السلام عليكم
انا بنت في تالته ثانوي متراكم عليا نص العضويه و الباب التالت كيميا و الحديثه فيزيا و المناعه و الجيولوجيا و البيولوجيا أحياء و انجلش مبدأتش لكني كويسه فيه عامة
هل ااجل السنه مع العلم اول امتحان بيتضاف عالمجموع يوم 22 هل ممكن الحق و اجيب مجموع عالي و أحقق هدفي ولو محتاجه متابعه ممكن الاقيها فين
لو انت شايفه انك هتقدري تكملي او تعدي اللي فايتك ده فهيكون احسن ليكي لكن لو الموضوع مأزم معاكي لدرجه مش هتلحقي تلمي اي حاجه مع انك لو عندك عزيمه هتقدري تخلصي كل المتراكم ده ف يوم يومين تلاته وده من تجربتي انا كنت مراكمه كتير جدا جدا وقدرت الحمد لله وكرمه اني الم كل ده وامشي صح مع بقيت الدفعه وبرضو لو انت بتاخدي دروس ببتاخد من وقتك بطلهيها وعوضيها بدروس اونلاين لحين متخلصي المتراكم اللي عليكي وترجعي الدروس تاني لو حابه او تاخدي بقيت المراجعه اونلاين طب لو انت بقا مش هتقدري علي ده كلو وكل واحد ادري بنفسو كويس جدا فعادي جدا انك تأجلي السنه وتشدي حيلك السنه الجايه وتجيبي المجموع اللي نفسك فيه🤎
تم النشر الثلاثاء، ٣ يونيو ٢٠٢٥
هتقدري تعمليها الامر مش صعب دول يعتبر ٥ مواد لو عملتي جدول يوميا وبعدتي عن المشتتات واتفرجتي علي المراجعات بتركيز والله هتلمي وهتلمي حجات كتيره اوي انتي معاكي قولي ٢٠ يوم تقدري علي الاقل انك تجيبي درسين لكل ماده في اليوم او تخلصي جزء محترم من ماده في يوم واحد انتي بس توكلي علي الله وابعدي فكره التأجيل دي عنك لإنها مش حل مناسب خالص وحاولي لآخر دقيقه واعملي الي عليكي وسيبي الباقي علي ربنا . ربنل معاكِ ويقويكِ ويوفقك يا رب♥︎
تم النشر السبت، ٣١ مايو ٢٠٢٥
السلام عليكم، المشكلة في فكرة التأجيل إنها مش مضمونة... زي كده الجملة المعروفة (هعوض في الترم التاني) وتمر الأيام ومع إحساس إن لسه فيه وقت طويييل بنرجع نلعب ونكسل ونأجل المذاكرة لحد ما نتزنق برضه قرب الامتحانات... كمان متعرفيش الأيام بعد كده هيحصل فيها إيه ولا ممكن أي ظروف تعطلك. عامة أنتِ اللي تقرري هل فعلا إذا أجلتِ للسنة الجاية بتقدري تلزمي نفسك تذاكري وتجتهدي بحيث ميتكررش نفس اللي حصل السنة دي. إذا عارفة نفسك هتلعبي أو مش ضامنة فالأفضل تبذلي أقصى جهد لكِ الأيام الباقية وتتوكلي على الله وتستعيني به بصدق ويقين وإن شاء الله يقويكِ وتقدري تنجزي وتنجحي بإذن الله. فيه أسئلة كتير هنا على التطبيق بخصوص المذاكرة والمراجعة للامتحانات خدي لفة بسرعة كده وشوفي إيه النصائح اللي ممكن تفيدك وبعدين ابدئي من غير تأخير. بالتوفيق إن شاء الله.
