع أو تمثيل موقف صعب (زي إنهم يتظاهروا إن أبوها ضربها) ممكن يسبب جرح وثقة مكسورة، وممكن يزيد الأمور تعقيد. هذه أساليب غير صحية وممكن تسبب مشاكل أكثر، وأكيد مش من الإسلام أو الأخلاق أن نلعب بمشاعر الناس. إيه الحل الأفضل؟ كوني صريحة مع صديقتك: خليها تعرف إنك مهتمة بيها وقلبيكي مقلق على مشاعرها وسعادتها، مش بالضرورة تقولي إنك تشكي في حب هذا الشخص، لكن سجلي معاها الحقيقة اللي شفتيها أو شعرتي بيها بالهدوء واللين. تواصلي مع الشخص، ولكن بنية واضحة وصادقة: لو قررتي تكلمي الشخص، خلي الحوار في إطار احترام ومودة، وسأليه بطريقة مباشرة عن مشاعره، مثلاً: “أنا بحب أعرف لو فعلاً نيتك مع صاحبتي جدية، عشان نكون كلنا مطمئنين”. وضع حدود ونقاط واضحة: اي علاقة صحية تعتمد على الصراحة والاحترام، فلازم أي اختبار أو نقاش يكون بناء وليس خداع أو تمثيل لأمور مؤذية. كوني داعمة لصديقتك: مهما حصل، أهم شيء إنك تكوني داعمة ليها نفسياً وعاطفياً، عشان تقدر تاخد قراراتها براحة ووعي. دعي الأمور تمشي بهدوء: في بعض الأحيان، الوقت هو أفضل طريقة لاختبار صدق المشاعر. حاولوا ماتضغطوش على المواقف كثير. لو حابة، في موقع فدني ممكن تلاقي خبراء في العلاقات والنفسية يقدموا استشارات دقيقة تناسب وضعك. ممكن تزوري قسم الخبراء وتشوفي اللي يقدر يساعدك. وأيضًا تقدري تستفيدي من تجارب وأسئلة مشابهة في موقع فدني. إذا حابة أساعدك بأفكار أو نصائح أكثر، أو عايزة أساعدك تكتبي كلمات مناسبة للتحدث مع صديقتك أو الشخص، قولي لي. أنا معاك خطوة بخطوة، يا ندى ❤️ هل ترغبين أن أساعدك في صياغة كلام تفتحي بيه الموضوع معاه أو معها؟
تم النشر الأحد، ٢ نوفمبر ٢٠٢٥
السلام عليكم ورحمه الله وبركاته واسفه لو اني هتاخر في الريكورد ده في الكلام لكن انا عايزه بس اوضح لك كام حاجه. اول حاجه اول حاجه اول حاجه؟ صاحبتك عارفه صح من غلط وايه ما كانتش عارفه انت عرفتيها ولكن زي ما بنقول كده مرايه الحب ثاني حاجه بقى عايزه اقول لك ان انت هتساعديها بنيه ان هو دي صاحبتي وانا مش عايزه تقع في الغلط وكذا وكذا وكذا وكذا وكذا وفي الاخر انت اللي هتندمي وده عن تجربه شخصيه عن صاحبتي كانت بتكلم حد في كده بيصحى انا لازم انقذها انا كلمتها يعني كلمت اللي هو بعيد عن صاحبتي ضحك عليا انا يعني ايه الهبل ده فعشان كده بقول لك التجربه شخصيه ابعدي انت خالص عن الموضوع ده انت هتنصحيها وحد وعايزه اقول لك برده ان هي مش هينفع معاها نصيحه عشان تبقى عارفه انت هتحاولي بس انت حاول عليكي كصاحبه ولكن هي مش هتغير هيفضل في دماغها ويفضل بيثبتها بكلمتين ما هيفضل حتى لو شافته قدام عينيها ان هي ان هو بيكلم حد والله العظيم قلعه كلمتين هتصدقوا ليه الانسان ده هو كده فايه النصيحه بقى النصيحه ان احنا كل ما بنكبر كل ما بيبقى اختلافاتنا غير انا زمان كنت ملاوي احب الورد اللي هو بيعمل تيك توك اوفر سايز مش عارف كده لا انا عايزه كده والله ما شفت كده اللي هو القرف ده انا مش عايزه كده ابدا مش مقرفه كمان عداد صاحبتك بعد ما كبرت اللي هو ايه القرف ده انا لو اتحط جنبه ذهب انا مش عايزاه. تمام ثاني حاجه. انه تمام تلاقي نفسك لا انت عايزه كده فالحمد لله ان انا ما تسرعتش فاهمه فكل حاجه. فاسيبكم الهبل ده بجد. وعايزه اقول لكم ان انا اصلا لسه ثمن 20 سنه يعني فاهمه اللي هو انا كنت بتفكي ده شوفي بعد سنه واثنين لا غيرت خالص لا لو ايه الهبل اللي احنا كنا بنعمله ده فاهمه فاللي هو اي حاجه من كده سيبكوا منها بجد واستنوا نصيبك حتى لو الموضوع صعب اه وانا حاسس ان اللي بيحبني وانا مش عارف ايه وانا حبيت غصب عني لا استنصيبك وادعي ربنا اللهم اجعله خير ليه حيث كانت نظمي بها. اكثر من كده. وتسميها على ربنا وبتبقى واثقه في ربنا ان انت تستاهلي كويس ان هو هيراضيكي ربك ان شاء الله.
