السلام عليكم، أعتقد إنك نزلتِ من يومين عن نفس الحلم لكن مش بالتفصيل، صح؟ لو هي أنتِ فعلا، فمعلش هنصحك ترمي الماضي ورا ظهرك وتبصي لحياتك ومستقبلك. الأحلام دي بتكون تفريغ لرغبات عقلك الباطن مش أكتر. وواضح إنك أصلا لسه بتفكري في خطيبك السابق وبتدوري على أخباره مع خطيبته... لو مش مهتمة فعلا وتخطيتِه مكنتيش اهتميتِ (تسمعي عنهم) وحتى لو حد تكلم عنهم قُدامك مكنش الخبر لفت انتباهك ولا فضل في تفكيرك. طول ما بتفكري فيه وجواكِ أمنية دفينة إنه يترك خطيبتك والأمور تتصلح بينكم ويرجع هتفضلي تحلمي بحاجات زي دي. أنصحك لا تركزي مع الأحلام ولا تفسيراتها وركزي على حياتك أنتِ. ادعي ربنا يكتب لك الخير ويوجهك له... متدعيش بشخص معين. وعمومًا لو الشخص ده كان فيه الخير وكان من نصيبك هيكون من غير ما تشغلي بالك ولا تفكري ولا تتمني. لو مش لكِ ولا فيه الخير مش هيكون مهما عملتِ ومهما فكرتِ واتمنيتِ.
لعرض الإجابة في فدني اضغط هنا