تم النشر الثلاثاء، ٢٧ مايو ٢٠٢٥
بصي أنا مش هكدب عليكي وأقولك لسه بدري وبتاع لو أنتِ شايفه نفسك هتقدري تلمي نفسك في الأيام المتبقية يبقى أحسن ليك من أنك تعيدي السنة بس أنتٌ غلطتي ولازم تصححي الغلط ده استعيني بالله كده وأمشي مع مراجعات نهائيه وأنتِ هتلحقي أنا لو في مكانك أنا هدوس بنزين وأعمل أقصي حاجة عندي وزي ما تيجي تيجي طالما أنا كده كده متأخر وبعدين فكرة التأجيل مش حلوة ليكي عارفه ليه عشان أنتٌ لو كنتي هتعملي حاجة كنت عملتي في السنة الأولى ف فكك من الوهم ده كله من الشيطان أنا أعمل أقصى حاجه واللي مكتوب لي أني هجيبه من مجموع السنادي هو نفسه اللي هجيبه السنه الجايه برضو خلاص ده قضاء وقدر توكلي على الله وخلي في عندك همة قوية حتى ولو هخسر بس ده ميمنعش أني ما أحولش أني أعمل حاجة ..مقوليش مقدرش.. سلام
تم النشر الثلاثاء، ٢٧ مايو ٢٠٢٥
وعليكم السلام ورحمة الله يا عزيزتي، أنا ذكية، سعيدة جدًا بأنك تواصلتِ معي، وسأحاول مساعدتك بأفضل طريقة ممكنة. أنتِ في مرحلة حساسة جدًا وهي الصف الثالث الثانوي، والتحدي كبير لكن مش مستحيل. دعيني أجزئ لك الموضوع حتى يكون أوضح: أولاً: تقييم الوضع الحالي مواد متراكمة كثيرة (نص العضوية، الباب الثالث كيمياء، الحديثه فيزياء، المناعة، الجيولوجيا، البيولوجيا أحياء، والإنجليزي). ذكرتِ أنك لم تبدأي بعد لكنها جيدة عموماً في الإنجليزي وهذا نقطة قوة. موعد أول امتحان يضاف للمجموع قريب جدًا (22 من الشهر). هل تؤجلين السنة أم تحاولين تكملة واستكمال المجموع؟ هذا يعتمد على عدة عوامل منها: مقدار الوقت المتبقي ومدى قدرتك على تنظيم وقتك بفعالية: لو وقتك ضيق جدًا والمواد تراكُمية، فالتأجيل قد يكون خيارًا لمنح نفسك فرصة أفضل للتحضير والنجاح في السنة القادمة. لكن لو تنظمتي صح واتبعت خطة محكمة، وتوافرت لديكِ موارد دعم، ممكن جداً تخلصي المواد وتجيبي مجموع عالي وحققي هدفك. مدى رغبتك وقوة تحفيزك: النجاح يحتاج إرادة وعزيمة كبيرة، ووجود هدف واضح تحبين تمشي عليه. إذا كنتِ مكتمِلة قوي ومتحمسة، الموضوع أسهل. الظروف النفسية والجسدية: الانتقال بسلاسة بين المواد من دون إرهاق نفسي مهم جداً، فلا تضغطي نفسك زيادة على اللزوم. ماذا أنصحكِ تفعلين الآن؟ ابني خطة زمنية يومية: خصصي كل يوم جزء معين لكل مادة بناءً على نسب صعوبتها وأهميتها. مثلاً: تبدأي بالكيمياء والفيزياء كل يوم مكثف، والمذاكرة تكون بالتركيز على النقاط الأساسية. استغلي الوقت المتبقي بحكمة وقسميه بين المراجعة والتدريب على الأسئلة. أحضري ملخصات أو فيديوهات تعليمية: خصوصًا في المواد التي لم تتركيها سابقًا، الاجتهاد في مشاهدة الدروس المختصرة مفيد. الإنترنت واليوتيوب فيه مصادر ممتازة بإضافة إلى الكتب المدرسية. اطلبي الدعم: يمكنك التواصل مع خبراء ومُدرسين محترفين عبر منصات مثل فدني (https://www.fedni.net/experts) الذين يقدمون استشارات تعليمية، بعضهم متخصص في الثانوية العامة. يمكنهم مساعدتك بتخطيط دراستك شخصيًا ومتابعتك. حافظي على صحتك النفسية والبدنية: لا تنامي مع القلق أو التوتر، نظم وقت نومك وحاولِ أن تأكلي بشكل جيد. الاعتماد على الله ثم عليك أنتِ بنفسك، والتوكل على الله مهم جداً. اسألي نفسك دائمًا: هل ستندمين أكثر إذا أجلتِ السنة؟ أم إذا جاهدتِ هذا العام وتحملتِ المعاناة الزمنية؟ أحيانًا الإجابة تساعدنا نحدد الطريق الصحيح. في النهاية لو شعرتِ بالتشتت والضغط، أو أنك بحاجة لمتابعة وتوجيه بشكل احترافي أكثر، أدعوك لزيارة صفحة الخبراء على فدني والتواصل مع المتخصصين الذين يمكنهم تقديم استشارات دراسية ونفسية خاصة بحالتك. ولا تنسي أيضًا أن تتصفحي في فدني واجعلى البحث عن أسئلة مشابهة لك، لتستفيدي من تجارب الآخرين. أنا هنا دائمًا للدعم، لا تترددي في كتابتي متى ما احتجتِ نصيحة أو مساعدة. بالتوفيق يا جميلة، والله يسهل أمرك ويرزقك النجاح والفرح! 🌸✨
تم النشر الثلاثاء، ٢٧ مايو ٢٠٢٥
حسب تجربتى و نصحونى كتير ناس جربت قبلى ان التقسيم مش احسن حاجه... و صدقينى ممكن تندمى بعدين، شدى ع نفسك من دلوقتى بس متأجليش
تم النشر الخميس، ٢٩ مايو ٢٠٢٥
اقترح انك تعملي جدول شهري لمدة شهر تقسمي فيه كل اللي عليكي إلى مهام يومية .. كل يوم كمية معينة .. وبعد مرور اسبوعين مثلا شوفي الوضع عامل ازاي و خذي قرار لو هتأجلي السنة ولا لا
تم النشر الثلاثاء، ٢٧ مايو ٢٠٢٥
لعرض السؤال في فدني اضغط هنا