تم النشر الأحد، ١٦ نوفمبر ٢٠٢٥
الصح انك تخليها تقطع معاه مش تعملوها اختبار ولو نجح فى الإختبار يكملو مع بعض دى علاقه محرمه ف لو انتى بتحبى صاحبتك ماتساعديهاش على الحرام انصحيها ووجهيها ان قبلت النصيحه كان بها وإن لم تقبلها ف انتى بريئه منها أمام رب العالمين بس متكونيش معين ليها فى انها تكمل فى العلاقه دى حتى لو الولد ده بيحبها وهو لو راجل فعلا وبحبها هاييجى يتقدم ليها وهايدخل البيت من بابه ويقعد ويكلم رجالة البيت أما اللى بيدخل البيت عن طريق حريم البيت ف ده حطيه بره خانة الرجال لأن الراجل اللى بجد بيتكلم مع راجل زيه ودوغرى من غير لف ودوران
تم النشر الأربعاء، ٥ نوفمبر ٢٠٢٥
علشان كده انا مش بوثق لا في عيال صغيره ولا حتى كبيره سواء راجل او مراءه او حتى بنت زيي
تم النشر السبت، ١٥ نوفمبر ٢٠٢٥
يعني انا بتكلم الي في بلدي انا في العموم مفيش فيها واحد عدل ولازم الواحد ياخد حذرو منو حتى الاطفال عندنا ممكن تكذب في مقابل انها تحقق الي عايزه حتى لو ناس دولا حتموت تقولك وانا مالي انا مليش ذنب
تم النشر السبت، ١٥ نوفمبر ٢٠٢٥
ايوه منا عارفه انو بسبب ناس الي اذتني بس اصلا في العموم البلد الي قاعده فيها كلهم شايفين انو بنت يزعقولها ويضربوها ويهينوها وتسكت لان دا مثلا ابوها دي امها دي قرايبه وممكن كون جوزها كمان
تم النشر السبت، ١٥ نوفمبر ٢٠٢٥
لأن انا عارفه انو مهما عملت برضوا حفضل لوحدي ليه لأن مش في حد كويس في البلد الي انا موجوده فيها لا رجال ولا بنات ولا حريم عشان كده باخد حذري منهم اوي اوي
تم النشر الخميس، ١٣ نوفمبر ٢٠٢٥
فعلا كلامك صح بس انا اصلا في العموم مهما كانت حد عزيز عليا وبحبها وبشوف مصلحتها بس انا بيكون عندي مشكله عدم ثقه في اي حد وغير اني شكاكه فا انا كنت حاطه احتمال دا من لما حكتلي
تم النشر الخميس، ١٣ نوفمبر ٢٠٢٥
والله صح لا والله مش حسيبها كده لذم اتصرف انا اعتبرتها اختي في حد يشوف اختو بتوقع مش يقومها لو وصلت اني اضحي عشان اوقفها حعمل كده يارت تقولي اعمل اي معها مش عاوزها حد ياذيها ولا يكسرها ولا يجرحها ويكسر بي خاطرها وهوا مش مستاهل انو توصل لي حاله دي
تم النشر السبت، ٨ نوفمبر ٢٠٢٥
والله بحكيها كذا تجربه فاشله زيها تجربتها دلوقتي
تم النشر الأربعاء، ٥ نوفمبر ٢٠٢٥
هيا عارفه انو كلامي كلو صح
تم النشر الأربعاء، ٥ نوفمبر ٢٠٢٥
هوا كلامك صح كلو بس مشكله اني انا مش عارفه اعمل فيها اي وانا بنت اعتبرتها اختي فا لما لقيتها غلطانه حبيت ابعدها عن موضوع دا بس هيا كمان بتحاول تنساه برضوا
تم النشر الأربعاء، ٥ نوفمبر ٢٠٢٥
والله✅️ واللهي❎️
تم النشر الأربعاء، ٥ نوفمبر ٢٠٢٥
حلو الحذر بس مش لدرجة ان الكل سئ .. وده يمكن بسبب ان حصل معك مواقف قديمة مع ناس اذوكي مثلا
تم النشر السبت، ١٥ نوفمبر ٢٠٢٥
الحل هيكون انها تصارح نفسها وتواجه واقعها .... لأنها بتلجأ للكلام معاه هروبا من صعوبة واقعها .... ممكن أهلها جافين في التعامل أو مهملين فده سبب انها بتستبدلهم بالولد ده
تم النشر الاثنين، ١٠ نوفمبر ٢٠٢٥
أولا ده شئ إيجابي انك تساعديها ولكن لازم يكون بحذر .. لأن العشق أحيانا بيعمي . فأحيانا ممكن يضحك عليها وكأنه بيسحرها ويخليها تديله فلوس مثلا او تعمل أي حاجة حرفيا .. وحتى ممكن تبيع أعز اصحابها ... فلازم يكون المساعدة مش من دافع التضحية أو الإنقاذ لأن ممكن في الآخر وانتي بتتفاني معاها وتجتهدي يطلعو في الآخر هي والولد بيتكلموا عنك أو بيستهزأوا أو يعتبروا انك بتعكري عليهم علاقتهم ..... ده مش معناه انك تقاطعيها ولكن تساعديها بدافع انك موجودة للمساعدة والدعم مش للإنقاذ والتضحية ... الكلام ده صعب اكيد ولكن دي الحقيقة انك متتصدميش لو حصل منها موقف اساءت لك فهي في النهاية مسكينة وعندها ابتلاء
تم النشر الاثنين، ١٠ نوفمبر ٢٠٢٥
التعلق هو الإدمان لازم نكون صريحين عشان تتسرع النتايج الايجابية
تم النشر السبت، ٨ نوفمبر ٢٠٢٥
ومهوا اصلن مش عاجبني وكان نفسي لو موت علي انو بيلعب بيها اما هيا فا مشكله تعلق اتعلقت بيه مش ادمنتو مش لدرجه
تم النشر الجمعة، ٧ نوفمبر ٢٠٢٥
والولد ده احتمال كبير انها متسواش عنده إلا عقب سجارة .. مجرد يتسلى عليها وأول ما يزهق هيطفي السجارة ويرميها
تم النشر الجمعة، ٧ نوفمبر ٢٠٢٥
بتحاول بس محتاجة وقت ده بمعنى انها مدمنة عليه .. الله يشفيها وإن شاء الله تخرج من الإدمان ده وهي مستورة .. لازم تاخد خطوات عملية وتتقبل ان الفراق هيكون قاسي وشديد الألم في البداية فقط
تم النشر الجمعة، ٧ نوفمبر ٢٠٢٥
والله بحكيها كذا تجربه ذيها كده وانو موضوع فاشل وانصحها انها تبعد قالتي انو هيا بتحاول انو حتبعد منو بس موضوع محتاج وقت
تم النشر الأربعاء، ٥ نوفمبر ٢٠٢٥
قد يكون اللي وصلها لهنا هو تقصير من أهلها في الجانب العاطفي .. باختصار الولد مش موثوق والبنت اعمتها الشهوة والكلام المعسول ..
تم النشر الأربعاء، ٥ نوفمبر ٢٠٢٥
هو أصلا مش هيتقدم هوا خايف من ابوه
تم النشر الثلاثاء، ٤ نوفمبر ٢٠٢٥
دليل واحد بس،، هيتقدم امتى؟؟ رده على السؤال ده هو الفيصل، كان عندي واحدة قريبتي بتكلم واحد وعايمة في مية البطيخ، قلت لها اسأليه هيتقدم امتى ؟ قالها سنة سنتين، العبيطة بتقولي انا برضو مش جاهزة للجواز دلوقتي، رجعت سألته تاني هتتقدم امتى ؟ قالها بصراحة !!!! أنا خايف من أهلك!!!!!! وفضلنا كده لحدي ما عرفنا انه خطب ودلوقتي اتجوز
تم النشر الاثنين، ٣ نوفمبر ٢٠٢٥
عبدالله مان والله انا عارفه انو حيعمل كده بس انا كانت نيتي انو اوريها واثبتلها انو بيضحك عليها لكن هيا عاوزه دليل وانا مش عاوزها تروح في سكه دي
تم النشر الاثنين، ٣ نوفمبر ٢٠٢٥
انا كلمتها فعلا بس هيا عاوزه تشوف وتتأكد انو مش بيحبها وانا كلمتها انهرده بس هي قالت اننا نجرب وانو هيا عارفه انو كلامي صح وانو انا خايفه عليها بس هيا برده عاوزه تتاكد عشان مش تكون ظالماه بدر البدور
تم النشر الاثنين، ٣ نوفمبر ٢٠٢٥
طب لنفرض انك اختبرتيه وطلع فعلا بيحب .. هو زي ما اتكلم معاها بدون زواج احتمال كبير انه يكون حاليا بيكلم غيرها وحدة واثنين وثلاثة واربعة
تم النشر الاثنين، ٣ نوفمبر ٢٠٢٥
طبيعي متقتنعش عارفة ليه لأنو هو بيثبتها بالكلام واكيد اللي من النوع دا بيبقا مكلم كذا واحدة غيرها وانسي انسي انو يتقدملها ولو قالتلو تعالي اتقدم هيقولك اهلي رافضين الموضوع ونا غصب عني وبرضوا هيقنعها قوليلها نا عارفة انو غصب عنك لكن وقفي الموضوع دلوقتي بدل م هتندمي جامد بعد كدا ومع مرور السنين والله هتكتشف انو دا مش حب أصلا
تم النشر الاثنين، ٣ نوفمبر ٢٠٢٥
لعرض السؤال في فدني اضغط هنا